Universitetet I Bergen

Bergen

Samia Touileb

Leiar av arbeidspakken i språkteknologi 

Marita Kristiansen

Leiar for Fagspråksenteret

Anders Fagerjord

Instituttleiar 

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Postdoktor i språkteknologi ved Institutt for lingvistiske, litterære og estetiske studier</h2><p>Vi søkjer ein motivert og fagleg sterk kandidat til ei postdoktorstilling i språkteknologi ved Senter for norsk fagspråk, som ligg under Institutt for lingvistiske, litterære og estetiske studier. Planlagd oppstart er august 2026 eller etter avtale. Stillinga er for ein åremålsperiode på tre år. <br /><br />Postdoktorstillinga er ein del av arbeidspakke 5, som fokuserer på utvikling av språkteknologiar. Kandidaten er venta å ta ei aktiv rolle i senteret og bidra til å nå måla i arbeidspakken, i nært samarbeid med arbeidspakke 1, som omhandlar terminologi og fagspråk spesielt, og senteret samla sett. <br /><br />I stillinga får du ei unik moglegheit til å utvikle deg innan fagfeltet, bidra til ny kunnskap på feltet og delta i eit stimulerande akademisk miljø.</p><br /><h2>Om instituttet </h2><p><a href="https://www.uib.no/lle" rel="nofollow">Institutt for litterære, lingvistiske og estetiske studier</a> har om lag 80 vitskapleg tilsette, 17 administrativt tilsette, rundt 40 ph.d.-kandidatar og sju postdoktorar. Instituttet omfattar faga allmenn litteraturvitskap, digital kultur, klassiske fag, kunsthistorie, nordisk litteratur, språk og fagdidaktikk, norrøn filologi, norsk som andrespråk, språkvitskap og teatervitskap. Instituttet er òg stolt vertskap for to senter, Senter for digitale forteljingar og Senter for norsk fagspråk, og for tre av dei viktigaste ordbøkene i Noreg. </p><br /><h2>Om Senter for norsk fagspråk</h2><p><a href="https://www4.uib.no/forskning/forskningssentre/fagspraksenteret-senter-for-norsk-fagsprak" rel="nofollow">Senter for norsk fagspråk</a> er ei nasjonal satsing med finansiering frå Noregs forskingsråd, og har som mål å samordne ein langsiktig nasjonal innsats for norsk språkforsking, utvikling og utdanning i terminologi og fagspråk, arbeidsspråk, leksikografi, namnegransking og språkteknologi. Senteret skal knyte til seg fleire stipendiatar og postdoktorar, og vil samarbeide med forskarar både nasjonalt internasjonalt. </p><p>Samarbeidspartnarar inkluderer Høgskulen på Vestlandet, Høgskulen i Volda, Universitetet i Agder, Høgskulen i Østfold og Noregs teknisk-naturvitskaplege universitet, Meteorologisk institutt, Helse Vest RHF og Institutet för språk och folkminnen (Sverige), i tillegg til nasjonale og internasjonale institusjonar i og utanfor universitets- og høgskulesektoren.</p><br /><h2>Om postdoktorstillinga:</h2><p>Postdoktorstillinga har som hovudmål å kvalifisere den som blir tilsett for arbeid i faglege toppstillingar. <br /><br />Den som vert tilsett må utarbeida ein karriereplan som spesifiserer kompetansen postdoktoren er venta å tileigna seg, i samarbeid med instituttet heilt i starten av tilsetjingsperioden. </p><br /><h2>Kvalifikasjonar og personlege eigenskapar:</h2><p><strong>Søkjaren må:</strong></p><ul><li>ha ei norsk doktorgrad (ph.d.) eller tilsvarande utanlandsk grad innan språkteknologi, datalingvistikk, naturleg språkbehandling (NLP), maskinlæring eller andre relevante område innan informatikk og kunstig intelligens, men med ei tydeleg NLP-fokusert avhandling. Doktoravhandlinga må vere levert innan søknadsfristen er ute, og oppnådd doktorgrad er eit vilkår for tilsetjing.  </li><li>ha evne til å jobba sjølvstendig og strukturert, kombinert med sterke samarbeidsevner.  </li><li>vere svært motivert og problemløysingsorientert.  </li><li>ha framifrå munnlege og skriftlege ferdigheiter i engelsk.  </li><li>ha solid forskingserfaring innan NLP, demonstrert gjennom publikasjonar i leiande NLP-kanalar.  </li><li>ha brei kunnskap om sentrale NLP-oppgåver.</li><li>ha ei omfattande forståing av moderne nevrale maskinlæringsmetodar og arkitekturar i NLP, inkludert både teoretiske grunnlag og praktisk erfaring. </li></ul><p><strong>Ønskte kvalifikasjonar</strong></p><ul><li>erfaring med arbeid i HPC-miljø (high-performance computing).</li><li>tidlegare erfaring med etter-trening (post-training), finjustering eller trening av store språkmodellar (LLM-er).</li><li>kunnskapar i norsk eller eit anna skandinavisk språk. </li></ul><p>Søkjarar må leggje fram ei prosjektskisse (sjå &#34;Slik søkjer du&#34; nedanfor), som skal visa korleis det foreslåtte prosjektet vil bidra til forskinga i arbeidspakken og støtte dei breiare ambisjonane for senteret. Prosjektskissa skal inkludere ein framdriftsplan og ein publiseringsplan for formidling av forskingsresultat i anerkjende internasjonale kanalar.  </p><p>Ved vurderinga av søknadene vil det bli lagt vekt på den vitskaplege kvaliteten i prosjekta, evne til gjennomføring og dei faglege grunnkvalifikasjonane til søkjarane. Strategiske omsyn, motivasjon og personlege eigenskapar vil også bli tekne i betraktning. </p><br /><h2>Hos oss får du:</h2><ul><li>eit godt og fagleg utfordrande arbeidsmiljø.</li><li>høve til å byggje sterke faglege nettverk.</li><li>ein trygg og fleksibel arbeidskvardag med gode <a href="https://www.uib.no/foransatte/17399/velferd-og-leie-av-lokaler" rel="nofollow">velferdsordningar</a>.</li><li>ein arbeidsstad i hjartet av Bergen – nær både byliv og natur.</li><li>løn som postdoktor (stillingskode 1352), som for tida svarar til ei brutto årsløn på kr 657 000 i full stilling. Vidare lønsopprykk skjer etter ansiennitet i stillinga.</li><li>medlemskap i <a href="https://www.spk.no/" rel="nofollow">Statens pensjonskasse</a>, som inneber ei trygg tenestepensjonsordning, moglegheit for uføre- og etterlatnepensjon,ogtilgang til gunstige bustadlån.</li></ul><br /><h2>Slik søkjer du stillinga:</h2><p>Søknaden skal sendast elektronisk via lenkja «SØK STILLINGA» på denne sida. Følg stega i søknadsprosessen og legg inn følgjande:</p><ul><li>Under «Søknadstekst»: Skriv ei kort utgreiing om forskingsinteressene dine og din motivasjon for å søkje stillinga.</li><li>Under «CV», oppgi: <ul><li><strong>Personalia.  </strong></li><li><strong>Erfaring og kvalifikasjonar </strong>(fyll inn dei seksjonane som er relevante for deg). Publikasjonar/vitskaplege resultat kan leggjast ved som eit separat dokument dersom ønskjeleg (publikasjonsliste).  </li><li><strong>Språkferdigheiter.</strong></li><li><strong>Minst to referansepersonar</strong>. Ein av desse må vere hovudrettleiaren for doktoravhandlinga.  </li></ul></li><li>Under «Vedlegg» lastast følgjande opp som separate dokument:<ul><li><strong>Prosjektskisse</strong> på inntil 12 000 teikn medrekna mellomrom (litteraturliste ikkje medrekna). Prosjektskissa skal tydeleg skildre det vitskapelege prosjektet, inkludert forskingsbakgrunn, hovudproblemstillingar, teori, metode, etiske aspekt og empiri som skal nyttast i prosjektet. Litteraturliste skal følgje prosjektskissa.  </li><li><strong>Framdriftsplan for prosjektet</strong> og plan for publisering i internasjonalt anerkjende kanalar. </li><li><strong>Karakterutskrift og vitnemål</strong> for bachelor- og mastergrad lastast opp frå Vitnemålsportalen. Dersom desse ikkje er tilgjengelege via Vitnemålsportalen, lastast dei opp som vanlege filer. </li><li><strong>Dokumentasjon som bekreftar oppnådd doktorgrad</strong>, eller som viser at doktorgradsavhandlinga er levert til vurdering.</li><li><strong>Kort samandrag av doktoravhandlinga</strong> (inntil tre sider) </li><li><strong>Liste over faglege publikasjonar </strong>(publikasjonsliste)</li><li><strong>Inntil fem vitskaplege arbeid</strong> (til dømes avhandlingar, monografiar og artiklar) som vil bli særleg vektlagde i vurderinga av akademiske kvalifikasjonar. </li><li><strong>Relevante attestar</strong> som støttar opp under dine kvalifikasjonar, ferdigheiter, erfaringar eller eigenskapar.</li></ul></li></ul><p>Søknadstekst, CV og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format, og må lastast opp i Jobbnorge innan søknadsfristen. <strong>Namngje vedlegga tydeleg.</strong></p><p>Vurderingskomiteen kan i særskilde tilfelle be om ettersending av dokumentasjon.</p><p>Aktuelle søkjarar vil bli inviterte til intervju.</p><p><a href="https://www.uib.no/hr/74251/ansettelsesprosessen" rel="nofollow">Nærare om tilsettingsprosessen her.</a></p><br /><h2>Formelle krav:</h2><ul><li>Kandidatar som tidlegare har hatt postdoktorstilling ved Universitetet i Bergen kan ikkje søkje stillinga.  </li><li>Det er ein føresetnad at den som blir tilsett gjennomfører postdoktorprosjektet i løpet av tilsetjingsperioden.  </li><li>Tilsetjing i stillinga krev at ein har sin daglege arbeidsplass ved Universitetet i Bergen og følgjer gjeldande retningslinjer. </li></ul><br /><h2>Generell informasjon:</h2><p>Utfyllande opplysningar om stillinga kan ein få ved å kontakte instituttleiar Anders Fagerjord, e-post: <a href="mailto:anders.fagerjord&#64;uib.no" rel="nofollow">anders.fagerjord&#64;uib.no</a>, telefon: &#43;47 55583653, leiar for Fagspråksenteret Marita Kristiansen, e-post: <a href="mailto:marita.kristiansen&#64;uib.no" rel="nofollow">marita.kristiansen&#64;uib.no</a>, telefon: &#43;47 55583069, eller leiar av arbeidspakken i språkteknologi SamiaTouileb, e-post: <a href="mailto:samia.touileb&#64;uib.no" rel="nofollow">samia.touileb&#64;uib.no</a></p><p>Spørsmål om den elektroniske søknadsprosessen kan rettast til Det humanistiske fakultet på e-post: <a href="mailto:fakadm&#64;hf.uib.no" rel="nofollow">fakadm&#64;hf.uib.no</a>.</p><p><a href="https://www.uib.no/internasjonalt/128544/internasjonale-ansatte" rel="nofollow">Internasjonalt senter</a> ved UiB har informasjon om å flytte til Noreg for internasjonale søkjarar.</p><p>Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p> <p>Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. </p><br />

Åremål

Postdoktor i språkteknologi