Sygnir

Lærdal

Våre energimontørar jobbar for å sikre trygg og effektiv drift av samfunnskritisk infrastruktur. Arbeidet er svært variert. Me har stor aktivitet og søkjer energimontørar til montørbasen i Lærdal, men kan også vurdere å tilsetje i Aurland og Sogndal.
Elektrifiseringa av samfunnet gir oss stadig meir å gjera, og me gjer store investeringar i nettet for å møte framtida. No treng me fleire energimontørar. På montørbasen blir du del av eit fagmiljø med kort veg til avgjerd og høg grad av involvering. Du får eigarskap til jobben du gjer, innspel som blir tekne på alvor og eit inkluderande lag som løftar kvarandre.
Kvifor Sygnir og kva vil du jobbe med
Hos oss får du ein kvardag som kombinerer moderne teknologi, praktisk arbeid i felt og variert terreng som gir deg faglege utfordringar. Me jobbar breitt - du deltek i drift, byggjing og vedlikehald av høgspent, lågspent, linjer og kabelanlegg, nettstasjonar og transformatorstasjonar. Du kan inngå i beredskaps- og vaktordning. Her kan du utvikle deg.
Kven ser me etter?
<ul><li>Fagbrev energimontør</li><li>Førarkort klasse B (BE og C er ein fordel)</li><li>Jobbar trygt og strukturert, og tek HMS på alvor</li><li>Er fleksibel og komfortabel med å jobbe innanfor ulike fagområde</li><li>Er fagleg engasjert og nysgjerrig</li><li>Er lagspelar som inkluderer andre og bidreg til eit godt miljø</li><li>Er god til å rettleia og følgja opp lærlingar</li></ul>
Kva me kan tilby
Me gir deg utviklingsmoglegheiter i eit sterkt fagmiljø, med varierte og utfordrande oppgåver. Me tilbyr konkurransedyktig løn, fleksibel arbeidstid, gode pensjons- og forsikringsordningar, bedriftshelseteneste og du kan delta i aktivitetar saman med kollegaer i fritida i regi av bedriftsforeininga Kraftlaget. Hos oss får du ein jobb med tydeleg samfunnsverdi -- du leverer kritisk infrastruktur og bidreg til eit meir berekraftig Sogn.
Bli ein del av noko større
Sygnir er ein del av Sognekraft-konsernet, som sørgjer for stabil straum til over 14 000 kundar i Sogn. Straumnettet vårt går gjennom noko av det mest spektakulære og bratte terrenget i landet, og me er leiande på trygg jobbing i slike forhold.
Vil du bruke kompetansen din på ein jobb som verkeleg betyr noko? Då vil me gjerne snakka med deg!
Spørsmål om stillinga? Ta kontakt med baseleiar Tobias Loftesnes Kvåle tlf. 953 66 970 .
Me tek imot søknader som normalt, men forstår om du helst vil sleppe å skrive. Send sms til Tobias og vi tek kontakt for ein uformell prat, alternativt ein e-post til <a rel="nofollow" href="mailto:tobias.kvale@sygnir.no">tobias.kvale@sygnir.no</a>
Før me ønskjer den rette kandidaten velkomen til oss, vil me gjennomføre ein bakgrunnssjekk og personkontroll i samsvar med kraftberedskapsforskrifta. Aktuelle kandidatar vil få nærare informasjon om dette.

I Sygnir jobbar du med det som betyr noko, kvar dag!