Tysnes Kommune

Onarheim

Wenche Fagerbakk

Einingsleiar barnehage

<h2>Om stillinga</h2><p>Me søker ein tydeleg og trygg styrar i fast 100% stilling i Onarheim barnehage. </p><p>Onarheim barnehage er ein kommunal barnehage i Tysnes kommune, med eit oversiktleg og trygt miljø og nær tilknyting til natur og nærmiljø. Barnehagen held til i eit nytt og moderne bygg frå 2024 og har dette barnehageåret ein avdeling med 24 plassar for barn mellom 1 og 6 år. Det blir lagt vekt på leik, trivsel, inkludering og gode relasjonar i tett samarbeid med foreldre og lokalmiljø.</p><p>Styrar har det dagleg ansvaret for leiing og utvikling av barnehagen, og skal sikre at verksemda driv i tråd med barnehagelova, rammeplanen og kommunen sine mål og satsingar. Rollen inneber òg samarbeid med skule, PPT og andre samarbeidspartnarar, samt å ta del i det pedagogiske tilbodet i barnehagen.</p><p>Stillinga er ledig frå 01.08.2026.</p><br /><h2>Arbeidsoppgåver</h2><ul><li>Fagleg og pedagogisk leiing i tråd med rammeplan og gjeldande lovverk</li><li>Personalansvar og oppfølging av tilsette  </li><li>Ansvar for dagleg drift, dagleg økonomi og internkontroll</li><li>Drive utviklings- og kvalitetsarbeid i barnehagen, og bidra aktivt i kommunen sitt utviklingsarbeid</li><li>Legge til rette for eit trygt, inkluderande og utviklande barnehagemiljø</li></ul><br /><h2>Kvalifikasjonar</h2><ul><li>Godkjent barnehagelærarutdanning, eller anna høgskule- eller universitetsutdanning som gir barnefagleg og pedagogisk kompetanse</li><li>Leiarerfaring frå barnehage eller tilsvarande </li><li>God kjennskap til barnehagelova med forskrifter, rammeplanen og krav innan miljøretta helsevern i barnehage</li><li>God økonomiforståing</li><li>Gode ferdigheiter i munnleg og skriftleg norsk. Tenestemålet i Tysnes kommune er nynorsk</li><li>God digital kompetanse og evne til å nytta relevante digitale verktøy</li></ul><p>Ønskelege kvalifikasjonar</p><ul><li>Styrarutdanning</li><li>Erfaring med utviklings- og kvalitetsarbeid i barnehage eller annan pedagogisk verksemd </li></ul><p>Ved ei eventuell tilsetjing må du legga fram:</p><ul><li>Politiattest, jf. barnehagelova § 30</li><li>Eigenerklæringsskjema for MRSA og tuberkulose</li></ul><br /><h2>Personlege eigenskapar</h2><p>Me ser etter deg som:</p><ul><li>Er ein tydeleg, trygg og målretta leiar som involverer, kommuniserer klart og motiverer til felles innsats for borna sitt beste</li><li>Bygger tillit og gode relasjonar internt, med foreldre og barnehageeigar</li><li>Er strukturert, sjølvstendig og løysingsorientert</li><li>Tek initiativ, er pliktoppfyllande og bidreg aktivt til godt samarbeid</li><li>Er engasjert i pedagogisk og tverrfagleg utviklingsarbeid og kompetansedeling</li><li>Taklar eit høgt tempo, samstundes som du evner å prioritere i ein hektisk arbeidsdag</li><li>Har evne til å jobbe strategisk og langsiktig med gjennomføringskraft i tråd med barnehagen sin årsplan og kommunen sine satsingsområde</li></ul><br /><h2>Kvifor skal du jobba hos oss?</h2><p>Hos oss får du ei meiningsfull og variert leiarstilling der du kan påverka utviklinga av barnehagen. Du blir ein del av eit godt fagleg miljø i Tysnes kommune, med samarbeid på tvers av barnehagane. Du får høve til fagleg utvikling og støtte i leiarrolla.</p><p>Stillinga er plassert i kapittel 3, med lønn etter avtale og årlege lønnsjusteringar etter lokale forhandlingar. Stillinga er unormert og det vert såleis tildelt 5 kompensasjonsdagar per år.</p><p>Tilsetting hos oss gir medlemskap i KLP - Kommunal Landspensjonskasse. Det betyr at du får ei av dei tryggaste pensjonsordningane i Noreg, med gode forsikringsordningar og dessutan moglegheit for gunstige lån. </p><p>I Tysnes kan du få inntil kr 25 000 i årleg avskriving av studielånet ditt frå og med 2026. Som arbeidstakar og busett i ein distriktskommune kan du ha rett til å få sletta delar av studielånet gjennom distriktskommunar. <a href="https://lanekassen.no/nb-NO/gjeld-og-betaling/sletting-av-gjeld-i-utvalgte-kommuner/" rel="nofollow">Lånekassen si nye ordning for distriktskommunar</a>. </p><p>Synest du dette verkar som ei spennande stilling, eller det er noko du lurer på etter å ha lest annonsen? Ta gjerne kontakt med oss som står oppført som kontaktpersoner</p><br /><h2>Informasjon til søkar</h2><p>Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar.<br /><br />Du må sende inn søknaden via Jobbnorge. Søknadar som kjem inn på andre måtar, til dømes på e‑post eller til postmottak, blir ikkje vurderte.</p><p>Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.</p><p>Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.</p><br />

Styrar i Onarheim barnehage