Universitetet I Bergen

Bergen

<h2>UiB - Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Stipendiat</h2><p>Ved Det medisinske fakultet,  Klinisk institutt 2 er det ledig ei stilling som stipendiat (100 %). Stillinga er ledig for ein periode på tre (3) år. </p><p>Stillinga er knytt til prosjektene “Genetic Foundations of Appetite and Obesity in Early Life” og “Identification of factors affecting early growth to reveal biological mechanisms that may be targeted to prevent later obesity and diabetes” at the Mohn Research Center for Diabetes Precision Medicine (PRECISE-DIA)”, finansiert av Universitetet i Bergen </p><br /><h2>Om prosjektet:</h2><p><strong>Overvekt hos barn</strong> er ei aukande global helseutfordring, og det ligg føre sterke bevis for at genetisk disposisjon er ein sentral faktor for individuell sårbarheit i eit stadig meir fedmefremjande miljø. Forskargruppa vår har som mål å avdekkje den genetiske arkitekturen bak vektauke, appetitt og regulering av mettheit frå spedbarnsalder til ungdomstid, og å bruke denne kunnskapen til å forstå dei livslange konsekvensane av tidlege påverknadsfaktorar for metabolsk helse og diabetes.</p><p>Stipendiaten vil få moglegheit til å arbeide med data frå den unikt rike <strong>Den norske mor, far og barn‑undersøkinga (MoBa)</strong>, som inneheld detaljerte genetiske, fenotypiske og spørjeskjemabaserte data frå om lag hundre tusen svangerskap (fhi.no/en/ch/studies/moba). Foreldra og barna i MoBa har blitt følgt sidan inklusjon i studien (rekruttering i perioden 1999–2008), noko som gir særlege moglegheiter til å studere sjukdoms‑ og helseutvikling gjennom livsløpet på tvers av to generasjonar. Resultata vil bli kombinerte med data frå internasjonale samarbeid med brei etnisk representasjon, for å mogleggjere identifisering av både vanlege og sjeldne genetiske variantar som påverkar kroppsutvikling tidleg i livet, eteatferd gjennom livsløpet og livslang helse.</p><p>Prosjektet vil bli gjennomført ved <strong>Mohn Research Center for Diabetes Precision Medicine (PRECISE‑DIA)</strong> (uib.no/en/diabetes), lokalisert ved Avdeling for pediatri og ungdomsmedisin, Haukeland universitetssjukehus, Bergen, Noreg.</p><p>Stipendiaten vil arbeide i eit tverrfagleg (medisin, genetikk, statistikk, epidemiologi, cellebiologi og informatikk) og sterkt internasjonalt orientert forskingsmiljø. Vi har eit tydeleg fokus på personleg og fagleg utvikling, og vil tilby rettleiing og opplæring både innan kjerneteamet og gjennom formalisert medrettleiing frå internasjonale samarbeidspartnarar. Det vil òg vere moglegheit for forskingsopphald i utlandet.</p><br /><h2>Arbeidsområde</h2><ul><li>Identifisere tidlege utviklingsforløp (både genetiske og ikkje‑genetiske faktorar) som kjenneteiknar sunn og usunn vekt‑ og livsutvikling</li><li>Studere betydninga av både sjeldne genetiske variantar (NGS‑data) og vanlege variantar (GWAS) for vekstutvikling og eteatferd</li><li>Delta i internasjonalt samarbeid innan genetikk i tidleg livsfase</li><li>Identifisere genetiske effektar som verkar ulikt avhengig av om dei er arva frå mor eller far (såkalla foreldre‑opphavseffektar)</li><li>Delta i tverrfagleg forskingsarbeid i gruppa og ved senteret</li><li>Gjennomføre forskingsopphald i utlandet</li></ul><br /><h2> Kvalifikasjonar og eigenskapar:</h2><p>Søkjar må ha mastergrad eller tilsvarande innan molekylær genetikk, medisin, genetisk epidemiologi, statistisk genetikk, medisinsk datavitskap eller bioinformatikk.</p><p>Søkjar må i tillegg leggje ved ein eigen tekst der dei gjer greie for forskingsinteresser og motivasjon for prosjektet. I denne teksten skal søkjar:</p><ul><li>Dokumentere sterk interesse for prosjektet og analyse av store datamengder</li><li>Syne høg motivasjon for prosjektet</li><li>Dokumentere evne til å arbeide sjølvstendig og strukturert, og samstundes vere motivert for samarbeid med andre</li><li>Syne evne og motivasjon til å gjennomføre eit ph.d.-prosjekt</li><li>Ha svært gode munnlege og skriftlege ferdigheiter i engelsk (sjå dokumentasjonskrav for nærare informasjon)</li></ul><p><strong>Følgjande vil bli vurdert som ein føremon:</strong></p><ul><li>Erfaring frå relevante forskingsprosjekt</li><li>Erfaring med analyse av store omics‑datasett</li><li>God kompetanse innan informatikk</li><li>Erfaring frå internasjonalt samarbeid</li></ul><p>Personlege eigenskapar vert vektlagt ved vurderinga.</p><br /><h2>For stillinga gjeldt følgande:</h2><p>Søkjarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved Direktoratet for høyere utdanning og kompetanse (HK-dir) si generelle vurdering om utdanninga (bachelor og master) samsvarar med norsk mastergrad. Sjå <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/slik-soker-du-om-godkjenning-av-hoyere-utdanning" rel="nofollow">https://hkdir.no</a> for meir informasjon om vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stipendiat stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. <strong>Merk at den automatiske godkjenningsordninga til HK-dir ikkje er tilstrekkeleg</strong>. Søkjarar med nordisk utdanning, eller medisinutdanning frå EØS-området som har fått lisens til å arbeide som lege i Norge er unntatt kravet om HK-dir vurdering, sjå  <a href="https://www.uib.no/med/133389/opptakskrav#utdanningsbakgrunn" rel="nofollow">Opptakskrav | Det medisinske fakultet | UiB</a></p><p>Sjå også krav om dokumentasjon av engelsk-kunnskapar: <br /><a href="http://www.uib.no/med/115525/krav-til-engelskkunnskaper-ved-opptak-til-phd-programmet" rel="nofollow">http://www.uib.no/med/115525/krav-til-engelskkunnskaper-ved-opptak-til-phd-programmet</a></p><p><strong>Forskarutdanning (ph.d.-programmet):</strong></p><p>Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjent opplegg for ein doktorgrad innafor ei tidsramme på 3 år, utan andre pålagte arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.</p><p><strong>Stipendiatstilling:</strong></p><p>Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.</p><br /><h2>Vi tilbyr:</h2><ul><li>Spanande og utviklande arbeidsoppgåver i eit sterkt fagmiljø</li><li>Løn for tida kr 570 000 (kode 1017) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 585 000 (For søkjarar som er autorisert som lege eller tannlege, må dokumentasjon på norsk autorisasjon leggjast ved søknaden). For søkjarar med spesialistutdanning er løna for tida kr 605 000 (For søkjarar som har spesialistutdanning, må det leggjast ved spesialistgodkjenning frå Helsedirektoratet.)</li><li>Medlemsskap i Statens pensjonskasse </li><li>Gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Søknaden skal innehalde:</h2><ul><li>Ei kort utgreiing om søkjaren sine forskingsinteresser og motivasjon for å søkje stillinga</li><li>Karakterutskrifter og vitnemål (all høgare utdanning) og relevante attestar</li><li>Søkjarar med utanlandsk utdanning (bachelor og master) må leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved HK-dir si generelle vurdering om utdanninga samsvarar med norsk mastergrad. Sjå <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/slik-soker-du-om-godkjenning-av-hoyere-utdanning" rel="nofollow">https://hkdir.no/</a> for meir informasjon om generell vurdering av høgare utdanning. Har du ikkje fått svar innan søknadsfristen, kan du leggje ved dokumentasjon frå HK-dir om at dei har mottatt søknaden din </li><li><a href="http://www.uib.no/med/115525/krav-til-engelskkunnskaper-ved-opptak-til-phd-programmet" rel="nofollow">Dokumentasjon på engelsk-kunnskapar</a></li><li>Ei fullstendig liste over publikasjonar og eventuelle andre faglege arbeid du vil det skal takast omsyn til</li><li>Eventuelle publikasjonar (pdf)</li><li>To referansar (namn og kontaktinformasjon)</li></ul><br /><h2>Generell informasjon:</h2><p>Nærare opplysingar om stillinga kan ein få ved å kontakte professor Stefan Johansson, e-post: <a href="mailto:stefan.johansson&#64;uib.no" rel="nofollow">stefan.johansson&#64;uib.no</a></p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.       </p><br /><h2>Livet som ph.d.-kandidat ved UiB</h2><p>Astrid Nybø forteller om livet og arbeidshverdagen som ph.d.-kandidat ved UiB.</p>Video: <a href="https://www.youtube.com/watch?v&#61;Eo3Z63yzkKA&amp;list&#61;PLf8ZIYfAO0qjhROTj6SthDbSScg0lSO6G&amp;index&#61;5" rel="nofollow">https://www.youtube.com/watch?v&#61;Eo3Z63yzkKA&amp;list&#61;PLf8ZIYfAO0qjhROTj6SthDbSScg0lSO6G&amp;index&#61;5</a>

Stipendiat (100 %) i 3 år ved Klinisk institutt 2