Sámi Allaskuvla Samisk Høgskole

Kautokeino

<h2>Oanehaččat virggi birra</h2><p>Sámi allaskuvlla Sámi oahpaheaddjeoahpuid goađis lea rabas 20 % gaskaboddosaš virgi<br />sámegiela didaktihkas áigodagas 1.8.2026-31.07.2027.<br />Virggehas galgá bargat sámi oahpaheaddjeoahpu prográmmaoahpuin, joatkkaoahpuin<br />oahpaheaddjestudeanttaide eará ásahusain ja vel joatkkaoahpuin ruoŧabeale oahpaheddjiide<br />Ruoŧabealde.<br />Sámi oahpaheaddjeoahpuid goađis lea nana sámi pedagogihkka, fágadidaktihka ja sámegielat<br />fágabiras. Sámegiella lea váldogiella oahpahusas, dutkamis ja gaskkusteamis. Goađis leat<br />maid lagas ovttasbarggut skuvllaiguin, mánáidgárddiiguin ja eiseválddiiguin.</p><br /><h2>Bargoviidodat virggis</h2><p>Bargui gullá earret eará:<br />-  Iešguđet oahpahan-, koordineren-, bagadallan- ja      hálddašanbarggut joatkkaoahpuin,<br />lassioahpuin, oahppoovttadagain ja prográmmaoahpuin.<br />-  Áŋgiruššat ovdánahttit oahpaheaddjeoahpuid fágabirrasa ja ovddidit kvalitehta oahpahusas</p> <p>- Doarjut kollegaid ja studeanttaid fágalaš ovdáneami ja ovddidit kollegiála oassálastin ja ovttasbargovieruid sihke fágasurggiid ja instituhtaid siskkobealde ja rastá.</p><br /><h2>Gelbbolašvuođagáibádusat</h2><p>- Virgái ohcat olbmo geas lea master dahje vástideaddji  gelbbolašvuohta sámegiela fágasuorggis omd. VUOMA/SGLU5-10</p><p><br />- Virgáibidjamis gáibiduvvo ahte bargi hálddaša davvisámegiela mii vástida unnimus B2 dási Eurohpá gielaid oktasaš rámmain (CEFR). Bargi galgá máhttit dárogiela dahje eará skandinávalaš giela čálalaččat ja njálmmálaččat dán dásis ahte sáhttá gulahallat studeanttaiguin, kollegaiguin, ovttasbargoguimmiiguin ja Norggabeale eiseválddiiguin.</p><p><br />- Vuordámuš ahte virggehas leat geabbil ja buorit ovttasbargo- ja gulahallanattáldagat studeanttaiguin, kollegaiguin ja ovttasbargoguimmiiguin. Galgá struktuvrralaš ja systemáhtalaš lahkoneapmi bargui. Áŋgiruššan ja mokta virgái. Mielalaččat lea mielde hukset buori bargobirrasa. Persovnnalaš heivvolašvuohta deattuhuvvo.</p> <p>- Ovdamunni jus virggehasas lea bargohárjáneapmi allaskuvlla dahje universitehta dási oahpahusas, ja muđui relevánta bargohárjáneapmi skuvllas nu ahte ohccis lea práksisgelbbolašvuohta.</p><p>- Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde.</p><p>Gelbbolašvuođagáibádusat virgái leat meroštallojuvvon universitehta ja allaskuvlalága láhkaásahusas Forskrift til universitets- og høyskoleloven (universitets- og høyskoleforskriften)</p><p> </p><br /><h2>Mii fállat</h2><p>Mii fállát earet eará: </p><ul><li>Virggi mas ovdánahttinvejolašvuođat, viiddis ja máŋggabealat fágabirrasis</li><li>Máŋggabealat čálgofálaldagaid ja heivehahtti bargoáiggi</li><li>Buori bargobirrasa gos alla gelbbolaš bargit iešguđetge fágasurggiin</li><li>Ealli sámegielbirrasa guovddáš sámi guovllus </li></ul><p>Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta. </p><br /><h2>Bálká</h2><p>Virgi bálkáhuvvo Stáhta bálkáplána 17.510.,virgekodas 1008.  Bálká mearriduvvo ohcci oahpu ja bargohárjáneami vuođul.</p><p>Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.</p><p>Bálkkás gesso 2% geatnegahtton divat Stáda penšuvdnakássii.</p><br /><h2>Máŋggabealatvuohta ja searvadahttin</h2><p>Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. </p><p>Jus leat gelbbolaš ohccit geain lea doaibmahettehus, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. </p><p>Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.</p> <p>Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.</p><p>Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.</p><br /><h2>Oppalaččat</h2><p>Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.</p><p>Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.</p><p>Ohccit sáhttet gohččot bargojearahallamii ja doallat geahččalanlogaldallama.</p><p>Fárrendoarjja máksojuvvo stáhta njuolggadusaid mielde.</p><p>Finnmárkkus lea sierra ortnet geahpedit lohkanloana ja vearrogeahpádus.</p><p>Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.</p><p>Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.</p><br /><h2>Ohcan</h2><p>Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:</p><ul><li>CV </li><li>Duođaštuvvon oahppo- ja bargoduođaštusat</li><li>Ollislaš listu dieđalaš publikašuvnnain</li><li>Relevánta publikašuvnnat</li><li>Duođaštus oahpahanfágalaš/vuođđo pedagogalaš gelbbolašvuođas</li><li>Eará relevántta duođaštusat, omd bargoduođaštusat jna.</li><li>Bivdit du maiddái almmuhit guokte (2) referánssa</li></ul><p>Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support&#64;grade.com dahje riŋget telefovdnii: 75 54 22 20.</p><br /><h2>Oktavuođadieđut</h2><p>Eanet dieđuid virggi birra oaččut goahtejođiheaddjis John-Marcus Kuhmunen, epoasta: johnmk&#64;samas.no, tlf. &#43;47 78 44 84 91.</p><br />

Allaskuvlalektor sámegiela didaktihkas 20 % gaskaboddosaš virgi