Stad Kommune

Nordfjordeid

Ingunn Rotihaug

Stabsleiar personal og kommunikasjon

<p>Stad kommune har ledig 100 % fast stilling som personalmedarbeidar primært innan arbeidstid og ressursstyring frå 01.10.2026 eller etter avtale. Stillinga er plassert i stabseining for personal og kommunikasjon.</p><p>Stabseining for personal og kommunikasjon skal legge til rette for gode organisasjons- og personalprosessar, god dokumentforvaltning og god informasjon og kommunikasjon internt i organisasjonen og ut mot innbyggjarane.</p><p>Eininga har ansvar for oppgåver i samband med løns-, personal- og arbeidsgjevarfunksjonane og skal støtte og legge til rette for einingane i Stad kommune. Eininga har også ansvar for post- og arkivfunksjonane inkludert dokumentforvaltning i fleire av fagsystema i kommunen. Vi skal også legge til rette for auka digitalisering av tenester. Eininga har vidare ansvaret for sentralbordet i Stad kommune og publikumsfunksjonar i Stad rådhus. Eininga legg til rette for og koordinerer politiske møte, valgjennomføring, rekruttering, informasjon og kommunikasjon og bidreg til å gjennomføre ulike arrangement i regi av kommunen.</p><p>Vi treng no å styrke oppgåvegjennomføringa knytt til arbeidstid og ressursstyring. Den som vert tilsett kan få oppmøtestad på Nordfjordeid eller i Selje. I ein opplæringsfase vil det vere nødvendig med oppmøtestad på Nordfjordeid.</p><br />
<h3>Arbeidsoppgåver</h3><ul><li>Koordinator for tverrfagleg arbeidsgruppe innan arbeidstid og ressursstyring</li><li>Systemansvar for fagsystemet Tieto Lifecare (RS)</li><li>Rådgjevar i turnusrelaterte saker og saker som omhandlar arbeidstid i heile organisasjonen</li><li>Medverke til god opplæring i arbeidstidsreglar og turnusarbeid</li><li>Koordinator for lærlingsatsinga i kommunen og arbeid for å få vaksne til å utdanne seg som fagarbeidar </li><li>Bidra til å utvikle og forbetre rutinar og reglement på personalområdet</li><li>Anna arbeid og saksbehandling på personalområdet etter avtale og intern fordeling<br /></li></ul><h3>Kvalifikasjonar</h3><ul><li>Relevant utdanning frå høgskule eller universitet </li><li>Gjerne relevant vidareutdanning innan til dømes personal, hms, jus, digitalisering</li><li>Dokumentert erfaring og gode resultat kan vege opp for utdanningskravet</li><li>God kjennskap til lov- og avtaleverket som hovudtariffavtalen, arbeidsmiljølova og ulike særavtaler i kommunal sektor</li><li>Kunnskap og erfaring frå fagsystem som Tieto Lifecare, Acos websak, Visma Enterprise, Webcruiter og Compilo</li><li>Erfaring som leiar eller medarbeidar med ansvar for turnusplanlegging og oppfølging av arbeidstidssystem vil vere positivt</li><li>Gjerne kunnskap og erfaring med prosjekt- og prosessleiing og opplæring</li><li>Gode skriftlege og munnlege norskkunnskapar er nødvendig i denne stillinga</li></ul><h3>Personlege eigenskapar</h3><ul><li>Evne til å organisere og koordinere arbeidsoppgåver og følge fristar</li><li>Evne til å setje seg inn i nye fagsystem og ulikt regelverk</li><li>Evne til å takle mange og krevjande arbeidsoppgåver</li><li>Evne til å arbeide sjølvstendig men også i team</li><li>Gode samarbeids- og kommunikasjonsevner</li><li>Nøyaktig og tek initiativ til forbetringsarbeid</li><li>Bidrar positivt i arbeidsmiljøet</li></ul><h3>Vi tilbyr</h3><ul><li>Eit godt fag- og arbeidsmiljø og varierte oppgåver<br /></li><li>Løn etter kommunalt avtaleverk</li><li>Gode pensjons- og forsikringsordningar</li><li>Høve til kompetanseheving og vidareutvikling</li><li>Flyttegodtgjersle</li></ul><p>For stillingskode som rådgjevar med personleg løn vert det stilt krav om relevant utdanning på masternivå. Søkjarar med 3-årig høgskuleutdanning vil bli plassert i kode spesialkonsulent med løn etter tariff.</p><p>Kandidatar utan høgskuleutdanning kan også søkje, men for å bli vurdert er det nødvendig med dokumentert erfaring og resultat frå liknande stilling og arbeidsoppgåver. Særleg relevant er god kjennskap til lov- og avtaleverket, turnusarbeid og Tieto Lifecare (RS).</p><p>Vi ber om at du lastar opp attestar og vitnemål saman med søknaden. Vi ber om referansar av nyare dato. Stad kommune har seks månader prøvetid.<br /><br />Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast. For nærare informasjon om stillinga kan du ta kontakt med stabsleiar personal og kommunikasjon Ingunn Rotihaug.</p><h3>Kontaktinformasjon</h3>Ingunn Rotihaug, Stabsleiar personal og kommunikasjon, &#43;47 970 01 087<br />
<h3>Arbeidsstad</h3>Rådhusvegen 11<br />
6770 Nordfjordeid<br />
<h3>Nøkkelinformasjon:</h3>Arbeidsgivar: Stad kommune<br />
<br />
Referansenr.: 5117104844<br />
Stillingsprosent: 100%<br />
Fast<br />
Startdato: 01.09.2026<br />
Søknadsfrist: 26.07.2026<br />
<br />


Personalmedarbeidar innan arbeidstid og ressursstyring