Fast stilling som vaktmeister / byggdriftar

Om stillinga

Stillinga inngår i teknisk drift og vil ha oppgåver knytte til kommunale bygg og eigedomar, vegdrift, overvatn og delar av vass- og avløpsdrifta. Arbeidsoppgåvene vil variere etter sesong og behov. Du vil arbeide både sjølvstendig og saman med andre i teknisk drift.

Arbeidsoppgåver

• Tilsyn, drift og enkelt vedlikehald av kommunale bygg, eigedomar og tekniske anlegg.

• Oppgåver innan kommunal vegdrift, mellom anna tilsyn, mindre vedlikehaldsarbeid og sesongoppgåver.

• Tilsyn og vedlikehald knytt til grøfter, stikkrenner, sluk og andre anlegg for overvatn.

• Praktiske drifts- og vedlikehaldsoppgåver innan vatn og avløp etter behov og opplæring.

• Brannvern, sikringstiltak og internkontroll.

• Oppfølging av mindre prosjekt og vedlikehaldsoppgåver.

• Styring og overvaking av tekniske anlegg, manuelt og gjennom SD-anlegg.

• Oppfølging av energiforbruk og ENØK-tiltak.

• Registrering og dokumentasjon i FDVU- og andre digitale fagsystem.

• Andre oppgåver innan teknisk drift etter behov.

Som tilsett i teknisk drift kan du bli spurd om å delta i vaktordninga for teknisk vakt.

Kvalifikasjonar

Krav:

• Relevant fagbrev eller praktisk erfaring frå teknisk drift, byggdrift, vegarbeid, VVS, elektro, automasjon eller anna relevant arbeid.

• Gode praktiske ferdigheiter og evne til å utføre varierte drifts- og vedlikehaldsoppgåver.

• Gode digitale ferdigheiter og positiv haldning til bruk av digitale verktøy.

• Førarkort klasse B.

• Gode norskferdigheiter, både munnleg og skriftleg.

• Godkjend politiattest må leggjast fram før tiltreding.

Ønskje:

• Andre relevante førarkort, maskinførarbevis eller kurs.

Personlege eigenskapar

• Du arbeider sjølvstendig, strukturert og påliteleg.

• Du samarbeider godt og bidreg positivt i arbeidsmiljøet.

• Du er løysingsorientert, tek initiativ og ser kva som må gjerast.

• Du er fleksibel og kan handtere varierte oppgåver.

• Du er serviceinnstilt i møte med brukarar og innbyggjarar.

Vi tilbyr

• tilsetjing på kommunale vilkår med løn etter avtale

• gode pensjons- og forsikringsordningar gjennom KLP

• relevante kurs og opplæring

Arbeidet kan vere fysisk belastande og inneber arbeid både ute og inne gjennom året.

Spørsmål kan rettast til teknisk sjef Bernt Dahl, mobil 45 31 33 01 eller bernt.dahl@skjaak.kommune.no.

Søknadsfrist: 12.10.2026