Universitetet I Bergen

Bergen

<h2>UiB - Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Studieleiar (50% førsteamanuensis/universitetslektor) i medisinved campus Førde</h2><p>Ved Det medisinske fakultet, Universitetet i Bergen, er det ledig ei stilling som førsteamanuensis eller universitetslektor (50 %) i medisin ved Klinisk institutt 1 eller Klinisk institutt 2 (avhengig av søkjar sitt fagområde/ sin spesialitet). Den som vert tilsett, får rolla som lokal studieleiar for fleircampusmodellen for medisinstudiet (prosjekt Vestlandslegen) i Førde. Arbeidet finn stad ved Førde sentralsjukehus, og ein føresetnad for stillinga er fast tilsetjing som lege ved Helse Førde på tilsettingstidspunktet.<br />Bakgrunnen for utlysinga er fakultetet sitt prosjekt for å etablere ein regional studiemodell for legeutdanninga ved UiB, i samarbeid med dei lokale helseføretaka i Helse Vest. Det første kullet med 20 medisinstudentar tek til på Campus Førde hausten 2028.</p><br /><h2>Arbeidsoppgåver for lokal studieleiar</h2><ul><li>leie arbeidet med utvikling og etablering av fleircampusmodellen i Førde </li><li>bidra i etablering og utvikling av stab i Førde     </li><li>samarbeide med føretaksleiinga og avdelingane ved Helse Førde om å implementere og drifte den til ein kvar tid gjeldande studieplan </li><li>ha ansvar for alle lokale semester i studieår 4-6 saman med lokale semesterleiarar og koordinatorar/konsulentar </li><li>samarbeide med relevante fagleg og administrativt ansvarlege ved Det medisinske fakultet. </li><li>ha tett samarbeid med programutvalsleiar for studieprogrammet i medisin ved Det medisinske fakultet og Eining for læring</li><li>ha ansvar for oppfølging av studentsaker lokalt</li><li><p>bidra til undervisning og eksamensarbeid, samt rettleiing og sensur av hovudoppgåver.</p><p> </p></li></ul><p>Det vert óg venta at den som vert tilsett, i rimeleg grad skal oppretthalde eller ta initiativ til eiga forskingsverksemd i høve til stadium for eige forskarløp. </p><p>I arbeidet med å utvikle eit fleircampusbasert undervisningsmiljø må den som vert tilsett pårekna noko reising til andre campus.</p><p>UIB vil i dialog med lokalt føretak legge til rette for delt arbeidsforhold etter tilsetjing.  </p><br /><h2>Kvalifikasjonar og eigenskapar for førsteamanuensis</h2><p>Kvalifiserte søkjarar har norsk doktorgrad i eit relevant fagfelt, eller tilsvarande kompetanse, må vere lege (cand.med.) og ha spesialitet innanfor eitt av faga det skal undervisast i. Det er eit ønskje at søkjar har brei og relevant klinisk erfaring, samt stort engasjement og interesse for undervisning. Personlege eigenskapar blir vektlagd ved vurderinga. Søkjar må fylle krav til utdanningsfagleg kompetanse, eller skaffe seg dette innan 2 år frå tilsetjing. UiB vil gje tilbod om opplæring i medisinsk pedagogikk dersom kravet ikkje er oppfylt før tilsetjing. Undervisningsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode.</p><br /><h2>Kvalifikasjonar og eigenskapar for universitetslektor</h2><p>Kvalifiserte søkjarar må vere lege (cand.med.) og ha spesialitet innanfor eitt av faga det skal undervisast i eller dokumentert fullført teneste (dersom ein ikkje er ferdig spesialist). Det er eit ønskje at søkjar har brei og relevant klinisk erfaring, samt stort engasjement og interesse for undervisning. UiB vil gje tilbod om opplæring i medisinsk pedagogikk dersom formell kompetanse ikkje ligg føre på søknadstidspunktet. Undervisningsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode. UiB tilbyr norskopplæring og vil legge til rette for at språkkravet kan oppfyllast. Det blir kravd gjennomført innføringskurs i universitetspedagogikk, med eit samla omfang på 39 timar. Dersom ein ikkje har utdanningsfagleg kompetanse, må dette skaffast innan 2 år frå tilsetjing. Sjå meir på <a href="https://www.uib.no/med/enhetforl%C3%A6ring/132056/pedagogisk-kompetanse-vitenskapelig-ansatte-faq#hva-er-kravene-til-utdanningsfaglig-kompetanse-for-lektorstilling-og-universitetsl-rer-" rel="nofollow">Enhet for læring</a>.</p><br /><h2>Vi kan tilby</h2><ul><li>Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt</li><li>Faglege utfordringar med gode høve for personleg utvikling og kompetanseutvikling</li><li>Førsteamanuensis:<br />Løn er for tida kr 800 000 – 820 000 (kode 1011), eller løn for <br />spesialist kr 820 000 – 850 000. Løn er brutto <br />pr. år for ei fulltidsstilling i lønsregulativet til staten ved tilsetjing. For særleg <br />kvalifisert søkjar kan det verte aktuelt å vurdere høgare løn </li><li>Universitetslektor:<br />Løn er for tida kr 655 000 – 705 000 (kode 1009) brutto pr. år for ei <br />fulltidsstilling. For særleg kvalifisert søkjar kan det verte aktuelt å vurdere <br />høgare løn</li><li>God pensjonsordning i Statens pensjonskasse</li><li>Gode <a href="https://www.uib.no/foransatte/17399/velferd-og-leie-av-lokaler" rel="nofollow">velferdsordningar</a></li></ul><br /><h2>Søknaden skal innehalde for førsteamanuensis</h2><ul><li>Søknadsbrev som fortel kvifor du søkjer stillinga</li><li>Utfyllande CV samt relevante vitnemål og attestar</li><li>Fullstendig publikasjonsliste</li><li>Dokumentasjon på eventuell utdanningsfagleg kompetanse sjå <a href="https://www.uib.no/med/enhetforlæring/132056/pedagogisk-kompetanse-vitenskapelig-ansatte-faq#hvem-gjelder-kravet-for-" rel="nofollow">Eining for læring</a>, sjå <a href="https://www.uib.no/med/enhetforl%C3%A6ring/132056/pedagogisk-kompetanse-vitenskapelig-ansatte-faq#hvem-gjelder-kravet-for-" rel="nofollow">Eining for læring</a></li><li>Ei liste over vitskaplege arbeid du vil det skal takast omsyn til ved vurderinga (høgst 10). For kvart arbeid skal det følgje med eit kort samandrag som omtalar dei viktigaste funna i arbeidet</li><li>Dei 10 vitskaplege arbeida frå punktet over i pdf-format</li><li>Namn og kontaktinformasjon til minst to referansar</li></ul><br /><h2>Søknaden skal innehalde for universitetslektor</h2><ul><li>Søknadsbrev som fortel kvifor du søkjer stillinga</li><li>Dokumentasjon på medisinsk spesialitet, eller på fullført teneste (dersom ein ikkje er ferdig spesialist)</li><li>Utfyllande CV med eventuelle vitskaplege publikasjonar</li><li>Vitnemål og attestar</li><li>Dokumentasjon på eventuell utdanningsfagleg kompetanse sjå <a href="https://www.uib.no/med/enhetforlæring/132056/pedagogisk-kompetanse-vitenskapelig-ansatte-faq#hvem-gjelder-kravet-for-" rel="nofollow">Eining for læring</a></li><li>Namn og kontaktinformasjon til minst to referansar</li></ul><p>Dersom du driv forsking legg du og ved:</p><ul><li>Fullstendig publikasjonsliste</li><li>Vitskaplege arbeid (maks 10) i pdf format</li></ul><p><strong>Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).</strong></p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg tilprosjektleiar for <a href="https://www.uib.no/vestlandslegen" rel="nofollow">Vestlandslegen</a> professor <a href="https://www4.uib.no/finn-ansatte/gottfried.greve" rel="nofollow">Gottfried Greve</a>, <a href="mailto:gottfried.greve&#64;uib.no" rel="nofollow">gottfried.greve&#64;uib.no</a></p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Universitetet i Bergen nyttar meirinnsyn ved tilsetjing i vitskaplege stillingar.</p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. </p><p>Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Studieleiar (50% førsteamanuensis/universitetslektor) i medisin ved campus Førde