Drifts- og vedlikehaldsleiar

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Drifts- og vedlikehaldsleiar

Eigedomsavdelinga ved Universitetet i Bergen har ansvar for forvalting, drift, vedlikehald og utvikling av universitetet sine bygg og uteområde. Med høg fagkompetanse og tett samarbeid med fagmiljø og universitetsleiing, bidrar Eigedomsavdelinga til utviklinga av UiB som eit leiande universitet.

Drift har det daglege ansvaret for FDVU av bygg, tekniske installasjonar og utomhusareal. Den samla bygningsmassen er inndelt i tre driftsområde, der to er lokalisert på Nygårdshøgda og eitt er lokalisert på Årstad/Haukelandsområdet. Driftsområda vert leia av ein områdeleiar. Ved kvart driftsområde er det drifts- og vedlikehaldsleiarar som rapporterer til områdeleiar. Driftsområda har òg driftsteknikarar  som arbeider på dagtid. 

Det er no 2 faste 100% stillingar som drifts- og vedlikehaldsleiar i eitt av driftsområda. Vi styrker bemanninga, sidan driftsområdet vil bli involvert i fleire store og viktige prosessar og prosjekt som Eigedomsavdelinga står framfor dei neste åra. Drifstsseksjonen vil vere sentral i implementering av nytt FDV-system, og vil også bli påverka av store bygge- og rehabiliteringsprosjekt som er under planlegging, m.a. rehabilitering av Historisk museum og nybygg for Det humanistiske fakultet.

Stillingene er plassert i Driftsområde Nord (Sydnes/nordlege Nygårdshøgda). Dette driftsområdet har ansvaret for ein variert bygningsmasse, m.a. kontor- og undervisningsbygg, bibliotek og veksthus, men òg nærvarmeanlegg, magasin og museum med høgare teknisk kompleksitet og krav til stabil drift.

Stillinga inngår i leiarteamet for driftsområdet og rapporterer til områdeleiar.

Arbeidsoppgåver:

• Drift og vedlikehald av bygg og tekniske installasjonar i samsvar med lover og forskrifter
• Planlegging av kort- og langsiktig vedlikehald
• Arbeidsleiing av driftspersonell
• Vere pådrivar for kontinuerlege forbetringar
• Innkjøp av varer og tenester i samsvar med driftsområdet sitt budsjett
• Yte service både mot brukarar og internt i eigen organisasjon
• Oppfølging av leverandørar
• Styring av oppdrag på ein måte som sikrar at UiB er ein trygg arbeidsplass
• Vere med å utvikle interne rutinar
• Overlappe for dei andre drifts- og vedlikehaldsleiarane og områdeleiar ved behov

Kvalifikasjonar og eigenskapar:

• Relevant utdanning, til dømes teknisk fagskule, fortrinnsvis innan byggtekniske fag. Lang relevant praksis kan kompensere for manglande formell utdanning, men søkjar må minimum ha fagbrev.
• Relevant erfaring frå drift og/eller vedlikehald av bygg og tekniske anlegg
• God tverrfagleg innsikt i bygg og tekniske installasjonar
• Gode IT-kunnskapar
• Erfaring frå arbeid med budsjett, økonomi og administrasjon
• Erfaring med arbeidsleiing

Vi ser etter ein person som er/har:

• Gode kommunikasjonsevner på norsk, munnleg og skriftleg
• Strukturert, systematisk og effektiv
• Evne og vilje til å bidra til godt arbeidsmiljø og samhandling internt og på tvers av organisasjonen
• Initiativrik og kreativ med interesse for utvikling 
• Evne til å prioritere oppgåver og vere leveransedyktig sjølv med tidvis store arbeidsmengder
• Fleksibel og tilpassingsdyktig i møte med endringar og varierte arbeidsoppgåver
• Ynskje om å levere god service og sørge for gode bygg for tilsette og studentar

Vi tilbyr:

• Eit godt og fagleg utfordrande arbeidsmiljø med varierte arbeidsoppgåver
• Inspirerande, inkluderande og triveleg arbeidsmiljø
• Løn etter stillingskode driftsleiar (kode 0400) - for tida kr 750 000 - 784 000 avhengig av kvalifikasjonar og bakgrunn. For særleg kvalifiserte søkjarar kan vi vurdere høgare løn.
• Opplæring og høve til vidareutdanning og utvikling
• Medlemskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til: Områdeleiar Sanjin Redzic, tlf.: 97621456

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen arbeider målbevisst for økt likestilling og vektlegger kjønnsbalanse og mangfold i ledergruppene. Kunnskap om og resultater fra aktivt likestillings- og mangfoldsarbeid tillegges vekt ved rekruttering av ledere.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.