Politibetjent 3/2/1 operatør ved operasjonssentralen FOT

Om stillinga

I Vest politidistrikt, for tida ved Felles eining for operativ teneste, Seksjon for operative tenester er det ledig eit antall faste og mellombelse stillingar som politibetjent 3/2/1 med funksjon som operatør. Stillingane inneber turnusteneste.

Felles eining for operativ teneste er ei funksjonell driftseining i Vest politidistrikt. Eininga er organisert i Seksjon for operative tenester, Seksjon for operative spesialfunksjonar, Seksjon for arrest og framstilling, Seksjon for samfunnssikkerheit og beredskapskoordinering og Seksjon for felles tenestekontor.

Dei tilsette ved eininga har både politifagleg og sivil bakgrunn. Eininga har det overordna faglege ansvaret for politiet sine operative gjeremål i heile distriktet. Seksjon for operative tenester har fire avsnitt, tre for operasjonssentralen og eit avsnitt for fag og metode. På operasjonssentralen er det tre team på kvart avsnitt og kvart team har følgjande samansetjing: ein operasjonsleiar, ein oppdragsleiar og eit antal operatørar.

Operasjonssentralen har eit hektisk miljø med fokus på fagleg utvikling og gode relasjonar på teama.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter deg som evnar å prioritere, halde fokus og ta gode avgjerder under press. Du kommuniserer tydeleg, byggjer tillit og samarbeider godt med andre, samtidig som du arbeider sjølvstendig når situasjonen krev det. Du er løysingsorientert, har gode sosiale ferdigheiter og bidreg aktivt til eit godt arbeidsmiljø. 

Vi søkjer medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane og handlingane sine i det daglege arbeidet. Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

Personleg eignaheit, motivasjon og potensial for utvikling vil vere avgjerande.

Arbeidsoppgåver

• Svara på alle førespurnader til operasjonssentralen samt koordinere og gjennomføre oppdrag under leiing av oppdragsleiar og operasjonsleiar
• Delta aktivt i operasjonssentralen sine arbeidsoppgåver
• Arbeid i samsvar med styrande dokument og planverk
• Motta og formidle oppdrag, samt føre operative meldingar i politiets system
• Døgnbasert naudmeldeteneste (112) og handsame alarm- og overvakingsanlegg
• Bidra til å setje i verk naudsynt straksetterforsking
• Andre oppgåver pålagt av overordna

Kvalifikasjonar

Dette må du ha for å vere kvalifisert:

• Vitnemål fra Politiskulen/Politihøgskulen
• Gode IT- og systemkunnskapar, herunder politidistriktet sitt plan- og instruksverk
• God munnleg og skriftleg framføring
• Tilfredsstille dei generelle kompetansekrava for politibetjent 3 eller politibetjent 2
• Må kunne sikkerheitsklarerast og autoriserast for HEMMELEG

Du må ha plettfri vandel og være skikka for teneste i politiet og politiattest (uttømande og utvida) må innhentast ved ev. ansettelse jfr. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.
 

Ønskjelege kvalifikasjoner som vert vektlagt:

• Minst 2 års erfaring frå polititjeneste
• Erfaring frå ordensteneste og etterforsking
• Erfaring frå operasjonssentral
   

Personlege eigenskapar

• Evne til å prioritere, halde fokus, meistre stress og handtere pressa situasjonar
• Gode kommunikasjonsevner og god på å byggje relasjonar
• Evne til å arbeide sjølvstendig, samt å arbeide godt i team, og vere løysingsorientert
• Gode sosiale evner som fremjar trivsel og eit godt arbeidsmiljø
• Personleg egnethet, potensiale og motivasjon for stillinga vil bli tungt vektlagt

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ein utfordrande og spennande arbeidsplass for deg som vil vere med å forme politiet for framtida
• Stillinga blir lønna som politibetjent 3/2/1 - SKO 1461/1459/1457:
   - Politibetjent 3 - brutto årslønn på frå kr. 657 500,- i tillegg kjem operatør tillegg, for tida  41. 080,- pr. år 
   - Politibetjent 2 - brutto årslønn på frå kr. 560 000,-
   - Politibetjent 1 - brutto årslønn på frå kr. 530 000,-
  Vidare lønnsutvikling vil skje i henhold til hovudtariffavtalane i staten. 
• Grunnopplæring som operatør i operasjonssentralen og innføringsperiode
• Oppnormering/omgjering til Pb2 og Pb3 skjer i samsvar med gjeldande kompetansekriterier for Pb2 og Pb3
• Medlemskap i Statens pensjonskasse, med mellom anna gode pensjons- og forsikringsordninger (www.spk.no)
• Bedriftshelseteneste

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.