Politiførstebetjent - Etterforsking, metode og etterretning GDE Sogn og Fjordane

Om stillinga

I Vest politidistrikt, for tida i GDE Sogn og Fjordane, har vi ledig fast stilling som politiførstebetjent med funksjon som spesialmedarbeidar. Dersom du ikkje oppfyller kompetansekrava til stilling som politiførstebetjent, kan du bli vurdert til stilling som pb3 eller pb2. Personlege eigenskapar, motivasjon, etisk og moralsk integritet og gode samarbeidsevner vil bli vektlagde.

Seksjon for etterforsking består i dag av tilsette med ansvar for Fagleiing, E-leiing / etterforsking av seksuelle overgrep, tilrettelagte avhør, DPA fagkontakt, EL-3, SARA, OVA og MVA. Utlyst stilling er i hovudsak ei vidareføring av eksisterande stilling som vart ledig sommaren 2026. Stillinga vil ha fleire ansvarsområde herunder etterforsking med særleg fokus på organisert kriminalitet og etterretningsarbeid i GDE Sogn og Fjordane.  

Stillinga er stadsplassert med oppmøtestad enten i Førde, Sogndal eller Stad.

Vi er på jobb for eit trygt Noreg. Som ein del av politiet sitt viktige samfunnsoppdrag skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter ein motivert kollega som er interessert i å møte utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi medarbeidar som opptrer profesjonelt til ei kvar tid og fungerer som god ambassadør for politiet gjennom haldningane og handlingane  i det daglege arbeidet. Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• Initiere og drifte etterforsking i straffesaker med særleg fokus på organisert kriminalitet
• Pådrivar for aktivt etterretningsarbeid i GDE Sogn og Fjordane
• Informantbehandlar 
• GDE  Sogn og Fjordane sin kontaktperson innen etterretning og etterforskingsstøtte i samhandling med FEE, seksjon for organisert kriminalitet Vest politidistrikt
• Det må påreknast reiseaktivitet i tilknytning til stillinga
• Bidra i lag med andre til kvalitetssikring av politiets etterretningssystem
• Helgevakt i turnus 
• Andre oppgåver pålagt av overordna

Kvalifikasjonar

Dette må du ha for å vere kvalifisert:

For stilling som politiførstebetjent:

• Tilfredsstille kompetansekrava for pb3 og ha arbeidd innan relevant fagfelt i minimum tre år.
• Ved annan relevant bachelor- eller mastergrad (utover politiutdanning) kan heile eller delar av kvalifikasjonskravet fråvikast.

For stilling som politibetjent 3/2:

• Tilfredsstille kompetansekrava til politibetjent 3/2.

For begge stillingane:

• Vitnemål frå Politiskolen/Politihøgskolen.
• Horizon og Axiom opplæring og bruker / villig å ta opplæring og aktivt bruke verktøyet
• God digital kompetanse innan politiets sine øvrige system og gjennomgangsløysingar
• Relevant erfaring frå taktisk etterforsking, og kjennskap til sikring og databerarar
• Godkjend  IP 4 eller villig å bli IP 4 
• Informantbehandlar eller villig til å bli informantbehandlar
• God kompetanse innan tolking og forståing av elektroniske spor
• God munnleg og skriftleg framstillingsevne på norsk
• Beherske engelsk munnleg og skriftleg
• God kjennskap til systema til politiet

Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41 Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.

Det er også ønskjeleg med:

• Vidareutdanning i etterforsking (VEF)
• Erfaring med etterforsking av straffesaker innan org.krim feltet
• Erfaring med bruk av politiets utradisjonelle metoder 
• Mercure opplæring 
   

Personlege eigenskapar

• Gode samarbeids og kommunikasjonsevner, under dette kunne arbeide tverrfagleg og i team
• Evne til å arbeide sjølvstendig, strukturert og vera løysingsorientert med god gjennomføringsevne
• Evne til å skape resultat i samhandling med andre
• Evne til å byggje relasjonar og vere ein god rettleiar og pedagog i høve til kollegaer og eksterne samarbeidspartar
• Være nysgjerrig, kreativ og innovativ i oppgåveløysinga
• Trivast med å jobbe i ein dynamisk organisasjon som endrar seg etter det teknologiske bildet og kriminalitetsbildet

Personlege eigenskapar blir vektlagd.

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ein utfordrande og spanande arbeidsplass for deg som vil vera med på å forma framtidas politi
• Eit arbeidsmiljø med engasjerte og dyktige kollegaer
• Stillinga vert lønna som 
  • Politiførstebetjent (SKO 0285) med årslønn frå: kr. 770.000,-.
  • Politibetjent 3 ( SKO 1461)  med årslønn frå kr. 657 500,- i tillegg kjem etterforskartillegg, for tida  41. 080,- pr. år 
  • Politibetjent 2 (SKO 1459)  med årslønn frå kr. 560 000,-
  • Vidare lønnsutvikling vil skje i henhold til hovudtariffavtalane i staten. 
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.