Stord DPS/BUP

Stord

Ranveig Shevanti Hjelland

Funksjonsleiar

<p><strong>Vil du bruke kompetansen din til å hjelpe menneske med rus- og avhengigheitsutfordringar vidare i livet?</strong></p><p>Ved Tverrfagleg spesialisert rusbehandlingsteam ved Stord DPS har vi ledig eit vikariat som behandlar. Stillinga passar for deg som er sjukepleiar, vernepleiar eller har annan relevant høgskuleutdanning – gjerne med vidareutdanning eller erfaring innan rus og psykisk helse.</p><p>Hos oss blir du del av eit tverrfagleg team med overlege, psykologspesialist, sosionom, psykiatriske sjukepleiarar, sjukepleiar og vernepleiar. Vi jobbar tett med pasientar i LAR-behandling og andre som har rett til tverrfagleg spesialisert rusbehandling. Vi ønskjer at alle våre medarbeidarar skal ha god fagkompetanse på sitt område og vil legge til rette for vidare- og etterutdanning om du ønskjer det. </p><p>TSB-teamet er i utvikling, og vi ønskjer deg som vil bidra fagleg, samarbeide godt og vere med på å utvikle eit trygt og heilskapleg behandlingstilbod for pasientane våre.<br /><strong></strong></p><p><strong>&#x1f449; Høyrest dette ut som noko for deg? Då håpar vi du søkjer.</strong></p><p>(Oppstart kan avtalast nærare).</p><br />
<h3>Kva går jobben ut på?
</h3><p>Arbeidsoppgåvene dine vil mellom anna vere å:</p><ul><li>ha behandlaransvar for pasientar med TSB rettighetar og som er i LAR-behandling</li><li>følgje opp pasientar både poliklinisk og ambulant</li><li>greie ut og søkje pasientar inn til relevant institusjonsbehandling</li><li>samarbeide med legevakt, kommunale tenester, NAV og andre samarbeidspartar</li><li>delta i ansvarsgrupper rundt pasientane</li><li>følgje opp LAR-medikament etter gjeldande rutinar</li><li>halde deg fagleg oppdatert og bidra i utviklinga av tenesta</li></ul><p>Vi samarbeider også med IPS-jobbspesialist, Haugaland A-senter og andre aktørar for å skape betre og meir samanhengande pasientforløp.</p><h3>Kva kompetanse er viktig i denne rolla?
</h3><p><strong>Du må ha:</strong></p><ul><li>relevant høgskuleutdanning, til dømes som sjukepleiar eller vernepleiar</li><li>brei erfaring innanfor for rus, avhengigheit og psykisk helse</li><li>gode norskkunnskapar, både munnleg og skriftleg</li></ul><p><strong>Det er ein fordel om du har:</strong></p><ul><li>vidareutdanning innan rus og/eller psykisk helse</li><li>erfaring frå TSB, LAR, DPS, psykisk helsevern, ambulant oppfølging eller kommunalt rus-/psykisk helsearbeid</li><li>erfaring med behandlaransvar, pasientkoordinering eller arbeid i ansvarsgrupper</li><li>god kjennskap til LAR og samarbeid med kommune, NAV og fastlege</li></ul><p> Anna relevant utdanning, spesialisering eller erfaring kan bli vurdert.<br /></p><ul></ul><h3>Kva ser vi etter hos deg?</h3><p>Vi ser etter deg som møter menneske med respekt, ro og fagleg tryggleik. Du trivst med å jobbe tett på pasientar som kan ha samansette utfordringar, og du forstår kor viktig relasjon, tillit og brukarmedverknad er i behandlinga.</p><p>Vi ønskjer at du:</p><ul><li>kommuniserer godt med pasientar, pårørande og samarbeidspartar</li><li>held roen i krevjande situasjonar</li><li>trivst med tverrfagleg samarbeid</li><li>tek ansvar og jobbar strukturert</li><li>er nysgjerrig på faget og ønskjer å utvikle deg vidare</li><li>bidreg positivt inn i arbeidsmiljøet</li></ul><p>Personleg eignaheit og motivasjon for fagfeltet blir vektlagt.</p><h3>Kvifor skal du velje oss?</h3><p>Hos oss får du ein meiningsfull behandlarrolle i eit fagfelt som er i utvikling. Du blir del av eit lite og tverrfagleg team der vi kjenner kvarandre godt, deler kunnskap og jobbar saman for å gi pasientane eit best mogleg tilbod.</p><p>Hos oss får du:</p><ul><li>arbeid i eit sterkt tverrfagleg fagmiljø</li><li>ein arbeidskvardag med stor variasjon og mykje pasientkontakt</li><li>høve til å bidra i utviklinga av TSB-tilbodet ved Stord DPS</li><li>fagleg påfyll og moglegheit for vidare- og etterutdanning </li></ul><p>Stord DPS ligg sentralt på Stord. Her får du korte avstandar, nærleik til sjø og natur, og gode samband både mot Bergen og Haugesund.<br /></p><p><strong>Vil du vite meir om stillinga? </strong>Ta gjerne kontakt med oss – eller send inn søknaden din. Vi ser fram til å høyre frå deg.</p><p>Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.<br /></p><h3>Kontaktinformasjon</h3>Ranveig Shevanti Hjelland, Funksjonsleiar, &#43;47 99201891, ranveig.shevanti.hjelland&#64;helse-fonna.no<br />
<h3>Arbeidsstad</h3>Tysevegen 64<br />
5416 STORD<br />
<h3>Nøkkelinformasjon:</h3>Arbeidsgivar: Helse Fonna HF<br />
<br />
Referansenr.: 5137897340<br />
Stillingsprosent: 100%<br />
Vikariat<br />
Startdato: 01.09.2026<br />
Sluttdato: 30.09.2027<br />
Søknadsfrist: 21.06.2026<br />
<br />


Sjukepleiar eller vernepleiar - vil du jobbe med rusbehandling?