Stad Kommune

Selje

Svein Arne Fure

Einingsleiar plan og forvaltning

<p>Stad kommune står framfor ei tid med stor aktivitet og spennande samfunnsutvikling. Realiseringa av Stad skipstunnel, verdas første fullskala skipstunnel, vil skape nye moglegheiter for næringsliv, busetjing og utvikling i heile kommunen. Byggjestart er planlagd tidleg i 2027. </p><p>Vi søkjer no etter ein engasjert og fagleg sterk fagleiar for byggesak i 100 % stilling.</p><p>Fagleiar byggesak har det overordna faglege ansvaret for kommunen si bygge- og delesakshandsaming. Du skal koordinere oppgåver, sikre framdrift og bidra til einsarta og korrekt praktisering av regelverket. Stillinga kombinerer fagleiing med operativ sakshandsaming. Du må derfor trivast både med å støtte og utvikle kollegaer og med å arbeide sjølvstendig med konkrete byggjesaker. Du blir ein del av eit tverrfagleg fagmiljø og vil samarbeide tett med mellom anna arealplanlegging, oppmåling, landbruk, næring, teknisk drift og andre kommunale tenesteområde.</p><p>Stillinga er lokalisert på Nordfjordeid, men om ønskjeleg vil du få høve til å få kontorstad i Selje nokre dagar i veka.</p><p>Eininga plan og forvaltning inngår i kommunalområdet Kultur og samfunn og har ti tilsette. Tilsette i eininga arbeider mellom anna med plan- og byggesaker, oppmåling, ajourhald av kommunen sitt kartverk, landbruk og miljøsaker.</p><br />
<h3>Arbeidsoppgåver</h3><p>Som fagleiar byggesak vil du mellom anna:</p><ul><li>ha fagansvar for bygge- og delesaksområdet</li><li>leie, koordinere og prioritere oppgåver i faggruppa</li><li>rettleie og støtte medarbeidarar i faglege vurderingar</li><li>bidra til god arbeidsflyt, kvalitet og effektiv sakshandsaming</li><li>behandle byggjesaker, dispensasjonssaker, delingssaker og andre saker etter plan- og bygningslova</li><li>gi rettleiing til innbyggjarar, føretak, utbyggjarar og andre aktørar</li><li>delta i førehandskonferansar og dialogmøte</li><li>førebu og leggje fram saker for politisk behandling</li><li>bidra til god samhandling mellom byggesak, plan, oppmåling og andre fagområde</li><li>bidra i utviklinga av digitale arbeidsprosessar, rutinar og kvalitetssystem</li><li>følgje med på endringar i lovverk, forskrifter og nasjonale føringar</li><li>bidra med byggesaksfagleg kompetanse i utviklingsprosjekt, mellom anna i samband med Stad skipstunnel og tilhøyrande areal- og næringsutvikling</li><li>representere kommunen i relevante møte og samarbeidsforum<br /></li></ul><p>Arbeidsoppgåvene kan bli justerte ut frå kommunen sine behov og kompetansen til den som blir tilsett.</p><h3>Kvalifikasjonar</h3><p>Vi søkjer deg som har:</p><ul><li>relevant høgare utdanning innan bygg, arkitektur, ingeniørfag, jus, eigedomsfag eller anna relevant fagområde</li><li>god kjennskap til plan- og bygningslova og tilhøyrande forskrifter</li><li>relevant erfaring frå byggesak, planarbeid, prosjektarbeid eller offentleg forvalting</li><li>god forståing for rolla som offentleg styresmakt</li><li>god skriftleg og munnleg framstillingsevne på norsk</li><li>god digital kompetanse</li><li>førarkort klasse B<br /></li></ul><p>Særleg relevant og omfattande erfaring kan kompensere for delar av utdanningskravet. </p><p>Det er ein fordel om du har:</p><ul><li>erfaring frå kommunal byggesakshandsaming</li><li>erfaring med fagleiing, koordinering eller personalleiing</li><li>juridisk kompetanse innan plan- og bygningsrett eller forvaltingsrett</li><li>erfaring med tilsyn og oppfølging av ulovlege tiltak</li><li>kjennskap til politiske avgjerdsprosessar</li><li>erfaring med digitale sakshandsamings- og arkivsystem</li><li>interesse for tenesteutvikling, digitalisering og effektivisering</li></ul><h3>Personlege eigenskapar</h3><p>Vi ønskjer at du:</p><ul><li>er tydeleg, tillitsskapande og inkluderande</li><li>arbeider strukturert og har god gjennomføringsevne</li><li>kan prioritere og halde oversikt i ein variert arbeidskvardag</li><li>er løysingsorientert utan å gå på kompromiss med lovverk og likebehandling</li><li>kommuniserer klart og forståeleg med både fagpersonar og innbyggjarar</li><li>trivst med å rettleie og utvikle andre</li><li>tek initiativ og bidreg aktivt til forbetring</li><li>handterer krevjande saker og interessekonfliktar på ein profesjonell måte</li><li>bidreg positivt til arbeidsmiljøet</li></ul><h3>Vi tilbyr</h3><ul><li>Utviklande og spennande oppgåver</li><li>Eit arbeidsmiljø basert på verdiane nær, raus, skapande og heilhjarta</li><li>Deltaking i eit inkluderande, utviklande og innovativt team</li><li>God pensjons- og forsikringsordning. Informasjon finn du <a href="http://www.klp.no/pensjonsguiden?kommune&#61;Stad%20kommune&amp;nynorsk&#61;1&amp;oftp&#61;1&amp;produkter&#61;1234" rel="nofollow">her</a></li><li>Løn etter avtale</li><li>Busette i Stad kommune i minst eitt år kan søkje Lånekassen om å få sletta delar av studielånet sitt<br /></li></ul><p>Stad kommune har seks månadar prøvetid. Vi gjer merksame på at etter § 25 i offentleglova kan opplysningar om søkjaren bli offentleg sjølv om søkjar oppmodar om ikkje å bli ført opp på søkjarlista. Oppmoding om unntak må grunngjevast.</p><p>Vi ber om at attestar og vitnemål vert lasta opp saman med søknaden. Vi ber om at søkjar fører opp referansar.</p><p>Dersom du har spørsmål om stillinga kan du ta kontakt med einingsleiar Svein Arne Fure.</p><h3>Kontaktinformasjon</h3>Svein Arne Fure, Einingsleiar plan og forvaltning, 90209234, svein.fure&#64;stad.kommune.no<br />
<h3>Arbeidsstad</h3>Rådhusvegen 11<br />
6770 Nordfjordeid<br />
<h3>Nøkkelinformasjon:</h3>Arbeidsgivar: Stad kommune<br />
<br />
Referansenr.: 5162394824<br />
Stillingsprosent: 100%<br />
Fast<br />
Søknadsfrist: 13.09.2026<br />
<br />
