Politiet

Florø

Spørsmål om elektronisk søknad/ CV

Seksjon for HR

Synnøve Domben

Tjenestestedsleder Florø og Bremanger

<h2>Om stillinga</h2><p>I geografisk driftseining Sogn og Fjordane, tenesteeining Sunnfjord, er det ledig vikariat som fyrstekonsulent med dagleg oppmøte ved Florø politistasjon.</p><p>Stillinga inngår i eit team som handterer publikumsekspedisjon og pass/id i Florø.</p><p>Vest politidistrikt er i kontinuerleg utvikling, og du må pårekna endring av arbeidsoppgåver. Det inneber også i større grad å skulle ta del i felles funksjonar for heile politidistriktet. I dag bidreg teamet i Sunnfjord inn i heilskapen i Vest på fleire arbeidsfelt, bla. politiet sitt kontaktsenter 02800.</p><p>Framover vil også den digitale utviklinga med forenkling og nye digitale verktøy påverka arbeidskvardagen vår.</p><p>Sunnfjord politistasjonsdistrikt består av Florø, Bremanger, Førde, Gloppen, Høyanger og Fjaler. Hovudkontoret i Sunnfjord er i Førde.</p><p>I Sunnfjord er vi om lag 60 tilsette som er på jobb for å yte best mogeleg service for tett opp under 50 000 innbyggjarar. Vi ynskjer å vera i forkant av kriminaliteten, og samarbeider tett med kommune, frivillige organisasjonar og næringsliv. Vi utsteder pass og id-kort til alle i Sunnfjord, i tillegg til andre enkle forvaltningsgjeremål.</p><p>Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.</p><br /><h2>Dette ser vi etter hos ein ny medarbeidar</h2><p>Arbeidsdagen vår er variert og hektisk, der det er behov for å snu seg rundt på kort varsel. Vi ynskjer deg som er eit fleksibelt ja-menneske, som tek ansvar og jobbar godt åleine eller i lag med andre. Du er vårt andlet utover og møter menneske med smil, god service og respekt. Du bidreg til endring og utvikling, er positiv og nysgjerrig til nye arbeidsoppgåver.</p><p>Høyres dette interessant ut? Då er det nettopp deg vi treng på laget vårt i Florø.</p><br /><h2>Arbeidsoppgåver</h2><ul><li>Sakshandsaming pass og ID-kort</li><li>Utføre grense og territorialkontroll (GTK)</li><li>Publikumsekspedering i skranke og på telefon</li><li>Posthandtering fysisk og elektronisk</li><li>Forkynningar i sivile- og strafferettslege saker</li><li>Enkle forvaltningsoppgåver knytt til hittegods, våpenforvalting, køyresetlar, tapsmeldingar, osv.</li><li>Merkantile oppgåver som enkel rekneskapsføring, arkiv, varebestillingar</li><li>Registrering av elektroniske anmeldelser, og andre støtteoppgåver til politi</li><li>Ta del i andre naturlege arbeidsfelt for Vest politidistrikt alt etter behov, t.d. kontaktsenteret 02800</li><li>Andre oppgåver pålagd av leiar</li></ul><br /><h2>Kvalifikasjonar</h2><p>Dette må du ha for å vere kvalifisert:</p><ul><li>3 årig vidaregåande skule eller fagbrev innan fagfeltet</li><li>God system- og IT-kompetanse</li><li>God munnleg og skriftleg framføring på norsk og engelsk</li><li>Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.</li></ul><p>Det er også ønskjeleg med:</p><ul><li>Relevant utdanning på høgskule- eller universitetsnivå vil bli vektlagt</li><li>Relevant arbeidserfaring vil bli vektlagt</li></ul><br /><h2>Personlege eigenskapar</h2><ul><li>Du tek ansvar, er fleksibel og løysingsorientert</li><li>Du jobbar godt åleine, eller i lag med andre</li><li>Du er nøyaktig og effektiv</li><li>Du er serviceinnstilt og trivst i arbeid med menneske</li><li>Du taklar høgt arbeidspress der det skjer mange ting på ein gong</li></ul><p>Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen <a href="https://www.politiet.no/om-politiet/jobb-i-politiet/medarbeiderplattform/" rel="nofollow">her</a>.</p><br /><h2>Dette kan vi tilby om du vel oss</h2><ul><li>Ein utfordrande og spennande arbeidsplass for deg som vil vera med på samfunnsoppdraget vårt</li><li>Stillinga vert lønna som fyrstekonsulent (stillingskode 1408) med årslønn frå kr. 485 000,-. Vidare lønnsutvikling vil skje i henhold til hovudtariffavtalane i staten</li><li>Medlemskap i Statens pensjonskasse, med mellom anna gode pensjons- og forsikringsordningar. Les meir på <a href="https://www.spk.no" rel="nofollow">www.spk.no</a> </li></ul><br /><h2>Mangfald i politiet</h2><p>Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.</p><p>Les meir om positiv særbehandling når ein søkjer jobb i staten <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">her</a>. </p><p>Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.</p>Video: <a href="https://www.youtube.com/watch?v&#61;uUTjHmSB_Wc" rel="nofollow">https://www.youtube.com/watch?v&#61;uUTjHmSB_Wc</a><h2>Slik søkjer du</h2><p>Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.</p><p>Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.</p><br />

Fyrstekonsulent