Vil du vere med og utvikle ein viktig del av infrastrukturen i ein av Noregs mest kjende reiselivskommunar?

Stranda hamnevesen KF søker leiar for administrasjon og digitalisering som skal vere ein sentral ressurs i vidareutviklinga av hamneverksemda. Dette er ei brei og variert rolle for deg som liker å kombinere utviklingsarbeid og prosjekt med praktiske og operative oppgåver.

Du vil arbeide tett med hamnesjef og hamnekaptein, og får mulighet til å påverke utviklinga av verksemda i Geiranger, Hellesylt og Stranda. Vi er ein liten organisasjon med korte vegar når det gjeld beslutningar. Hos oss må du trivast med ansvar, variasjon og med å bidra der det er behov.

• Ha hovudansvar for administrative oppgåver og digitalisering

• Planlegge, koordinere og følge opp investerings- og utviklingsprosjekt

• Følge opp leverandørar, avtalar, innkjøp og eksterne samarbeidspartnarar

• Bidra i budsjettarbeid, økonomioppfølging og utarbeiding av avgjerdsgrunnlag

• Bidra til at krav innan sikkerheit, beredskap, miljø og relevant regelverk blir ivaretatt

• Bygge og utvikle gode relasjonar med kundar, næringsliv og andre samarbeidspartnarar

• Bidra til synleggjering og marknadsføring av Stranda hamnevesen, våre tilbod og muligheter

• Bidra i strategisk og langsiktig utvikling av hamneverksemda

• Delta i den løpande drifta av hamneanlegg og tilhøyrande infrastruktur

• Bidra på tvers av ansvarsområde og oppgåver når det er behov

Ein viktig del av rolla blir å bidra til vidareutvikling av logistikk, styrings- og rapporteringssystem knytt til aktivitet på sjø. Vi ønsker å utnytte mulighetsrommet som ligg i digitale løysingar og AI. Du skal ikkje vere IT-utviklar, men du må ha god system- og teknologiforståelse. Du må kunne sjå korleis digitale løysingar og ny teknologi kan brukast til å forbetre arbeidsprosessar, styring og rapportering, og omsette behova i verksemda til gode løysingar.

Vi ser etter ein person med relevant høgare utdanning og/eller erfaring som gir eit godt grunnlag for å handtere ei brei og sjølvstendig rolle.

Relevant bakgrunn kan eksempelvis vere frå IKT-bransjen, logistikk, industri, infrastruktur, hamn og maritim verksemd, bygg og anlegg, teknisk drift eller anna verksemd med tilsvarande kompleksitet.

• Utviklings- og forbetringsarbeid

• IKT, logistikk og bruk eller utvikling av digitale styrings- og rapporteringssystem

• Prosjekt eller prosjektleiing

• Kontraktar, anskaffingar og leverandøroppfølging

• Offentleg forvaltning og kontakt med myndigheiter

• HMS, sikkerheit, beredskap eller miljøarbeid

Du har god IKT-/IT-forståing og interesse for korleis teknologi og AI kan bidra til å utvikle og effektivisere ei verksemd.

Vi trur du er ein person som tar ansvar og arbeider sjølvstendig. Du er operativ, får ting gjennomført og har god heilskaps- og forretningsforståing. Du evnar å prioritere og handtere ulike problemstillingar samtidig, samt kombinerer struktur og grundighet med ei praktisk tilnærming.

Du bygg gode relasjonar og kommuniserer godt med ulike menneske og interessentar. Samtidig er du utviklingsorientert og ser muligheter for forbetring.

Stranda hamnevesen er ein liten organisasjon. Derfor er det viktig at du er fleksibel og trivst med å samarbeide tett med andre, og at du er villig til å ta tak i både store og små oppgåver. Sjølv om vi har definerte ansvarsområde, må vi bidra på tvers av dette dersom behov.

Arbeidsstad blir avtalt nærare og kan vere Geiranger, Hellesylt eller Stranda. Stillinga inneber uansett samarbeid og aktivitet på tvers av dei tre lokasjonane.

Du treng ikkje å ha skrive ein ferdig søknad for å ta kontakt. Vi tek gjerne ein uforpliktande og konfidensiell samtale dersom du ønsker å høyre meir om rolla og moglegheitene.

Kontakt Jan Pedersen på telefon 98 29 52 71 eller e-post jan.pedersen@capus.no.

Registrer CV-en din og gjerne nokre korte ord om kvifor moglegheita er interessant for deg.