Visit Jotunheimen

Visit Jotunheimen søkjer ein engasjert, strukturert og sjølvstendig vikar i 100% stilling.
Vikariatet har varigheit på 1 år, med oppstart i starten av august 2026.
Dette er ei unik moglegheit for deg som brenn for berekraftig reiseliv, og som ynskjer å jobbe med både utviklingsprosjekt, formidling, kundekontakt og drift av turistinformasjon og kontorfellesskap.
Om stillinga
Som vikar i Visit Jotunheimen vil du jobbe tett med dagleg leiar om den daglege drifta, og vere ei praktisk og fagleg støtte i reisemålsutviklinga.
Du vil få ansvar for å følge opp arbeidet med berekraftig reisemål og miljøfyrtårn, og vil få ei viktig rolle med å ferdigstille remerkinga av Lom som berekraftig reisemål våren 2027.
I tillegg vil du få ansvar for oppfølging av vårt kontorfellesskap og drift av turistinformasjonen i Lom.
Du vil bidra med innhald og web etter behov.
Arbeidsoppgåver og ansvarsområde
Bærekraftig reisemål
<ul><li>
Hovedansvar for oppfølging av merkeordningane våre berekraftig reisemål og miljøfyrtårn.
</li><li>
Koordinere og ferdigstille remerkinga av Lom som berekaftig reisemål våren 2027.
</li><li>
Innhente dokumentasjon, dialog med samarbeidspartar, gjennomføring av undersøkingar m.m.
</li><li>
Leie møter i destinasjonsleiinga og bidra til forankring av berekraftsarbeidet i reiselivet og lokalsamfunnet -- i samråd med reisemålsleiinga.
</li></ul>
Oppfølging av vårt kontorfellesskap
<ul><li>
Dialog og utleige av møterom og drop-in plassar.
</li><li>
Bestilling av varer til kontorfellesskap og fellesareal.
</li><li>
Oppfølging av tilganger, nøkkelbrikker og koder.
</li><li>
Føre oversikt over utleige og oppfølging fakturering.
</li></ul>
Turistinformasjon og vertskap
<ul><li>
Dagleg drift og vidareutvikling av turistinformasjonen i Lom.
</li><li>
Vere vertskap og handtere førespurnader på e-post, telefon og fysiske besøk.
</li><li>
Koordinering og oppfølging av sesongbemanning (i høgsesong, juni - september).
</li><li>
Vareoppfølging: Innkjøp, prising og varetelling.
</li></ul>
Dagleg drift og støtte til dagleg leiar
<ul><li>
Bistå i administrativt og praktisk arbeid.
</li><li>
Bidra i prosjekt, samarbeid og interne prosessar.
</li><li>
Kontakt og dialog med medlemsbedrifter.
</li></ul>
Nettside og innhald
<ul><li>
Publisering og oppdatering av innhald på nettside
</li><li>
Enkel redigering av tekst, bilete og struktur
</li><li>
Bidra til vidareutvikling av digital vertskapsrolle
</li></ul>
Vi ser etter deg som
<ul><li>
Har relevant utdanning og/eller erfaring innan reiseliv, destinasjonsutvikling, berekraftsarbeid, sal og/eller liknande.
</li><li>
Er strukturert, sjølvstendig og trygg til å ta ansvar og eigarskap.
</li><li>
Trivst med både operative oppgåver og langsiktig utviklingsarbeid.
</li><li>
Har god digital forståing og likar å jobbe med innhald og formidling.
</li><li>
Er glad i folk og har sterk service- og vertskapskompetanse.
</li><li>
Beherskar norsk og engelsk godt, munnleg og skriftleg.
</li><li>
Dersom du har erfaring med arbeid innan berekraft-arbeid, prosjektleiing, arrangementsplanlegging, økonomi, søknader og/eller offentlege prosessar, vil det kunne vere ein fordel.
</li></ul>
Vi kan tilby
<ul><li>
Ein arbeidskvardag med stor variasjon, frå prosjekt og utviklingsarbeid til vertskapsrolle og drift.
</li><li>
God innsikt i og erfaring med merkeordninga Berekraftig reisemål og Miljøfyrtårn -- og arbeid med berekraftig reisemålsutvikling i praksis.
</li><li>
Moglegheit for å påverke utviklinga av Lom og Jotunheimen som reisemål.
</li><li>
Arbeidsplass midt i nasjonalparklandsbyen Lom, med fjella som næraste nabo.
</li><li>
Eit sterkt lokalt forankra destinasjonsselskap med engasjerte eigarar og samarbeidspartnarar.
</li><li>
Tett samarbeid med engasjerte kollegaer, medlemsbedrifter og lokale aktørar.
</li><li>
Moglegheit for fleksibilitet arbeidsoppgåver ut i frå eigenskapar, i dialog med arbeidsgjevar
</li><li>
Løn etter avtale
</li></ul>

Ledig vikariat som reisemålsutviklar i Visit Jotunheimen