Politiet

Bergen

<h4 class="aksel-heading aksel-heading--xsmall aksel-typo--spacing">Om stillinga</h4>
<p>Likar du å grave systematisk i ulike kjelder etter informasjon og data som blir samla inn og analyserte i ein større kontekst knytt til kriminalitetsbiletet? Ønskjer du å leie og koordinere analyseprosessar i politiet si etterretningsproduksjon på både taktisk, operasjonelt og strategisk nivå? Då er du kanskje vår nye etterretningsanalytikar (flerkildeanalytikar).</p>
<p>I Vest politidistrikt, for tida ved Felles eining for etterretning og etterforsking, Seksjon for etterretning, Avsnitt for strategisk etterretning, er det ledig ei fast stilling som seniorrådgjevar SKO 1364 eller rådgjevar SKO 1434 med funksjon som etterretningsanalytikar.Stillingskode blir avgjord ut frå kvalifikasjonar.</p>
<p>Seksjon for etterretning leier og koordinerer den overordna produksjonen av etterretning og bruken av politidistriktet sine samla innhentingsmetodar frå taktisk til strategisk nivå. Funksjonen skal vidare sikre etterleving av bestillingar frå sentrale einingar som til dømes Kripos, Politidirektoratet og Økokrim.</p>
<p>Avsnitt for strategisk etterretning skal sikre at politimeisteren har nødvendig etterretning som grunnlag for koordinert strategiutvikling og verksemdsplanlegging i politidistriktet. Vidare skal avsnittet sikre at etterretningsprodukt støttar felles situasjonsmedvit, strategi- og verksemdsstyring, og planlegging av politiet sine aktivitetar med førebygging som primærstrategi. Avsnittet har ein sentral funksjon når det gjeld å bidra til effektiv kriminalitetsbekjemping - både lokalt og nasjonalt - med særleg fokus på politiet sine prioriterte område, herunder kriminelle nettverk, tryggleikstrugande hendingar og barne- og ungdomskriminalitet.</p>
<p>Seksjonen sine etterretningsanalytikarar har ei sentral rolle i distriktet si etterretningsproduksjon. Sidan etterretningsfaget er i sterk utvikling, vil du òg medverke til utviklinga av etterretning som fagdisiplin. Du vil samarbeide tett med andre felleseiningar og tenestestader, både i eige og andre politidistrikt, samt fleire av politiet sine særorgan.</p>
<p>Vi er på jobb for eit trygt Noreg. Som ein del av politiet sitt viktige samfunnsoppdrag skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p>
<h4 class="aksel-heading aksel-heading--xsmall aksel-typo--spacing">Dette ser vi etter hos ein ny medarbeidar</h4>
<p>Vi ser etter deg som har gode analytiske ferdigheiter, formidlingsevner og er ein pådrivar for å utvikle faget i tråd med utviklingstrendar, gjeldande føringar og prioriteringar. Du tek i bruk moderne teknologi som effektiviserer analyseprosessar og verktøy som gir beslutningstakar eit godt beslutningsgrunnlag.</p>
<p>Vi søkjer ein positiv, kreativ, produktiv og initiativrik medarbeidar som trivst med høgt arbeidstempo. Du må ha særleg interesse for etterretning og analyse, og må kunne arbeide analytisk, effektivt og sjølvstendig. Funksjonen krev at du har gode samarbeidsevner og likar å jobbe i team på tvers av politiorganisasjonen. Du må vere villig til å delta på studiar, kurs og seminar som er relevante for funksjonen, noko som kan medføre reiser utanfor Bergen.</p>
<p>Som etterretningsanalytikar har du ei sentral rolle i seksjonen sitt ansvar for å formidle informasjon og etterretningsprodukt. Du må derfor trivast i formidlingsrolla, både munnleg og skriftleg, og pårekne ulike oppgåver knytte til både foredrag og faglege innlegg.</p>
<h4 class="aksel-heading aksel-heading--xsmall aksel-typo--spacing">Arbeidsoppgåver</h4>
<ul><li>Utarbeide analysar av kriminalitetsutviklinga til styring og prioritering i tråd med etterretningsdoktrinen for politiet.</li><li>Medansvar for produksjon av distriktsovergripande etterretning og analyse, og sikre ei heilskapleg styring av etterretninga.</li><li>Delta i oppdragsdialog med etterretningsleiar og innhentingsleiar.</li><li>Innhente, systematisere, analysere og vurdere informasjon frå fleire kjelder på taktisk, operasjonelt og strategisk nivå.</li><li>Utarbeide og formidle etterretningsprodukt - både munnleg og skriftleg.</li><li>Vere oppdatert på relevante samfunnsforhold og kriminalitetsutviklinga nasjonalt og internasjonalt.</li><li>Vere ein ressursperson i samfunnsvitskapleg metode og rapportbygging.</li><li>Delta i opplæring og rettleiing innan etterretningsfaget.</li><li>Andre oppgåver pålagt av overordna.</li></ul>
<h4 class="aksel-heading aksel-heading--xsmall aksel-typo--spacing">Kvalifikasjonar</h4>
<p>Dette må du ha for å vere kvalifisert:</p>
<strong>For stilling som seniorrådgjevar:</strong>
<li>Relevant mastergrad eller tilsvarande og minimum 5 års arbeidserfaring innan relevant fagfelt</li>
<strong>For stilling som rådgjevar:</strong>
<li>Relevant mastergrad, eller relevant utdanning frå høgskule/universitet på minimum bachelornivå kombinert med relevant arbeidserfaring. Relevant arbeidserfaring blir vektlagd og kan i særskilde tilfelle (minimum ti år) erstatte kravet til utdanning.</li>
<strong>Felles for begge stillingar:</strong>
<ul><li>Relevant høgare utdanning for stillinga er samfunnssikkerheit, samfunnsvitskap, tryggleik/beredskap/krisehandtering, risikostyring, kriminologi, politifag, økonomi, journalistikk o.l.</li><li>Erfaring i bruk og anvending av metode for analyse og/eller samfunnsvitskapleg metode.</li><li>God kunnskap om dataverktøy til bruk i analysar, opne kjelder, aktuelt regelverk og programvare for innhenting.</li><li>Svært god munnleg og skriftleg framstillingsevne på norsk og engelsk med evne til å formidle komplekse analysar på ein strukturert og forståeleg måte</li><li>Må kunne sikkerhetsklarerast for HEMMELEG</li><li>Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju</li></ul>
<strong>Det er òg ønskjeleg med:</strong>
<ul><li>Erfaring med produksjon av etterretningsprodukter.</li><li>Erfaring med innhenting og analyse av kompleks informasjon frå opne kjelder.</li><li>Interesse for teknologi, cyberrelaterte problemstillingar og god teknisk forståing.</li><li>Utdanning i etterretning og/eller etterretningsanalyse frå PHS, Kripos, Forsvaret eller tilsvarande.</li><li>Prosjektleiarerfaring.</li><li>Innsikt i politiet sitt oppdrag og organisasjon.</li></ul>
<h4 class="aksel-heading aksel-heading--xsmall aksel-typo--spacing">Personlege eigenskapar</h4>
<ul><li>Svært gode samarbeidsevner, med relasjonelle evner som medverkar til eit godt arbeidsmiljø.</li><li>Evne og ønskje om å bidra til fag- og metodeutvikling, og respekt for - og evne til å nytte - ulike perspektiv i arbeidet.</li><li>Evne til å arbeide strukturert og analytisk, også under tidspress.</li><li>Vere handlekraftig, initiativrik og ha god gjennomføringsevne.</li><li>Vere omstillingsdyktig og ha evne til å handtere ein tidvis hektisk arbeidshverdag.</li></ul>
<p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her (https://www.politiet.no/om-politiet/jobb-i-politiet/medarbeiderplattform/).</p>
<h4 class="aksel-heading aksel-heading--xsmall aksel-typo--spacing">Dette kan vi tilby om du vel oss</h4>
<ul><li>Ein utfordrande og spennande arbeidsplass for deg som vil vere med på å forme framtidas politi</li><li>Stillinga vert lønna som seniorrådgjevar (stillingskode 1364) med årslønn frå kr. 825.000,- eller som rådgjevar (stillingskode 1434) med årslønn frå kr 750.000,-.Vidare lønnsutvikling vil skje i henhold til hovudtariffavtalane i staten.</li><li>Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no (https://www.spk.no)</li><li>Gode arbeidsvilkår (dagtid, fleksibel arbeidstid, trening i arbeidstida)</li></ul>
<h4 class="aksel-heading aksel-heading--xsmall aksel-typo--spacing">Mangfald i politiet</h4>
<p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p>
<p>Les meir om positiv særbehandling når ein søkjer jobb i staten her (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten ).</p>
<p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>
<p>Video: https://www.youtube.com/watch?v=uUTjHmSB_Wc</p>
<h4 class="aksel-heading aksel-heading--xsmall aksel-typo--spacing">Slik søkjer du</h4>
<p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p>
<p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p>

Vert med på laget i politiet som etterretningsanalytikar!