Førde bu- og miljøteneste, eining 3 har ledig stilling som

Førde bu- og miljøteneste, eining 3 yter døgnkontinuerlege tenester til personar med psykisk utviklingshemming og andre som har behov for langvarige og koordinerte tenester.

Vi arbeider tverrfagleg og gir støtte, rettleiing og opplæring i daglege aktivitetar. Målet vårt er å legge til rette for ein trygg, aktiv og meiningsfull kvardag med størst mogleg grad av meistring og sjølvstende. Tenestene omfattar mellom anna oppfølging innan personleg hygiene, ernæring, aktivitet og sosial deltaking, i tillegg til oppfølging av somatiske og psykiske helseutfordringar.

Om stillinga

Vi har ledig 100 % fast stilling som miljøterapeut, med arbeidsstad for tida på Vassenden.

Hos oss får du ein variert og meiningsfull arbeidskvardag der du blir godt kjend med tenestemottakar og får høve til å bidra til tryggleik, meistring og gode dagar. Stillinga er knytt til eit butiltak der du følgjer opp ein tenestemottakar med behov for tett og individuelt tilpassa oppfølging.

Langvaktene gir god kontinuitet i oppfølginga, samtidig som turnusordninga gir færre arbeidshelger og meir samanhengande fritid. Stillinga har for tida langvakter på 12,5 timar og arbeid kvar fjerde helg.

Arbeidsoppgåver:

• gi praktisk bistand, støtte og rettleiing
• legge til rette for meistring, aktivitet og deltaking i kvardagen
• følge opp individuelle mål, tiltak og planar
• bidra til føreseielege og trygge rammer for tenestemottakar
• samarbeide med pårørande, kollegaer og andre samarbeidspartar
• dokumentere tenesteyting og nytte digitale fagsystem
• bidra til fagleg utvikling og gode tenester

Kvalifikasjonar:

• helse- og sosialfagleg relevant høgare utdanning som kvalifiserer for stilling som miljøterapeut
• erfaring frå arbeid med personar med psykisk utviklingshemming
• kunnskap om helse- og omsorgstenestelova kapittel 9
• god digital kompetanse og evne til å ta i bruk aktuelle IT-verktøy
• evne til å motivere og legge til rette for aktivitet og meistring
• gode norskkunnskapar, både munnleg og skriftleg
• førarkort klasse B og kan køyre bil med manuelt gir

Personlege eigenskapar:

Vi ønsker ein miljøterapeut som er trygg, engasjert og oppteken av å skape gode kvardagar for andre.

Du:

• har erfaring frå arbeid med personar med psykisk utviklingshemming og/eller autismespekterforstyrringar
• har interesse for å arbeide med menneske med samansette behov
• er trygg og tydeleg i møte med andre
• har gode kommunikasjons- og samarbeidsevner
• arbeider godt både sjølvstendig og i team
• er fleksibel, løysingsorientert og påliteleg
• har evne til refleksjon og bidreg til fagleg forsvarleg og etisk god praksis

Personlege eigenskapar vil bli tillagde stor vekt.

Vi kan tilby:

• ein meiningsfull jobb der du gjer ein forskjell i kvardagen til andre
• tett samarbeid med fagleg dyktige kollegaer
• høve til fagleg utvikling og kompetanseheving
• langvaktturnus med arbeid kvar fjerde helg
• gode pensjons- og forsikringsordningar

Velkomen som søkar!

Vi ser fram til å høyre frå deg.

Søknad skal sendast elektronisk.