Universitetet I Bergen

Bergen

Julie Alver Tønsaker

Studiesjef

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.<br /> </p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Rådgjevar </h2><p>Har du lyst på ei utfordrande stilling der du kan jobbe med internasjonalisering av høgare utdanning? Og der du vil få ansvar for fleire sentrale studieadministrative prosessar og fagfelt? Ved Seksjon for studiar og forskarutdanning ved Det humanistiske fakultet er det ledig ei fast stilling som rådgjevar, med oppstart så snart som mogleg.   </p><br /><h2>Kven ser vi etter? </h2><p>Vi søkjer deg som er motivert og framtidsretta og som har interesse for både organisering av studietilbod og internasjonalisering. Du ser verdien i å utvikle og forbetre rutinar og praksisar og har evne til å utvise godt skjøn. Du er utforskande og open for nye løysingar, og du trivst med ein travel arbeidskvardag med allsidige og ulike arbeidsoppgåver.</p><br /><h2>Om studietilbodet og seksjonen</h2><p>Studietilbodet ved fakultetet er breitt.Seksjonen følgjer opp og koordinerer det studieadministrative arbeidet ved fire institutt og to studie- og forskingssenter, som har ei samla portefølje på 11 årsstudium, 24 bachelorprogram, 25 masterprogram og fleire femårige lektorprogram. I tillegg har seksjonen ansvar for administrasjon av forskarutdanninga ved fakultetet.</p><p>Studieseksjonen består av åtte tilsette. Seksjonen organiserer fakultetets arbeid med studiekvalitet, internasjonalisering, rekruttering og studentmottak, og har eit koordinerande ansvar for undervisning og eksamen ved fakultetet. Seksjonen støtter det studieadministrative arbeidet ved institutt og senter ved å utvikle gode rutinar, formidle gjeldande retningsliner og sørge for god informasjonsflyt.<br /><br />Den utlyste rådgjevarstillinga rapporterer til seksjonsleiar og vil samarbeide særleg tett med kollegaene i studieseksjonen, fagleg leiing ved fakultetet og studieadministrasjonane ved institutta.  </p><p>I ei tid prega av store endringar i høgare utdanning og rask digital utvikling, må det påreknast at fordelinga av ansvarsområde mellom dei tilsette ved seksjonen jamleg må justerast for å møte nye behov og løyse nye oppgåver. </p><br /><h2>Sentrale arbeidsoppgåver</h2><p>Rådgjevaren skal inngå som eit sentralt medlem av fakultetet sitt studieadministrative team, og bidra til å drifte og utvikle den studieadministrative verksemda på tvers av nivå og einingar. Den utlyste stillinga får ansvar på fleire område, og skal:</p><ul><li>ha hovudansvar for internasjonalisering av studiar, inkludert studentutveksling og internasjonalt samarbeid.</li><li>koordinere timeplanlegging og eksamensorganisering ved fakultetet.</li><li>vere ein sentral rådgjevande ressurs på saksfelta. </li><li>delta i, og leie, arbeidsgrupper, utviklingsprosjekt og utredningsarbeid.</li><li>drive saksførebuing til råd og utval.</li><li>delta i ulike studieadministrative nettverk.</li><li>drive sakshandsaming og studierettleiing.</li></ul><br /><h2>Kvalifikasjonar</h2><ul><li>Det er krav om mastergrad. Relevant dokumentert erfaring kan delvis kompensere for manglande formell utdanning.</li><li>Erfaring med koordinering og organisering av arbeidsprosessar.</li><li>Relevant digital kompetanse.</li><li>Relevant praksis og erfaring med saksbehandling og forvaltningsoppgåver, fortrinnsvis innanfor høgare utdanning.</li><li>God formuleringsevne på bokmål, nynorsk og engelsk.</li></ul><br /><h2>Personlege eigenskapar </h2><p>Vi ser etter ein medarbeidar som </p><ul><li>er motivert, fleksibel og sørvisinstilt.</li><li>har gode samarbeids- og kommunikasjonsevner.</li><li>er komfortabel med å fungere som sentral ressursperson og representere sine ansvarsområde i ulike samanhengar.</li><li>kan arbeide både sjølvstendig og i team.</li><li>arbeider strukturert og som trivst med utvikling av system og rutinar.</li><li>har stor arbeidskapasitet, men også evne til prioritering i periodar med stort arbeidspress.</li></ul><p>Det blir lagt stor vekt på dei personlege eigenskapane som trengst i stillinga.</p><br /><h2>Kvifor skal du arbeide hos oss?</h2><p>Som tilsett hos oss blir du ein del av eit sterkt og inkluderande team i ein spanande kunnskapsorganisasjon. Du får moglegheit til å jobbe med varierte oppgåver og utvikle deg fagleg. I tillegg får du:</p><ul><li>Moglegheit til å byggje sterke nettverk på tvers av einingar. </li><li>Ein trygg og fleksibel arbeidskvardag, med fleksitid, sommartid frå mai til september, og moglegheit for heimekontor etter avtale. </li><li><a href="https://www.uib.no/foransatte/17399/velferd-og-leie-av-lokaler" rel="nofollow">Gode velferdsordningar</a>, mellom anna ulike kultur- og idrettstilbod inkludert moglegheit til trening i arbeidstida. </li><li>Ein arbeidsstad i hjartet av Bergen – nær både byliv og natur. </li><li>Ei stilling som gir rom for initiativ og engasjement.</li><li>Løn som 1434 rådgjevar med ei brutto årslønn på mellom 700 000 kr til 740 000 kr brutto per år avhengig av erfaring og kvalifikasjonar. For særskilt kvalifiserte søkjarar kan det bli aktuelt å vurdere høgare løn.</li><li><a href="https://www.spk.no/" rel="nofollow">Medlemskap i Statens pensjonskasse</a>, som inneber ei trygg tenestepensjonsordning, moglegheit for uføre- og etterlatnepensjon, samt tilgang til gunstige bustadlån.</li></ul><br /><h2>Slik søkjer du stillinga:</h2><p>Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande:</p><ul><li>Under «Søknadstekst»: Skriv ei kort utgreiing om din motivasjon for å søkje stillinga, og om erfaringar og eigenskapar du meiner er særleg relevante.</li><li>Under «CV», oppgi:<ul><li><strong>Personalia.</strong></li><li><strong>Erfaringar og kvalifikasjonar.</strong></li><li><strong>Språkferdigheiter.</strong></li><li><strong>Minst tre referansepersonar.</strong> Ein av desse bør vere nåverande eller tidlegare overordna.</li></ul></li><li>Under «Vedlegg» lastast følgjande opp som separate dokument:<ul><li><strong>Karakterutskrift og vitnemål </strong>lastast opp frå Vitnemålsportalen. Dersom desse ikkje er tilgjengelege via Vitnemålsportalen, lastast dei opp som vanlege filer.</li><li><strong>Relevante attestar </strong>som dokumenterer dine kvalifikasjonar, ferdigheiter, erfaringar eller eigenskapar.</li></ul></li></ul><p>Søknadstekst og CV må vere på norsk eller eit anna skandinavisk språk. Vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format og må lastast opp i Jobbnorge innan søknadsfristen.</p><p><a href="https://www.uib.no/foransatte/74251/s%C3%B8keprosessen" rel="nofollow">Nærare om tilsettingsprosessen her.</a></p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til: studiesjef Julie Alver Tønsaker på tlf. 55 58 30 25, e-post: <a href="mailto:julie.tonsaker&#64;uib.no" rel="nofollow">julie.tonsaker&#64;uib.no</a>. </p><p>Spørsmål om den elektroniske søknadsprosessen kan rettast til Det humanistiske fakultet på e-post: <a href="mailto:fakadm&#64;hf.uib.no" rel="nofollow">fakadm&#64;hf.uib.no</a>.</p><p>Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.</p> <p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.</p><p>Den som vert tilsett, må rette seg etter dei retningslinene som til ei kvar tid gjeld for stillinga.</p><br />

Rådgjevar ved Seksjon for studiar og forskarutdanning