Universitetet I Bergen

Bergen

<h2>UiB - Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Stipendiat</h2><p>Ved <a href="https://www.uib.no/en/michaelsarscentre" rel="nofollow">Michael Sars-senteret</a> er det ledig opp til to stillingar som ph.d.-stipendiat knytt til prosjektet «Molekylære, cellulære og utviklingsbiologiske marine livssystem i eit hav i endring». Stillinga er for ein åremålsperiode på fire år, der 25 prosent av arbeidstida kvart år er sett av til karrierefremmande arbeid. Stillinga er finansiert av Universitetet i Bergen.</p><br /><h2>Om prosjektet/arbeidsoppgåver:</h2><p>Christiaen-laboratoriet nyttar eit breitt spekter av tilnærmingar, mellom anna molekylære, cellulære og embryologiske teknikkar, genomikk – inkludert genomikk på enkeltcellenivå – genomredigering og metodar innan berekningsbiologi, for å studere utvikling og regenerasjon på systemnivå hos kappedyr. Kappedyr, særleg slekta Ciona, gjev unike moglegheiter til å ta i bruk forskingsfronten sine eksperimentelle og berekningsbaserte teknikkar og tilnærmingar for å studere strengdyrutvikling med cellulær oppløysing og på genomskala.</p><p>Spesifikt blir systematisk CRISPR/Cas9-mediert mutagenese, biletanalyse med høgt informasjonsinnhald, datavitskap og berekningsbasert modellering nytta for å studere biomolekylære nettverk som styrer spesifisering av cellelagnad og cellulær åtferd, som kollektiv migrasjon og retta asymmetriske celledelingar. Nye forskingsretningar vil ta i bruk kontrollerte dyrkingsvilkår, det naturlege mangfaldet i kappedyrpopulasjonar, genomikk på enkeltcellenivå, kvantitativ biletanalyse, CRISPR/Cas9 og datavitskap for å undersøkje konsekvensane av miljøutfordringar for utviklande embryo på systemnivå. Prosjekta opnar for samarbeid både lokalt og internasjonalt.</p><br /><h2> Kvalifikasjonar og eigenskapar:</h2><ul><li>Søkjarar må ha oppnådd mastergrad eller tilsvarande utdanning i biologi, eller ha levert masteroppgåva til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje. </li><li>Erfaring med anten molekylær kloning, utviklings- og cellebiologi, kvantitativ biletanalyse og/eller genomikk og berekningsbiologi er eit krav.</li><li>Særs god arbeidsmoral, grundigheit og disiplin til å gjennomføre definerte oppgåver, inkludert detaljert rapportering er eit krav.</li><li>Kjennskap til relevant faglitteratur er ein fordel.</li><li>Erfaring med «framveksande» modellorganismar innan genetikk, utviklingsbiologi, cellebiologi og/eller molekylær fysiologi er ein fordel.</li><li>Erfaring med analyse av datasett frå neste generasjons sekvensering er ein fordel.</li><li>Kreativ tenking og evne til å identifisere sentrale problemstillingar og utforme vitskaplege tilnærmingar er ein fordel.</li><li>Gode organisatoriske ferdigheiter og kommunikasjonsevner er ein fordel.</li><li>Vi søkjer kandidatar med interesse for utviklingsbiologiske, cellulære og/eller systembiologiske aspekt ved dyreutvikling.</li><li>Sterk motivasjon for å drive forsking på eit internasjonalt konkurransedyktig nivå er forventa.</li><li>Søkjarar må kunne arbeide sjølvstendig og strukturert, og vise gode samarbeidsevner.</li><li>Søkjarar må ha gode skriftlege og munnlege engelskkunnskapar.</li></ul><p>Personlege og mellommenneskelege eigenskapar vil bli lagt vekt på. Forskingserfaring, ambisjonar og potensial vil også telje ved vurdering av kandidatane.</p><br /><h2>For stillinga gjeldt følgande:</h2><p>Samla stipendperiode er fire år, der 25 % av tida er karrierefremmande arbeid, knytt til forsking, undervisning og formidling.</p><p>Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.</p><br /><h2>Om forskarutdanninga:</h2><p>Som ph.d.-stipendiat skal du delta i eit godkjent utdanningsprogram for ein ph.d.- grad innanfor ei tidsramme på tre år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du <a href="http://www.uib.no/matnat/52560/opptak-til-forskerutdanningen-ved-det-matematisk-naturvitenskapelige-fakultet" rel="nofollow">fyller krava for opptak til ph.d.- studiet</a> ved Universitetet i Bergen.</p><br /><h2>Vi tilbyr:</h2><ul><li>Spennande og utviklande arbeidsoppgåver i et sterkt fagmiljø</li><li>Stilling som stipendiat (kode 1017) i det statlege lønnsregulativet. Dette utgjer for tida ei årsløn på kr. 568 700 brutto. Vidare opprykk skjer etter tenesteansiennitet.</li><li>Medlemsskap i Statens pensjonskasse </li><li><a href="https://www.uib.no/foransatte/17399/velferd" rel="nofollow">Gode velferdsordningar</a></li></ul><br /><h2>Søknaden skal innehalde:</h2><ul><li>ei kort utgreiing om forskingsinteresser og motivasjonen for å søkje stillinga</li><li>ei detaljert grunngjeving av kvalifikasjonane dine i høve til dei oppførte krava, og korleis du oppfyller kvart kriterium. I tillegg bør du adressere dei nemnde &#34;fordelane&#34;, då desse vil bli vurderte ved rangeringa av kandidatane.</li><li>namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve. </li><li>CV</li><li>karakterutskrifter og vitnemål for bachelor- og mastergrad. Dersom du enno ikkje har fullført mastergraden må du levere ei stadfesting på at mastergradsoppgåva er levert.  </li><li>relevante attestar</li><li>godkjend dokumentasjon på at du oppfyller krav til engelskkunnskapar (dersom påkravd, jfr. <a href="https://www.uib.no/matnat/52560/opptak-til-phd-programmet#krav-til-engelskkunnskaper-ved-opptak-til-ph-d-programmet" rel="nofollow">Krav til engelskkunnskaper ved opptak til ph.d.-programmet</a>)</li><li>eventuell liste over vitskaplege arbeid (publikasjonsliste med lenkjer)</li></ul><p>Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.</p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til gruppeleiar Lionel Christiaen, e-post: <a href="mailto:lionel.christiaen&#64;uib.no" rel="nofollow">lionel.christiaen&#64;uib.no</a> eller administrasjonssjef Kristina Håvås Hanson, e-post: <a href="mailto:kristina.hanson&#64;uib.no" rel="nofollow">kristina.hanson&#64;uib.no</a>.</p><p>For HR-relaterte spørsmål ta kontakt med HR rådgivar Veronica Stålhand, tlf: 55 58 43 74, e-post: <a href="mailto:veronica.stalhand&#64;uib.no" rel="nofollow">veronica.stalhand&#64;uib.no</a>.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p><p>Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.</p> <p>Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.       </p><br /><h2>Livet som ph.d.-kandidat ved UiB</h2><p>Astrid Nybø forteller om livet og arbeidshverdagen som ph.d.-kandidat ved UiB.</p>Video: <a href="https://www.youtube.com/watch?v&#61;Eo3Z63yzkKA&amp;list&#61;PLf8ZIYfAO0qjhROTj6SthDbSScg0lSO6G&amp;index&#61;5" rel="nofollow">https://www.youtube.com/watch?v&#61;Eo3Z63yzkKA&amp;list&#61;PLf8ZIYfAO0qjhROTj6SthDbSScg0lSO6G&amp;index&#61;5</a>

Ph.d.-stipendiat-molekylære, cellulære og utviklingsbiologiske marine livssystem i eit hav i endring