Sykkylven Kommune

Sykkylven

Kanutte Roald

Einingsleiar Helsehus

Tilkallingsvikarar ved legesenter og legevakt!Sykkylven kommune søker sjukepleiarar, helsesekretærar og ambulansearbeidarar som kan arbeide som tilkallingsvikarar ved Sykkylven legesenter og legevakt. Vi har behov for fleksible medarbeidarar som kan ta vakter ved sjukdom, ferie og anna fråvær. Som tilkallingsvikar blir du kontakta etter behov, og det er ikkje knytt ei fast stillingsprosent til arbeidsforholdet. Tenestene er lokaliserte i det nye helsehuset i Sykkylven, saman med mellom anna heimetenestene og psykisk helse- og rustenesta. Samlokaliseringa gir gode moglegheiter for tverrfagleg samarbeid og heilskaplege tenester til innbyggjarane.Helsesekretær arbeider som tilkallingsvikar på dagtid ved legesenteret. Sjukepleiar og ambulansearbeidar kan arbeide både på dagtid ved legesenteret og på kveld og helg ved legevakta. Vaktene blir avtalte etter behov og tilgjengelegheit. 
<h3>Arbeidsoppgåver</h3>Arbeidsoppgåver ved legesenteret - Ta imot og følgje opp pasientar. - Telefonkontakt, timebestilling og vurdering av førespurnader. - Laboratoriearbeid og prøvetaking. - Assistere legar ved undersøkingar, behandling og mindre kirurgiske prosedyrar. - Utføre mellom anna EKG, sårstell, vaksinering og andre kliniske oppgåver i tråd med kompetanse og delegasjon. - Dokumentasjon og anna administrativt arbeid. - Bidra til god pasientflyt og effektiv dagleg drift. - Samarbeide med legar, kollegaer og andre kommunale tenester.Arbeidsoppgåver ved legevakta Gjeld sjukepleiar og ambulansearbeidar: - Ta imot, vurdere og prioritere pasientar som tek kontakt med legevakta. - Gjere kliniske observasjonar og vurderingar innanfor eige kompetanseområde. - Assistere legevaktlege ved undersøking, behandling og akutte situasjonar. - Utføre prøvetaking, sårbehandling, EKG og andre legevaktoppgåver. - Observere og følgje opp pasientar. - Dokumentere i elektronisk pasientjournal. - Samarbeide med ambulansetenesta, fastlegar, spesialisthelsetenesta og andre kommunale tenester. - Bidra til forsvarleg beredskap og god pasienttryggleik.<h3>Kvalifikasjonar</h3>- Norsk autorisasjon som helsesekretær eller sjukepleiar, eller autorisasjon/fagbrev som ambulansearbeidar. - Gode norskkunnskapar, både munnleg og skriftleg. - Gode digitale ferdigheiter. - Relevant erfaring frå legekontor, legevakt, akuttmedisin, ambulanseteneste eller anna kommunal helseteneste er påkrevd. - For arbeid ved legevakta er det ønskjeleg med erfaring frå kliniske vurderingar og akutte situasjonar. - Personleg eignaheit blir tillagd stor vekt.<h3>Personlege eigenskapar</h3>Vi ser etter deg som:- er fleksibel og kan ta vakter ved behov - møter pasientar, pårørande og kollegaer på ein trygg og respektfull måte - arbeider sjølvstendig, strukturert og nøyaktig - held oversikta og prioriterer godt når arbeidspresset er stort - kommuniserer tydeleg og samarbeider godt med andre - bidreg aktivt til eit godt og inkluderande arbeidsmiljø - er motivert for fagleg utvikling<h3>Vi tilbyr</h3>- Tilkallingsavtale med vakter etter behov. - Varierte og meiningsfulle arbeidsoppgåver. - Eit fagleg spennande arbeidsmiljø med dyktige kollegaer. - Arbeid i eit nytt og moderne helsehus. - Tett samarbeid mellom fleire kommunale helse- og omsorgstenester. - Nødvendig opplæring. - Løn og arbeidsvilkår etter gjeldande lov- og avtaleverk. - Gode pensjons- og forsikringsordningar. - Tilsetting skjer på dei vilkåra som går fram av gjeldande lover, reglement og tariffavtalar. Den som får tilbod om arbeid, må leggje fram gyldig politiattest dersom dette er kravd for stillinga. Offentlegheit Vi gjer merksam på at det er offentleg søkjarliste. Unntak frå offentlegheit må grunngjevast jf. offentleglova § 25 andre ledd. <h3>Kontaktinformasjon</h3>Kanutte Roald, Einingsleiar Helsehus, 98876765 , kanutte.roald&#64;sykkylven.kommune.no 
<h3>Arbeidsstad</h3>Auregata 17 
6230 Sykkylven 
<h3>Nøkkelinformasjon:</h3>Arbeidsgivar: Sykkylven kommune 
 
Referansenr.: 5178602005 
Stillingsprosent: 100% 
Fast 
Søknadsfrist: 31.12.2026

Tilkallingsvikarar ved legesenter og legevakt! Sjukepleiarar, helsesekretærar og ambulansearbeidarar