Sámi Allaskuvla Samisk Høgskole

Kautokeino

<h2>Oanehaččat virggi birra</h2>Sámi allaskuvllas Giela, duoji ja servodatdiehtagiid goađis lea sámi goanstajierpme ja statistihka professorvirgi ohcan láhkai.Jus eai leat ohccit geat devdet professorvirggi gelbbolašvuođagáibádusaid, de sáhttet sii geat devdet vuosttašamanueansavirggi gelbbolašvuođagáibádusaid, árvvoštallojuvvot vuosttašamanueansavirgái <h2>Bargoviidodat virggis</h2>Virggi váldosisdoallun lea oahpahus, bagadallan, dutkan ja gaskkusteapmi sámi goanstajierpmis ja statistihkas. Oahpahussii gustojit áiggis áigái doaibmi oahppoplánat ja oahpahusgiellan lea dábálaččat davvisámegiella. Iežas dutkandoaimmaid lassin virggehas ferte ovddidit, ovdánahttit ja jođihit dutkama vuosttažettiin sámi goanstajierpme- ja statistihkkasuorggis. Son galgá leat mielde master- ja PhDoahppoprográmmaid ođasmahttinbargguin, oahpahusas ja ovddidit Sámi AI Lab dutkanja oahppobirasin.Son galgá leat njunnošis Sámi allaskuvlla gelbbolašvuođas goanstajierpmis ja statistihkas. Vurdojuvvo ahte virggehas čuovvu Sámi allaskuvlla sámi profiilla barggu oktavuođas.  Virggi sajádat organisašuvnnas ja bargoviidodat sáhttá rievdat ásahusa dárbbuid geažil. Eará barggut: Bargogeatnegasvuođa geažil sáhttá bargi oažžut ovddasvástádusa eará bargguin Sámi allaskuvlla doaimmaid siskkobealde. Dákkár barggut sáhttet leat ee.: • oahppofálaldagaid ja oahppoovttadagaid fágalaš jođiheapmi • bagadallan ja ráđđeaddin dábálaš oahpahusdoaimmaid lassin • oahpahus ja fágalaš doaimmat lassioahppokurssaid ja eará kurssaid/konferánssaid oktavuođas • doarjut ásahusa sosiála ja kultuvrralaš doaimmaid • doaimmat Sámi allaskuvlla siskkáldas stivrrain ja lávdegottiin  Bargit geat leat Sámi allaskuvlla oahpahus- ja dutkanvirggiin galget aktiivvalaččat oassálastit ođđa oahppofálaldagaid ovdánahttimii ja searvat dutkandoaimmaide Sámi allaskuvlla profiilla ektui. <h2>Gelbbolašvuođagáibádusat</h2>Professor- ja vuosttašamanueansavirggi ohcci galgá duođaštit máhtu ja áššedovdamuša sámi goanstajierpmis ja statistihkas. Ohcciin gáibiduvvo doavttirgráda dahje vástideaddji gelbbolašvuohta goanstajierpmis dahje statistihkas dahje eará relevánta fágasuorggis. Professorvirggi ohccis galgá leat govda vásáhus dutkanjođiheames, master- ja PhD-bagadallamis ja riikkaidgaskasaš dutkanovttasbarggus ja oahpahangelbbolašvuohta fágasuorggi siskkobealde.Professorvirggi gelbbolašvuođagáibádusat leat meroštallon Norgga oahpahusdepartemeantta láhkaásahusas Forskrift til universitets- og høyskoleloven (universitets- og høyskoleforskriften) §:s 3-7 ja Sámi allaskuvlla siskkáldas njuolggadusain čk. 2.6.Vuosttašamanueansavirggi gelbbolašvuođagáibádusat leat meroštallon seamma láhkaásahusa §:s 3-6 ja Sámi allaskuvlla siskkáldas njuolggadusain čk. 2.5.Virgáibidjamis bistevaš virgái Sámi allaskuvllas gáibiduvvo bargiin sihke njálmmálaš ja čálalaš máhttu davvisámegielas, mii vástida B2-dási. Jus bargi ii hálddaš davvisámegiela gáibiduvvon dásis, de oažžu vejolašvuođa olahit gelbbolašvuođagáibádusa golmma jagis virgáibidjama rájes. Vurdojuvvo ahte bargi álggu rájis hálddaša davvisámegiela dán muttus ahte gulahallá studeanttaiguin ja kollegaiguin. Bargi galgá máhttit dárogiela/ ruoŧagiela/ dánskkagiela B1-dásis. Bargi ferte maiddái hálddašit eŋgelasgiela njálmmálaččat ja čálalaččat. Dokumenterejuvvon oahpahanfágalašgelbbolašvuohta. Jus ohccis vuosttašamanueansavirgái váilu oahpahanfágalašgelbbolašvuohta, eaktuduvvo háhkat dán gelbbolašvuođa guovtti jagi sisa virgádeami rájis, Forskrift til universitets- og høyskoleloven § 3-9.Lea ovdamunni jus ohccis lea: • vásáhus olggobeale ruhtadeami háhkamis dutkan- ja oahpahusprošeavttaide • vásáhus fágaidrasttideaddji dutkamis ja statistihkaoahpahusasBiddjojit maid earenoamáš stuora gáibádusat ovttasbargonávccaide ja dasa ahte leat vásáhusat ja beroštupmi fágaid rasttildeaddji doaimmain. Persovnnalaš heivvolašvuohta deattuhuvvo virgáibidjamis. <h2>Mii fállat</h2>Mii fállát earet eará: <ul><li>Virggi mas ovdánahttinvejolašvuođat, viiddis ja máŋggabealat fágabirrasis</li><li>Máŋggabealat čálgofálaldagaid ja heivehahtti bargoáiggi</li><li>Buori bargobirrasa gos alla gelbbolaš bargit iešguđetge fágasurggiin</li><li>Ealli sámegielbirrasa guovddáš sámi guovllus </li></ul>Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta.  <h2>Bálká</h2>Bálkáheapmi dahkko oahpu ja bargoánssu vuođul ja virgi bálkáhuvvo Stáda bálkáplána 17.510 mielde, Virgekoda 1013 Professor, dahje virgekoda 1011 VuosttašamanueansaFormála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.Bálkkás gesso 2% geatnegahtton divat Stáda penšuvdnakássii. <h2>Máŋggabealatvuohta ja searvadahttin</h2>Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geain lea doaibmahettehus, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái. <h2>Oppalaččat</h2>Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.Ohccit sáhttet gohččot bargojearahallamii ja doallat geahččalanlogaldallama.Fárrendoarjja máksojuvvo stáhta njuolggadusaid mielde.Finnmárkkus lea sierra ortnet geahpedit lohkanloana ja vearrogeahpádus.Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.Virggis lea 6 mánu geahččalanáigi. <h2>Ohcan</h2>Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:<ul><li>CV </li><li>Duođaštuvvon oahppo- ja bargoduođaštusat</li><li>Ollislaš listu dieđalaš publikašuvnnain</li><li>Eanemusat 15 dieđalaš barggu mat galget erenoamážit geavahuvvot vuođđun árvvoštallamis</li><li>Duođaštus oahpahanfágalaš/vuođđo pedagogalaš gelbbolašvuođas</li><li>Eará relevántta duođaštusat, omd bargoduođaštusat jna.</li><li>Bivdit du maiddái almmuhit golbma (3) referánssa</li></ul>Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support&#64;grade.no dahje riŋget telefovdnii: 75 54 22 20. <h2>Oktavuođadieđut</h2>Eanet dieđuid virggi birra oažžu goahtejođiheaddjis Risten Länsman, , tlf. &#43;47 784 48 550/ &#43;47 951 39 557, e- poasta: ristenl&#64;samas.no.

Professor/ vuosttašamanueansa sámi goanstajierpmis ja statistihkas - Sámi AI lab