Ledige helsefagarbeidarstillingar i tenesteområdet Helse- og omsorg, avdeling Vågåheimen

Ved institusjon Vågåheimen i Vågå kommune møter du eit fagleg sterkt og inkluderande arbeidsmiljø der humor, tryggleik og samarbeid står sentralt. Vi legg vekt på gode pasientforløp, har høgt fagleg fokus og eit nære samarbeid med heimetenesta, legetenesta, friviljuge, tenestemottakarar og pårørande. Ved oppstart hjå oss får du god opplæring og oppfylging av dyktige kollegaer som gler seg på å få deg med på laget.

Vi har no fleire ledige stillingar for deg som er helsefagarbeider. Stillingane har arbeid i turnus på kveld og dag. Helgefrekvens er per dags dato kvar 3. helg for stillingar i turnus.

Følgande stillingar er ledige:

Helsefagarbeider 75% stilling

Helsefagarbeider 50% x2 stillingar

I tenestene har vi stort fokus på fagutvikling og arbeidar aktivt med kvalitetsforbetring på systemnivå og i dagleg drift. Det er mykje positivt som skjer i tenesteområdet, med m.a. bygging og oppgradering av bygget Vågåheimen til ein topp moderne institusjon! Vi har stort fokus på velferdsteknologiske løysningar, fagleg utvikling og kompetanseheving for våre tilsette. Vi arbeider dagleg med å rigge tenestene på ein slik måte at dei er berekraftige i framtida, der ein nyttar rett kompetanse på rett stad. Vi har ei god blanding av tilsette, både i alder og fagleg profesjon. Vi ser fram til å høyre frå deg!

Arbeidsoppgåver:

• Ordinære oppgåver ut frå profesjon som helsefagarbeidar

• Tverrfagleg samarbeid, med fokus på gode pasientforløp

• Samarbeid med heimetenesta, brukarar, pårørande og andre aktuelle samarbeidspartar

Kvalifikasjonar

• Fagbrev helsefagarbeidar eller har starta på utdanninga

• Relevant erfaring er ynskjeleg, men ikkje naudsynt

• Gode norskkunnskap munnleg og skriftleg (minimum tilsvarande nivå B1)

• God fagleg innsikt og tryggheit

Eigenskapane dine:

• Fagleg engasjert

• Ansvarsbevisst og evne til å arbeide sjølvstendig

• Kreativ og endringsorientert/-viljug

• Gode kommunikasjons-, relasjons- og samarbeidsevner

• Initiativrik og søkjer å finne gode løysingar til det beste for fellesskapet

• Bidreg aktivt til eit godt arbeidsmiljø

• Fleksibel, lojal og er ein lagspelar

Personleg eignaheit vil bli tillagd avgjerande vekt

Det vert kravd politiattest ved tilsetjing.

Vi tilbyr:

• Eit utfordrande og spennande arbeidsfelt i stadig utvikling, der du som tilsett vert viktig for utvikling av tenesta

• Eit godt fagmiljø, med dyktige og rutinerte kollegaer

• Internundervisning, kompetanseheving, refleksjonsmøter og fagleg utvikling

• Konkurransedyktig lønn

• Kommunen kan vera behjelpeleg med å skaffe til vege mellombels bustad for deg som ikkje kan dagpendle.

Tilsetting skjer på dei vilkår som går fram av dei gjeldande lover, reglar og avtaler.

Venlegast informer i søknaden om du kva for stilling du søkjer på.

Stillingsstorleikar kan endre seg ved interne rokkeringar.

Stillingsprosentane vil ikkje bli delt dersom det er til vesentleg ulempe for arbeidsgjevar. Ved krav om auka fast stillingsstorleik må ein dermed fortrinnsvis ta stillinga slik den er.

Vågå kommune er opptekne av mangfald og oppmodar kvalifiserte kandidatar å søkje uavhengig av alder, kjønn, funksjonsevne, etnisitet eller nasjonal bakgrunn.

Vi gjer merksame på at søkjarnamn kan bli offentleggjort sjølv om ein reserverer seg mot det, jf. Off.lova §25. Du vil i tilfelle bli varsla om dette på førehand.