Sjukepleiar/ vernepleiar til Vindafjordtunet og Ølen omsorgssenter

Er du ein sjukepleiar/vernepleiar som ønsker å gjer ein forskjell i kvardagen til bebuarane våre? Hos Vindafjordtunet og Ølen omsorgssenter får du moglegheit til å jobba i eit fagleg sterkt og støttande arbeidsmiljø, med direkte påverknad på livskvaliteten til bebuarane våre. Me har 5 stk ledige faste 80-100% stillingar som sjukepleiar, med turnus enten dag/kveld eller natt, og me ønsker deg som ein del av vårt team!

Om Vindafjordtunet og Ølen omsorgssenter:

Vindafjordtunet består av tre avdelingar: somatisk langtidsavdeling med 15 plassar, samt demensomsorg delt i avdeling Sør og Nord med til saman 32 plassar. Ølen omsorgssenter har 15 plassar på somatisk langtidsavdeling og 13 plassar på korttids- og rehabiliteringsavdelinga. Begge hus har natt der du enten arbeidar inne på ein avdeling eller ute i nattpatruljen. 

Me har årsturnus med høg involvering av deg som tilsett og ønskjer du kan legge inn :) Du kan ønskje deg rein langvaktsturnus, kombinera langvakter på helg med ordinære i vekene eller rett og slett kun ordinære vakter. 

Me har kort veg til dine idear og innspel for å gi betre dagar for bebuarane men og for betre samhandling i miljøet og med kollegaer. 

Kva får du jobba med hos oss?

• Bidra direkte til å gi bebuarane våre ein veldig god plass å bu!
• Sjukepleiefaglege oppgåver; kartlegging (NEWS bla), oppfølging, pleieplan, tiltak, medisinar, pårørandekontakt, legekontakt.
• Palliasjon
• Rettleiing av og tverrfagleg samarbeid med kollegaer og studentar.
• Bidra til eit godt arbeidsmiljø og kontinuerleg utvikling av tenestene våre.
• Vera med å bygge sjukepleiarteam for betre teneste, samhandling, kollegaskap og arbeidsmiljø! 

Me kan tilby:

• Ein jobb med meining og faglege utfordringar som vil gi deg utvikling og meistring.
• Arbeid med engasjerte kollegaer som ønsker at du skal trivast og lykkast.
• Støtte og opplæring for å hjelpa deg å komma godt i gong i den nye rolla di.
• Moglegheiter for etter- og vidareutdanning i samsvar med vår kompetanseplan.
• Gratis e-læringskurs på Veiledaren og NHI, samt fast fagdag/timar kvar 6. veke.
• Kjekke tilsettgoder som blant anna gratis parkering og rabatt på Frisk treningssenter.
• Moglegheit for å bli med i bedriftskunstlaget og kommunalt kor: KOR'e Vindafjord

Lønn:

• Sjukepleiarar på Vindafjordtunet og Ølen omsorgssenter får lønn som er kr. 25.000,- (dag/kveld) og kr. 40.000,- (natt) over garantilønn i KS-områdets tariffavtale.
• Med relevant vidareutdanning på minst 60 studiepoeng, vil me vurdera å gi stillingskode som spesialsjukepleiar.
• Ved anna relevant vidareutdanning kan det vurderast å gi kompetansetillegg. 60 studiepoeng kan gi kr. 20.000,- i kompetansetillegg.
• Eigen helgeavtale: Meir lønn for fleire helgetimar du arbeidar over 389 timar
• Kompensasjon om du er veiledar til student. 
• Ein av Noregs sikraste pensjonsordningar: offentleg tenestepensjon.
• Forsikringsordningar som gruppelivsforsikring, yrkesskadeforsikring og tenestereiseforsikring.

Kvalifikasjonar:

• Norsk autorisasjon som sjukepleiar/vernepleiar.
• Stillingskode som spesialsjukepleiar krev relevant vidareutdanning på minimum 60 studiepoeng. 
• God IKT kompetanse og erfaring med elektronisk pasientjournal vil vera ein fordel.
• Gode munnlege og skriftlege norskkunnskapar.

Me tenker at du:

• Er framoverlent og leitar etter rette tiltak for å gi gode tenester til bebuarane - bebuaren kjem først!
• Har eit ønske om å arbeide med menneske som har komplekse og varierande hjelpebehov. 
• Har interesse for faget og held deg oppdatert.
• Likar å finne nye måtar å arbeide på! 
• Evner å arbeide sjølvstendig, systematisk og målretta.
• Trivest med til tider hektiske arbeidsdagar.
• Er fleksibel og ser nytte av å arbeide på tvers av avdelingane.
• Set pris på og arbeidar for eit godt miljø med stort samarbeidsklima der alle vert høyrt og respektert.

Personlege eigenskapar vert vektlagt.

Andre opplysningar:

• Det er eit krav om godkjent politiattest for den som vert tilsett i stillinga.
• Det er eit krav om at ein fyller ut eigenerklæringsskjema for MRSA og tuberkulinstatus, før oppstart. 

Slik søker du: 

Vindafjord kommune tek berre i mot elektroniske søknadar. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.