Areal og byggesak søker etter ny medarbeidar

Stilling
Arealplanleggar
Lokasjon
Førde
Antall posisjoner
1
Sektor
Offentlig
Type ansettelse
Fulltid, Fast
Publisert
I dag
Søknadsfrist
03. des.
Få påminnelse
14 dager igjen
Ved å be om påminnelse vil du motta en beskjed før søknadsfristen og annen viktig informasjon om stillingen.
Ditt navn
E-post

Areal og byggesak i Sunnfjord kommune er ei tverrfagleg eining med ansvar for samfunnsutvikling, arealforvaltning og myndigheitsutøving etter plan- og bygningslova. Eininga omfattar fagområda kommuneplanlegging, reguleringsplanar, byggesak, oppmåling og matrikkel, geodata/GIS, dispensasjonssaker, delingssaker, adressering og namnesaker. Vi arbeider tett med politisk leiing, administrasjon, innbyggarar, næringsliv og regionale styresmakter for å legge til rette for berekraftig utvikling i kommunen.

Planavdelinga i Sunnfjord kommune har ei sentral rolle i utviklinga av kommunen. Avdelinga arbeider med kommuneplan, områdereguleringar, detaljreguleringar, by- og tettstadsutvikling, strategiske planoppgåver og juridiske vurderingar innan plan- og bygningsrett. Vi er eit sterkt fagmiljø som samarbeider tett med andre fagområde i kommunen og med eksterne aktørar om å skape gode og framtidsretta løysingar for lokalsamfunnet.

Vi har no ledig 100 % fast stilling som arealplanleggar.

 

Krav til søkar:

  • relevant høgare utdanning på masternivå innan by- og samfunnsplanlegging, arealplanlegging, arkitektur, urbanisme eller tilsvarande fagområde
  • god erfaring med utarbeiding og/eller handsaming av reguleringsplanar etter plan- og bygningslova
  • erfaring frå større og komplekse plan- eller byutviklingsprosjekt
  • god forståing for offentleg forvaltning, politiske prosessar og samspel mellom offentlege og private aktørar
  • god munnleg og skriftleg framstillingsevne på norsk

Vi søker deg som:

  • ser heilskapen, gjer gode faglege vurderingar og står trygt i krevjande faglege diskusjonar
  • skaper retning og framdrift, samstundes som du byggjer gode samarbeid og relasjonar
  • deler kunnskap, bidreg til fagleg utvikling og gjer kollegaene rundt deg betre
  • kombinerer strategisk forståing med evne til å få oppgåver gjennomførte i praksis
  • arbeider sjølvstendig, tek ansvar og handterer komplekse problemstillingar på ein strukturert måte
  • er tydeleg i kommunikasjonen og trygg i møte med politikarar, innbyggjarar, næringsliv og andre offentlege styresmakter

Personleg eigenskap vil bli tillagd stor vekt. Vi legg vekt på den samla kompetansen din, og oppmodar deg til å søke sjølv om du ikkje oppfyller alle kvalifikasjonskrava fullt ut.

Vi tilbyr deg:

  • spennande og faglege utfordringar
  • kompetansetillegg for relevant vidareutdaning
  • god pensjons- og forsikringsordning

Du søker elektronisk.

Velkomen som søkar, vi ser fram til å høyre frå deg!


Link til søknadsskjema: Søk her
Kontaktpersoner
Drømmejobben din venter. Vi vet hvor den er.
Lag en profil og få personlige jobbforslag.
Relaterte bedrifter