Universitetet I Bergen

Bergen

Marita Kristiansen

Leiar for Fagspråksenteret

Anders Fagerjord

Instituttleiar 

<h2>UiB - Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Stipendiat i fagkommunikasjon med fokus på samfunnssikkerheit og beredskap ved Institutt for lingvistiske, litterære og estetiske studium</h2><p>Vi søkjer ein motivert og fagleg sterk kandidat til ei stipendiatstilling i fagkommunikasjon knytt til Senter for norsk fagspråk ved Institutt for lingvistiske, litterære og estetiske studium. Vi oppmodar kandidatar med norsk mastergrad eller tilsvarande utanlandsk grad innan relevante fagfelt som til dømes språkvitskap, medievitskap, journalistikk, statsvitskap, design eller geofysikk til å søkje. Planlagd oppstart er så snart som mogleg. Stillinga er for ein åremålsperiode på fire år.</p><p>I stillinga får du ein unik moglegheit til å utvikle deg innanfor fagfeltet, bidra til ny kunnskap på feltet og delta i eit stimulerande akademisk miljø.</p><br /><h2>Om instituttet:</h2><p><a href="https://www.uib.no/lle" rel="nofollow">Institutt for litterære, lingvistiske og estetiske studium</a> har kring 80 vitskapleg tilsette, 17 administrativt tilsette, rundt 40 ph.d.-kandidatar og sju postdoktorar. Instituttet femner om faga allmenn litteraturvitskap, digital kultur, klassiske fag, kunsthistorie, nordisk litteratur, språk og fagdidaktikk, norrøn filologi, norsk som andrespråk, allmenn språkvitskap og teatervitskap. Instituttet er òg stolt vertskap for to senter, Senter for digitale forteljingar og Senter for norsk fagspråk, og for tre av dei viktigaste ordbøkene i Noreg.</p><br /><h2>Om Senter for norsk fagspråk</h2><p>Forskingsprosjektet er knytt til <a href="https://www4.uib.no/forskning/forskningssentre/senter-for-norsk-fagsprak-fagspraksenteret" rel="nofollow">Senter for norsk fagspråk (Fagspråksenteret),</a> som er ei nasjonal satsing med finansiering frå Noregs forskingsråd. Senteret har som mål å samordne ein langsiktig nasjonal innsats for norsk språkforsking, utvikling og utdanning i terminologi og fagspråk, arbeidsspråk, leksikografi, namnegransking og språkteknologi. Senteret skal knyte til seg fleire stipendiatar og postdoktorar, og vil samarbeide med forskarar både nasjonalt og internasjonalt.</p><p>Samarbeidspartnarar inkluderer Høgskulen på Vestlandet, Høgskulen i Volda, Universitetet i Agder, Høgskulen i Østfold og Noregs teknisk naturvitskaplege universitet, Universitetet i Oslo, Meteorologisk institutt, Helse Vest RHF og Institutet för språk och folkminnen, i tillegg til nasjonale og internasjonale institusjonar i og utanfor universitets- og høgskulesektoren.</p><br /><h2>Om stillinga</h2><p>Stillinga er knytt til fokusområde Terminologi og fagspråk i Fagspråksenteret (2025-2033). Gjennom ei tverrfagleg tilnærming skal aktivitetane i senteret bidra til å utvikle ny, empirisk kunnskap om kva rolle fagspråk spelar i samfunnet, korleis det fungerer, blir lært og brukt i ulike kontekstar. Den som blir tilsett som stipendiat, vil delta i eit delprosjekt som skal forske på formidling av ekspertkunnskap innanfor området samfunnstryggleik og beredskap. Delprosjektet studerer korleis samfunnstrendar formar fagkommunikasjon og tilliten til denne, og korleis aktørar informerer befolkninga slik at ein kan ta informerte val i møte med naturfare, med perspektiv frå både brukarar, offentleg forvaltning og media.</p><p>Eit sentralt tema for arbeidet er korleis offentlege aktørar i Noreg, som Meteorologisk institutt (MET), Norges vassdrags- og energidirektorat (NVE), NRK, DSB og Politiet, informerer om venta og pågåande kriser. Hovudfokuset for stipendiaten vil vere kommunikasjon knytt til naturfarar, med særleg vekt på farleg vêr og tilhøyrande varsel.</p><p>Målet med slik kommunikasjon er å gje innbyggjarar, næringsliv og andre aktørar eit solid grunnlag for å ta informerte val, spesielt i samband med krisehandtering og eigenberedskap. Språket si rolle, både i tekst og visuelle framstillingar, står sentralt i prosjektet. Ei aktuell problemstilling kan vere å utforske korleis vêrvarsel, farevarsel og annan informasjon blir formidla gjennom multimodale uttrykk - som tekst, symbol, grafar, kart og bilete - for å forstå korleis bodskapen kan kommuniserast presist, effektivt og tillitsvekkjande til folk med ulike behov.</p><p>Det er òg aktuelt å undersøkje korleis samfunnstrendar påverkar denne typen fagkommunikasjon. Døme på dette kan vere nye teknologiar, auka bruk av kunstig intelligens (KI) i produksjon og distribusjon av informasjon, og endra forventningar frå publikum til offentlege aktørar.</p><p>Særleg relevant er korleis slike trendar påverkar tilliten til informasjon frå offentlege aktørar, og korleis denne tilliten kan styrkast gjennom tydeleg og målretta kommunikasjon.</p><p>Gjennom arbeidet får stipendiaten høve til å bidra til ny kunnskap om korleis offentleg kommunikasjon kan skape tryggleik og støtte både beredskapsapparatet og befolkninga si evne til å forstå og handtere naturfarar og krisesituasjonar.</p><p>Meir informasjon om Fagspråksenteret kan du finne <a href="https://www4.uib.no/forskning/forskningssentre/senter-for-norsk-fagsprak-fagspraksenteret" rel="nofollow">her.</a></p><br /><h2>Om stipendiatstillinga og forskarutdanninga:</h2><p>Stipendiatstillinga har som hovudmål å leie fram til ein ph.d.-grad, som kvalifiserer for sjølvstendig forskingsverksemd og for anna arbeid som krev særskild kompetanse.</p><p>Stillinga har ein samla periode på fire år:</p><ul><li>2,5 år er sett av til arbeidet med doktorgradsprosjektet.</li><li>1 år er sett av til karrierefremjande arbeid innan undervisning, formidling og administrasjon. Plan for denne delen av stillinga vert avtalt ved tilsetjing.</li><li>Som stipendiat blir du tatt opp i ph.d.-programmet ved Det humanistiske fakultet. Programmet inneheld ein opplæringsdel på 30 studiepoeng, som utgjer seks månadar av tilsetjingsperioden</li></ul><br /><h2> Kvalifikasjonar og personlege eigenskapar:</h2><p><strong>Søkjaren må ha:</strong></p><ul><li>Norsk mastergrad eller tilsvarande utanlandsk grad innan relevante fagfelt, til dømes språkvitskap, medievitskap, journalistikk, statsvitskap, design eller geofysikk. Det er ein føresetnad at mastergraden er oppnådd innan søknadsfristen går ut. Annan grad enn norsk mastergrad blir vurdert etter krav frå Direktoratet for høgare utdanning og kompetanse.</li><li>Evne til å arbeide sjølvstendig og strukturert, kombinert med gode samarbeidsevner.</li><li>Evne til å ta initiativ og sikre god gjennomføring i arbeidet.</li><li>Evne til å samarbeide i tverrfaglege fellesskap.</li><li>Gode munnlege og skriftlege ferdigheiter i eit skandinavisk språk ved tilsetting.</li><li>God framstillingsevne på engelsk, skriftleg og munnleg.</li></ul><p>Søkjarar vil bli vurderte etter opptakskrav frå Det humanistiske fakultet, sjå <a href="https://www.uib.no/hf/131797/phd-programmet-ved-det-humanistiske-fakultet-innhald-og-struktur" rel="nofollow">ph.d.-programmets pkt. 2.1.</a></p><p>Søkjarar må leggje fram ei prosjektskisse til eit forskingsprosjekt som skal munne ut i ei doktorgradsavhandling, og ein framdriftsplan for prosjektet.</p><p>Ved vurderinga av søknadene blir det lagt vekt på den vitskaplege kvaliteten i prosjekta, kor gjennomførlege dei skisserte prosjekta er, og dei faglege grunnkvalifikasjonane hjå søkjarane, inkludert erfaring med relevante metodar. Det vil vidare bli lagt vekt på fagstrategiske omsyn, motivasjon og kor personleg eigna søkjarane er.</p><br /><h2>Hos oss får du:</h2><ul><li>Eit godt og fagleg spennande arbeidsmiljø.</li><li>Høve til å byggje sterke faglege nettverk.</li><li>Ein trygg og fleksibel arbeidskvardag med <a href="https://www.uib.no/foransatte/17399/velferd-og-leie-av-lokaler" rel="nofollow">gode velferdsordningar</a>.</li><li>Ein arbeidsstad i hjartet av Bergen - nær både byliv og natur.</li><li>Løn som stipendiat (stillingskode 1017), som for tida svarar til ei brutto årsløn på kr 593 700 i full stilling. Vidare lønsopprykk skjer etter ansiennitet i stillinga.</li><li>Medlemskap i <a href="https://www.spk.no/" rel="nofollow">Statens pensjonskasse</a>, som inneber ei trygg tenestepensjonsordning, moglegheit for uføre- og etterlatnepensjon, og tilgang til gunstige bustadlån.</li></ul><br /><h2>Slik søkjer du stillinga:</h2><p>Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande:</p><ul><li>Under «Søknadstekst»: Skriv ei kort utgreiing om dine forskingsinteresser og motivasjon for å søkje stillinga.</li><li>Under «CV», oppgi:<ul><li><strong>Personalia.</strong></li><li><strong>Erfaringar og kvalifikasjonar </strong>(fyll inn dei seksjonane som er relevante for deg).</li><li><strong>Publikasjonar/vitskaplege produksjonar </strong>kan leggjast ved som separat dokument dersom ønskjeleg (publikasjonsliste).</li><li><strong>Språkferdigheiter.</strong></li><li><strong>Minst to referansepersonar. </strong>Ein av desse må vere hovudrettleiaren for masteroppgåva eller tilsvarande oppgåve.</li></ul></li><li>Under «Vedlegg» skal følgjande lastast opp som separate dokument:<ul><li><strong>Prosjektskisse </strong>på inntil 12 000 teikn medrekna mellomrom (litteraturliste ikkje medrekna). Prosjektskissa skal tydeleg skildre det vitskapelege prosjektet, inkludert forskingsbakgrunn, hovudproblemstillingar, teori, metode, etiske aspekt og empiri som skal nyttast i prosjektet. Prosjektskissa skal også vise korleis det føreslåtte prosjektet bidrar til forskinga i fokusområde terminologi og fagspråk. Litteraturliste skal følgje prosjektskissa.</li><li><strong>Framdriftsplan for prosjektet </strong>som tek omsyn til karrierefremjande arbeid og ph.d.-programmet sin opplæringsdel.</li><li><strong>Karakterutskrift og vitnemål </strong>for bachelor- og mastergrad skal lastast opp frå Vitnemålsportalen. Dersom desse ikkje er tilgjengelege via Vitnemålsportalen, skal dei lastast opp som vanlege filer. Dersom omfanget på masteroppgåva ikkje kjem fram av karakterutskrifta eller vitnemålet, må det leggjast ved stadfesting frå den gradgjevande institusjonen som oppgir oppgåva sitt omfang i ECTS.</li><li><strong>Kort samandrag av masteroppgåva </strong>eller tilsvarande oppgåve (inntil tre sider).</li><li><strong>Liste over eventuelle faglege publikasjonar </strong>(publikasjonsliste).</li><li><strong>Inntil tre fullstendige faglege publikasjonar </strong>kan leggjast ved dersom aktuelt.</li><li><strong>Relevante attestar </strong>som støttar opp under dine kvalifikasjonar, ferdigheiter, erfaringar eller eigenskapar.</li></ul></li></ul><p>Søknadstekst, CV og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format, og må lastast opp i Jobbnorge innan søknadsfristen. <strong>Namngje vedlegga tydeleg.</strong></p><p>Vurderingskomiteen kan i særskilde tilfelle be om ettersending av dokumentasjon.</p><p>Aktuelle søkjarar vil bli inviterte til intervju.</p><p><a href="https://www.uib.no/hr/74251/ansettelsesprosessen" rel="nofollow">Nærare om tilsettingsprosessen her.</a></p><br /><h2>Formelle reguleringar:</h2><ul><li>Kandidatar som tidlegare har hatt stipendiatstilling ved Universitetet i Bergen, kan ikkje søkje stillinga.</li><li>Tilsetjingsperioden kan bli redusert for kandidatar som tidlegare har vore tilsett i ei rekrutteringsstilling ved ein annan institusjon.</li><li>Tilsetjing i stillinga krev at ein har sin daglege arbeidsplass ved Universitetet i Bergen og følgjer gjeldande retningslinjer.</li></ul><br /><h2>Generell informasjon:</h2><p>Utfyllande opplysningar om stillinga kan ein få ved å kontakte instituttleiar Anders Fagerjord, e-post: <a href="mailto:anders.fagerjord&#64;uib.no" rel="nofollow">anders.fagerjord&#64;uib.no</a> eller telefon: &#43;47 55583653 eller leiar for Fagspråksenteret Marita Kristiansen, e-post: <a href="mailto:marita.kristiansen&#64;uib.no" rel="nofollow">marita.kristiansen&#64;uib.no</a> eller telefon: &#43;47 55583069 eller &#43; 47 97604624.</p><p>Spørsmål om den elektroniske søknadsprosessen kan rettast til Det humanistiske fakultet på e-post: <a href="mailto:fakadm&#64;hf.uib.no" rel="nofollow">fakadm&#64;hf.uib.no</a></p><p><a href="https://www.uib.no/internasjonalt/128544/internasjonale-ansatte" rel="nofollow">Internasjonalt senter</a> ved UiB har informasjon om å flytte til Noreg for internasjonale søkjarar.</p><p>Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.</p> <p>Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søkje. Dersom du kryssar av for dette i søknaden, kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.</p><br /><h2>Livet som ph.d.-kandidat ved UiB</h2><p>Astrid Nybø forteller om livet og arbeidshverdagen som ph.d.-kandidat ved UiB.</p>Video: <a href="https://www.youtube.com/watch?v&#61;Eo3Z63yzkKA&amp;list&#61;PLf8ZIYfAO0qjhROTj6SthDbSScg0lSO6G&amp;index&#61;5" rel="nofollow">https://www.youtube.com/watch?v&#61;Eo3Z63yzkKA&amp;list&#61;PLf8ZIYfAO0qjhROTj6SthDbSScg0lSO6G&amp;index&#61;5</a>