Samfunnsutvikling
Om avdelinga:
På Eining plan er vi 17 engasjerte medarbeidarar med brei fagleg kompetanse. Vi arbeider med planlegging frå overordna nivå til detaljregulering etter plan- og bygningslova. Eininga har òg ansvar for geodata, GIS og geografiske analysar, og har ei sentral rolle i utviklinga av digitale kartløysingar i kommunen.
Vi arbeider aktivt med å ta i bruk GIS og geografisk informasjon for å effektivisere arbeidsprosessar, styrkje kunnskapsgrunnlaget og gjere informasjon meir tilgjengeleg både internt og for innbyggjarane. Kommunen nyttar Esri sin ArcGIS-plattform og har over tid utvikla ei rekkje digitale kartløysingar for ulike fagområde og brukargrupper.
Vi ønskjer å vidareutvikle dette arbeidet og søker derfor ein GIS-rådgjevar som kan styrkje GIS-teamet vårt. Du vil få arbeide både med den daglege GIS-forvaltninga og med utvikling av nye løysingar og arbeidsmetodar. Arbeidet skjer tett saman med GIS-koordinator og fagmiljø på tvers av organisasjonen.
Eininga har i stor grad ei samordnande rolle og arbeider tverrfagleg med andre einingar og avdelingar i kommunen. Vi samarbeider òg med regionale og nasjonale fagmiljø, offentlege verksemder og andre samarbeidspartar.
Arbeidsoppgåver:
- Ta del i kommunen sitt GIS-team
- Bidra i forvaltning, drift og vidareutvikling av kommunen sine GIS-løysingar
- Produsere temakart, geografiske analysar og visualiseringar for ulike fagområde i organisasjonen
- Forvalte og kvalitetssikre geodata og kartbasar i samarbeid med dei ulike fagområda som eig og ajourfører data.
- Etablere og vidareutvikle webkart, appar, dashboard og andre digitale kartløysingar
- Yte fagleg og teknisk brukarstøtte til kommunen sine GIS-brukarar
- Bidra til utvikling og effektivisering av arbeidsprosessar ved bruk av GIS
- Samarbeide med interne fagmiljø, leverandørar og regionale/nasjonale geodatasamarbeid
Arbeidsoppgåvene kan verte justerte og vidareutvikla ut frå søkjaren sin kompetanse og kommunen sine behov.
Kvalifikasjonar:
Må ha:
- Relevant høgare utdanning på minimum bachelornivå innan geomatikk, GIS, geoinformatikk, geografi eller tilsvarande fagområde.
- Erfaring med GIS-verktøy og geodataforvaltning.
- Erfaring med kartproduksjon, geografiske analysar og forvaltning av geodata.
- Kunnskap om Esri-programvare, spesifikt ArcGIS Pro og ArcGIS Online.
- God digital kompetanse og evne til å ta i bruk nye verktøy og arbeidsmetodar.
- Gode norskkunnskapar, både munnleg og skriftleg
Relevant og dokumentert arbeidserfaring kan i særlege tilfelle kompensere for delar av utdanningskravet.
Det er ønskjeleg med:
- Erfaring med GISLINE
- Erfaring frå kommunal sektor eller anna offentleg forvaltning
- Kjennskap til FKB, DOK, matrikkel, planregister eller andre nasjonale geodataordningar
- Erfaring med databasar og SQL
- Erfaring med Python, FME eller andre verktøy for automatisering
- Erfaring med integrasjon mellom GIS og andre fagsystem
Eigenskapar:
Vi ser etter deg som:
- Er ein god relasjonsbyggjar som evnar å skape tillit og samarbeid
- Er initiativrik, sjølvstendig og gjennomføringssterk.
- Evnar å setja seg inn i nye oppgåver og vera løysingsorientert
- Er serviceorientert og oppteken av å hjelpe brukarar
- Tek ansvar og bidreg aktivt i fagmiljøet
Dei formelle krava til utdanning og erfaring må dokumenterast med vitnemål og attestar. Dokumentasjonen skal lastast opp i søkjarportalen innan søknadsfrist.
Vi tilbyr:
- Gode pensjons- og forsikringsordningar
- Motiverte og kunnskapsrike kollegaer
- Interessante utfordringar
- Høve til fagleg og personleg utvikling
Kontakt
Einingsleiar plan
Lena Svalastog Garnes
Epost: lena.garnes@oygarden.kommune.no
Telefon: 56 16 01 88
Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.
Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.
Link til søknadsskjema: Søk her