Helsesekretær Samnanger legekontor

Om oss og stillinga

Vil du vere med på å skape ein trygg og god kvardag for pasientane våre? Me søkjer ein serviceinnstilt og engasjert helsesekretær til ei 40 % stilling ved Samnanger legekontor.

Samnanger kommune ligg midt mellom Bergen og Hardanger - tett på både by- og naturopplevingar. På helsetunet finn du Samnanger legekontor, samlokalisert med førebyggande helsetenester (fysio/ergo, helsestasjon mm.), og Samnangerheimen rett over vegen. Legekontoret har fem fastleger og på forkontoret er det tre dyktige og stabile medarbeidarar - to helsesekretærar og ein sjukepleiar. Me har i løpet av 2026 tilsett ein ny fastlege, og me ønskjer no å utvide legekontoret ytterlegare med ei ny helsesekretærstilling på 40 %.

Arbeidsoppgåver

• Ta imot pasientar og svare på telefonførespurnader
• Administrere timebestillingar og utføre resepsjonsarbeid
• Utføre prøvetaking og laboratoriearbeid
• Handtere journalføring og andre administrative oppgåver
• Samarbeide med legar og anna helsepersonell

Kvalifikasjonar

Krav

• Me søkjer primært etter ein autorisert helsesekretær. Søkjarar med anna relevant helsefagleg utdanning, til dømes sjukepleiarar, kan òg bli vurderte. Relevant erfaring og kompetanse vil bli tillagd særleg vekt.
• Gode digitale ferdigheiter og erfaring med elektroniske pasientjournalsystem
• Gyldig politiattest må leggjast fram før tilsetjing
• Gode munnlege og skriftlege norskkunnskapar

Ønskjer

• Erfaring frå legekontor eller tilsvarande arbeid
• Kompetanse innan blodprøvetaking, laboratoriearbeid, EKG og andre relevante prosedyrar
• Kjennskap til smittevern, teieplikt og pasienttryggleik
• Erfaring med å vurdere hastegrad ved telefonførespurnader og pasientkontakt, innanfor eige kompetanseområde

Personlege eigenskapar

Me ser etter deg som:

• er engasjert, fleksibel og løysingsorientert
• har gode samarbeidsevner og trivst med tverrfagleg samarbeid
• arbeider sjølvstendig, er ansvarsmedviten og tek initiativ

Personleg eignaheit og samarbeidsevne vert vektlagt

Me tilbyr

• Hjå oss får du ein variert og meiningsfull arbeidskvardag der du bidreg til gode pasientopplevingar og ei velfungerande helseteneste. Du blir ein del av eit godt arbeidsmiljø med engasjerte kollegaer som deler kunnskap og støttar kvarandre i det daglege arbeidet.
• Me legg til rette for god opplæring, slik at du blir trygg på arbeidsoppgåvene og rutinane våre. Du får høve til å bruke kompetansen din og utvikle deg fagleg gjennom samarbeid med legar og anna helsepersonell.

• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Lønn, offentleg pensjon og arbeidsvilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring
• Fleksible arbeidstidsordningar
• Gode velferdsordningar

Arbeidstilhøve

Me ønskjer eit arbeidsmiljø prega av mangfald, og at tilsette skal spegla folkesetnaden elles. Me oppfordrar alle kvalifiserte til å søkja jobb hjå oss, uavhengig av alder, kjønn, funksjonsevne, etnisk eller kulturell bakgrunn. Dersom du har utanlandsk utdanning, må denne vera godkjend av Direktoratet for høgare utdanning og kompetanse. Me legg vekt på å leggja til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.

Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bede om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.