Vil du jobbe med implementering av FDV-system?

Vestland fylkeskommune er ein av dei største fylkeskommunane i landet. For å styrke oss på strategisk bruk og utvikling av FDV-system (forvaltning, drift og vedlikehald) søkjer vi no etter ein person som kan fylle rolla med overordna ansvar av FDV-system for fylkesvegane. Du vil bli ein sentral person i arbeidet med å delta i utvikling og bruk av FDV-system.

Stillinga er lagt til avdeling for Vedlikehald, Drift og Beredskap (VDB) som ligg på avdeling for Infrastruktur og Veg. VDB har i dag omlag 100 medarbeidarar som jobbar med drift og vedlikehald.

Stillinga er fast og i 100%. 

Kontorstad er Leikanger.

Arbeidsoppgåver

• Overordna ansvar for implementering av FDV-system (forvaltning, drift og vedlikehald) på VDB, inkludert opplæring av brukarar av systemet.
• Koordinere arbeidet med andre seksjonar og avdelingar. 
• Jobbe strategisk med bruk av og utvikling av FDV-systemet og porteføljestyring av vedlikehalds- og oppgraderingstiltak.
• Legge til rette for at data, dokumentasjon, tilstands- og avviksregistreringar i FDV-systemet vert brukt til å utarbeide langsiktige vedlikehalds- og oppgraderingsplanar. Og at FDV-systemet blir nytta til å effektivisere arbeidsprosessar for drift og vedlikehald, og samkøyre behov og prosjekt for å få effektiv gjennomføring. 
• Legge til rette for at datagrunnlag og dokumentasjon i FDV-systemet vert brukt som grunnlag for utlysing og oppfølging av drifts- og vedlikehaldskontraktar.
• Støtte avdelingsleiar med ulike oppgåver som blir pålagt.

Kvalifikasjonar

• Du må ha førarkort klasse B.
• Relevant utdanning frå universistet eller høgskule, minimum 3 år. Dersom du har sterk og allsidig praksis eller etterutdanning og gode personlege føresetnadar for stillinga, kan vi sjå bort frå utdanningskravet. 
• Det er ein fordel med erfaring og god fagleg tyngde frå FDV-system.
• Erfaring med vegdrift.
• Det er ein fordel med erfaring i kontraktsutlysing og oppfølging av kontraktar.
• Gode kunnskapar i bruk av relevante IKT-verktøy.
• Du må kunne bli sikkerheitsklarert.

Personlege eigenskapar

Du kjenner deg igjen i verdiane våre som er open, kompetent og modig.

Du forstår mekanismane og kan løyse utfordringane i eit prosjekt.

Gode personlege eigenskapar som kommunikasjon og samarbeid vil bli vektlagt.

Sjølvstendigheit og fleksibilitet til arbeidsoppgåver.

Vi tilbyr

Hos oss får du:

• ein meiningsfull og samfunnsnyttig arbeidskvardag
• ei spanande stilling i eit arbeidsmiljø med høg fagleg kompetanse
• gode moglegheiter for fagleg utvikling
• løn etter avtale
• gode offentlege pensjons- og forsikringsordningar
• fleksibel arbeidstid
• heimekontor etter avtale
• moderne kontorfasilitetar

Har du spørsmål til stillinga eller ønskjer meir informasjon, er du velkomen til å kontakte avdelingsleiar Eivind Yttri på telefon 908 30 854.

 

Kontaktinformasjon

Eivind Yttri, Avdelingsleiar, +47 90830854

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 5157076387
Stillingsprosent: 100%
Fast
Søknadsfrist: 06.10.2026