Universitetet I Bergen

Bergen

Elisabeth Müller Lysebo

Fakultetsdirektør

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Fakultet for naturvitskap og teknologi</h2><p>Fakultet for naturvitskap og teknologi er ein nasjonal leverandør av realfagleg og teknologiske kompetanse som Noreg og verda treng. Vi har om lag 1000 tilsette, 3800 studentar og eit budsjett på om lag 1,5 milliardar kroner. Forsking og undervising skjer på institutt og i sentre. Fakultetet har på vegner av UiB ansvar for to av UiB sine strategiske satsingsområde; UiB Hav og UiB Klima og energiomstilling. Det omfattande og gjennomgripande campusutviklingsprosjektet <a href="https://www.uib.no/realfaghoyden" rel="nofollow">UiB Realfaghøyden</a> vil styrke fakultetet som eit realfagleg kraftsentrum og innovasjonsknutepunkt. Du finn meir informasjon om fakultetet <a href="https://www.uib.no/matnat" rel="nofollow">her</a>.</p><br /><h2>Assisterande fakultetsdirektør (underdirektør)</h2><p>Ved Fakultet for naturvitskap og teknologi er det ledig stilling som assisterande fakultetsdirektør (underdirektør). Assisterande fakultetsdirektør har ei nøkkelrolle i fakultetet si administrative leiing, og er ein sentral rådgjevar og støttespelar for fakultetsdirektør og for dekanat.</p><p>Fakultetsadministrasjonen utgjer ei kompetanseeining med om lag 60 medarbeidarar med forvaltningsoppgåver innan studie, HR, forsking, innovasjon, kommunikasjon, økonomi og stab. Vårt føremål er å levere gode administrative tenester på ein profesjonell og effektiv måte som støttar opp om fakultetet si kjerneverksemd innan forsking og utdanning. </p><p>Vi søkjer ein leiar som er strategisk og målretta og som ønskjer å bidra til leiing av fakultetsadministrasjonen i ei tid prega av endring og utvikling, der effektivisering, kvalitet og god bruk og utvikling av digitale verktøy vil vera ei sentral oppgåve. Assisterande fakultetsdirektør rapporterer til fakultetsdirektøren og inngår i fakultetsleiinga og fakultetsdirektøren si leiargruppe.</p><br /><h2>Arbeidsoppgåver</h2><ul><li>Fast stedfortredar for fakultetsdirektør</li><li>Nestleiar for fakultetsadministrasjonen med ansvar for koordinering, oppfølging og utviklingsarbeid</li><li>Leiar for seksjon for kommunikasjon og stab</li><li>Saman med fakultetsdirektør ha dagleg leiing av og fortløpande leveransar til dekanat innan ein breidde av saksområde og problemstillingar, i tillegg til utvikling av administrasjonen ved fakultetet</li><li>Koordinere og leie prosjekt og prosessar, spesielt knytt til organisasjonsutvikling, forbetring av arbeidsprosessar og ikkje minst implementering av digitale verktøy og løysingar</li><li>Delegert mynde for planlegging og oppfylging av HMS-arbeidet og øvrige internkontrollområde ved fakultetet</li><li>Følgje opp planar, strategi, måloppnåing og heilskapleg internkontroll for fakultetet i samarbeid med fakultetsdirektør</li><li>Saksutgreiing og leiarstøtte til fakultetsleiinga og fakultetsstyret</li></ul><p>Det kan verte aktuelt å leggje andre oppgåver til stillinga over tid.</p><br /><h2>Kvalifikasjonar og eigenskapar</h2><ul><li>Søkjar må ha mastergrad. Lang praksis kombinert med relevant etter- og vidareutdanning kan i særskilte høve kompensere for manglande formell utdanning.</li><li>Brei og relevant leiarerfaring med dokumentert gode resultat</li><li>Interesse for organisasjonsutviklingsarbeid og resultat å vise til</li><li>Erfaring med utgreiingsoppgåver på høgt nivå</li><li>Digital kompetanse og interesse for digital utvikling og transformasjon</li><li>Solid kunnskap om rammene for statlege verksemder, gjerne universitets- og høgskulesektoren</li><li>God skriftleg og munnleg framstillingsevne på bokmål, nynorsk og engelsk</li></ul><p> </p><p><strong>Vi søkjer ein person som:</strong></p><ul><li>Har evne til å involvere og motivere, utvikle andre og bygge gode relasjonar</li><li>Evner å arbeide strategisk og har god organisasjonsforståing</li><li>Er initiativrik, utviklingsorientert og engasjert </li><li>Har gode samarbeids- og kommunikasjonseigenskapar</li><li>Har stor arbeidskapasitet, tar ansvar og arbeider systematisk og målretta med stor gjennomføringskraft</li><li>Har kunnskap om relevante lov- og avtaleverk</li></ul><p> </p><p>Personlege eigenskapar som er naudsynte for stillinga, vil bli vektlagde.</p><br /><h2>Vi tilbyr:</h2><ul><li>Spanande og utviklande arbeidsoppgåver tett på forsking, utdanning og innovasjon i eit mangfaldig og internasjonalt miljø</li><li>Handlingsrom til å vidareutvikle administrative funksjonar</li><li>Tilbod om fagleg og personleg utvikling gjennom kompetanse- og leiarutvikling</li><li>Løn som underdirektør (kode 1059) i spenn frå 1100 000 – 1300 000,-.  For særs kvalifiserte søkjarar kan det verte aktuelt å vurdere høgare løn</li><li>Medlemskap i Statens Pensjonskasse</li><li>Gode velferdsordninger</li></ul><br /><h2>Korleis søkje på stillinga?</h2><p>Send søknad og CV ved å klikke på knappen merka ”Søk stillingen” på denne sida.</p><p>Vi gjør oppmerksom på at søknader blir vurdert ut frå den informasjon som er lagt inn i www.jobbnorge.no ved søknadsfristens utløp. Det er søkars ansvar å sørge for at alle relevante vedlegg er lagt inn innan fristen, derunder:</p><ul><li>Søknadsbrev/motivasjonsbrev</li><li>attester og vitnemål</li></ul><p>Dersom vitnemåla, karakterutskrifter eller annan dokumentasjon ikkje er på eit skandinavisk språk eller engelsk, må søker sjølv laste opp attesterte omsettingar. </p><p>Søkjarar med utanlandsk utdanning må i tillegg dokumentere at utdanninga samsvarer med norsk bachelor-, master- eller ph.d.-grad.  Se www.hkdir.no for meir informasjon om vurdering av høgare utdanning. </p><p>HK-dir tilbyr automatisk godkjenning for enkelte grader frå utvalde land. Dersom utdanninga til søkaren er dekket av ordninga med automatisk godkjenning, vil det være tilstrekkeleg å legge ved dokumentasjon på dette. Du kan lese meir om ordninga med automatisk godkjenning ved å klikke på denne lenka: <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ" rel="nofollow">Automatisk godkjenning – et raskere alternativ | HK-dir</a>.</p><p>Vi gjer oppmerksam på at søknad om vurdering gjennom den ordinære godkjenningsordninga til HK-dir kan ta tid. Du bør derfor sende søknad om godkjenning så raskt som mogleg når du vet at du vil søke på stillinga. Dersom du ikkje har fått svar frå HK-dir innan søknadsfristen, legger du ved dokumentasjon frå HK-dir om at de har mottatt søknaden din.</p><br /><h2>Generell informasjon</h2><p>Utfyllande opplysningar om stillinga kan ein få ved å vende seg til: fakultetsdirektør ved Fakultet for naturvitenskap og teknologi, Elisabeth Müller Lysebo, tlf. 97557135 eller e-post: <a href="mailto:Elisabeth.Lysebo&#64;uib.no" rel="nofollow">Elisabeth.Lysebo&#64;uib.no</a> </p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Universitetet i Bergen arbeider målbevisst for økt likestilling og vektlegger kjønnsbalanse og mangfold i ledergruppene. Kunnskap om og resultater fra aktivt likestillings- og mangfoldsarbeid tillegges vekt ved rekruttering av ledere.</p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />