Veidekke

Sandane

Vi har store og spennande oppdrag på gang, og ynskjer å styrke laget med både prosjektleiar, anleggsleiar og driftsleiar i Nordfjord. Veidekke har eit sterkt fokus på menneska i organisasjonen og forventar at du er med og bidreg til å gjere oss betre som organisasjon. Vi har stort fokus på innovasjon og samarbeider både på tvers av prosjekt og distrikt.Vi jobber primært med prosjekt innan private næringsbygg, bustader, offentlege formålsbygg og anleggsrelaterte prosjekt innan energi og landbasert oppdrett. Stillingane vil vere knytt til vårt avdelingskontor på Sandane, og vi har prosjekt i heile Nordfjord.ProfilSom prosjektleiar har du ansvaret for prosjektet du jobbar i. Det betyr at du skal legge til rette for at alt går som det skal, frå kontrakt til økonomistyring, kvalitetssikring og miljøomsyn. I tillegg får du delta i tilbodsarbeid og prosjektutvikling.Du leier dialogen med kundane, passer på at teamet ditt har det bra og sørger for framdrifta i prosjektet. Du held og auge med bemanning, HMS og innkjøp. Du vil jobbe i team saman med dyktige medarbeidarar i Veidekke og leverandørar/UE/rådgivarar. Som prosjektleiar inngår du i vårt PL-nettverk.Som anleggsleiar har du ansvar for å planlegge og skape god og sikker drift på prosjektet, og du vil ha det overordna ansvaret for at alt fungerer som det skal. Du vil sjølvsagt få solid støtte frå prosjektorganisasjonen vår, men det er ditt ansvar å sørge for at prosjektet vert drive etter riktig framdrift og at produksjonen går etter planen. Dette betyr at du må ha god styring på planlegging, økonomi, kontrakt, bemanning, HMS- og kvalitetsarbeid i prosjektet. Du har også leiaransvaret for våre medarbeidarar på prosjektet. Hos oss vil du få styre alt frå mindre jobbar til store og kompliserte prosjekt, og planlegginga vil sette store krav til deg som anleggsleiar.Som driftsleiar har du ansvar for å leie den daglege drifta på prosjektet, og du fungerer som eit bindeledd mellom drift og framdriftsplan. Du har dagleg produksjonsansvar med sterkt fokus på HMS og effektive prosessar. Du skal bidra til å sikre at prosjektet oppnår måla om fornøgde kunder, kompetente og motiverte medarbeidarar, lønnssemd, skadefri produksjon og lav miljøbelastning. Driftsleiar organiserer, delegerer og følger opp framdriftsplanen for produksjon, og koordinerer prosjektet sine ressurser.KvalifikasjonerVi søker deg som har både ein teoretisk bakgrunn og byggeteknisk erfaring. Vi tenker at fylgjande er sentrale områder du kjenner deg att i, trivast med og vert utfordra av:<ul><li>Godt humør, stå-på-vilje, likar å jobbe i team – flink med folk!</li><li>Inspirerande leiar, kreativ og strukturert</li><li>Bachelor/Master innan byggfag eller teknisk fagskule</li><li>Allsidig erfaring frå bygg eller anleggsprosjekt</li><li>God kommersiell forståing</li><li>God muntleg og skriftleg framstillingsevne, i tillegg til aktiv bruk av digitale verktøy</li><li>Gode norskkunnskaper</li><li>Trivast både i felten, på brakka og kontoret</li></ul>Vi ynskjer å få med deg som har tru på eiga gjennomføringsevne. Du tek eigarskap til prosjekta, evner å motivere, ser mulegheiter, er resultatbevisst og kreativ. Det er viktig at du er initiativrik og handlekraftig. I Veidekke får du ansvar om du tek ansvar. Gode idear, godt samspel og involvering er sentrale tema hos oss, og du må ynskje å utvikle deg sjølv og teamet du jobbar i. Kort fortalt: Du er ein leiar med stort pågangsmot, er beslutningsdyktig og ein god lagspelar.Vi tilbyrHos oss blir du ein del av eit miljø der vi ler mykje og støttar kvarandre gjennom tjukt og tynt. Her deler vi kunnskap, leverer gode resultat og veks saman. Og ja, vi har det skikkeleg kjekt undervegs.Du får jobbe med spennande prosjekt i Nordfjord og i resten av distriktet saman med trivelege kollegaer i eit sterkt fagleg miljø. Vi ynskjer å vere ein organisasjon der alle blir sett, med stor fridom og høve for involvering og utvikling. Ein får ansvar og tillit, og kunde, HMS og kontinuerleg forbetring står øvst på agendaen.Du får konkurransedyktige vilkår, inkludert bonusordning, aksjeordning for medeigarskap, og gode pensjons- og forsikringsordningar. Vi har bedriftshytter og ulike sosiale arrangement.Har du spørsmål eller vil vite meir om stillinga? Vi tek gjerne ein prat med deg.Kristian Kleppe, Avdelingsleiar Veidekke Bygg Sandane tlf 951 99 675Ole Petter Henden, Distriktsleiar Veidekke Bygg Sogn og Fjordane tlf 977 75 643 Om arbeidsgjevarenVeidekke er ein av Skandinavia sine største entreprenørar. Selskapet utfører alle typar bygg- og anleggsoppdrag, vedlikeheld vegar og produserer asfalt, pukk og grus. Involvering og lokalkunnskap kjenneteikner verksemda. Omsetninga er om lag 43 milliardar kroner, og nær halvparten av dei 7 800 medarbeidarane eig aksjar i selskapet. Veidekke er notert på Oslo Børs og har sidan starten i 1936 alltid gått med overskot.Veidekke Bygg driv landsdekkande byggeverksemd for private og offentlege kundar. Verksemda bygger bolig, yrkesbygg, skular og andre offentlege bygg. Årleg omsetning er NOK 15,3 milliardar (2025), og verksemda har ca 2 800 tilsette, der 1 550 er fagarbeidarar og 1 250 funksjonærar.

Prosjektleder, anleggsleder og driftsleder Sandane/Nordfjord