Ntl Departementenes Digitaliseringsorganisasjon

Oslo

Mathilde Ter Jun

Seksjonssjef

Ingri Bruvoll

rekrutteringsrådgiver

<h2>Om stillinga</h2>DIO står midt i ei av dei mest spennande utviklingsreisene i offentleg sektor. Gjennom satsinga «Neste DIO» vidareutviklar vi organisasjonen, arbeidsformene og leiarrollene slik at vi endå betre kan støtte departementsfellesskapet i å ta i bruk teknologi for å løyse stadig meir komplekse samfunnsutfordringar på nye måtar. Samtidig gjennomfører vi fleire store digitaliserings- og omstillingsinitiativ, mellom anna ny felles IKT-plattform, nye fellestenester og vidareutvikling av den digitale samhandlinga i departementsfellesskapet.Vi søkjer ein senior organisasjonsutviklar med strategisk gjennomslagskraft. Du vil få ei sentral rolle i å omsetje strategi til praksis, utvikle menneske og organisasjon, og bidra til at DIO lukkast som éi samla og framtidsretta verksemd. Du blir DIO sin fremste fagressurs innan organisasjonsutvikling, endringsleiing og utvikling av organisasjonen sine kapasitetar, og du vil arbeide tett med leiarar og fagmiljø på tvers av verksemda.Dette er ei rolle for deg som trivst med kompleksitet, blir motivert av endring og ønskjer å skape verdi i ein organisasjon med eit viktig samfunnsoppdrag.Arbeidsoppgaver:<ul><li>Ansvar for å drive og fasilitere strategiske organisasjonsutviklings- og endringsprosessar på tvers i DIO.</li><li>Planleggje og gjennomføre tiltak innan leiarutvikling, kompetanseutvikling og utvikling av kultur og tankesett.</li><li>Samle innsikt om organisatoriske utfordringar og omsetje denne til konkrete forbetringstiltak.</li><li>Forankre og utarbeide avgjerdsgrunnlag og strategiske tilrådingar til toppleiinga.</li><li>Utvikle DIO si endringskapasitet gjennom metodikk, prosessleiing og leiarstøtte.</li><li>Sikre god involvering i samarbeid med kommunikasjonseininga og god forankring i større utviklings- og omstillingsprosessar.</li><li>Delta i og leie tverrfaglege utviklingsprosjekt knytte til verksemdsutviklingog transformasjon.</li><li>Vere ein pådrivar for å byggje organisatoriske kapasitetar slik at vi når ønskt modenheitsnivå.</li></ul>Arbeidsoppgåvene og rolla vil utvikle seg over tid i tråd med motivasjonen din, kompetansen din og behova i DIO og departementsfellesskapet. <h2>Vi ser etter deg som:</h2><ul><li>har høgare utdanning på masternivå innan HR, organisasjonspsykologi, leiing eller tilsvarande relevant fagområde. Relevant erfaring kan kompensere for utdanningskravet.</li><li>har solid erfaring med organisasjonsutvikling, transformasjon og endringsleiing i komplekseorganisasjonar.</li><li>har dokumentert erfaring med å leie utviklingsprosessar som skapar varige organisatoriske endringar.</li><li>har erfaring som prosessleiar.</li><li>har god forståing for samspelet mellom strategi, organisering, kultur, kompetanse og leiing.</li><li>har gode formidlingsevner, både skriftleg og munnleg på norsk.</li></ul>Det er ein fordel om du også har:<ul><li>erfaring med digitalt modenheitsarbeid og større omstillingsprosessar</li><li>erfaring med smidige arbeidsformer</li><li>erfaring frå IT-, teknologi- eller digitaliseringsverksemder</li><li>erfaring frå offentleg sektor</li></ul>Utdanning og erfaring må dokumenterast med CV, vitnemål og attestar. For å lukkast og trivast i DIO og i stillinga må du:<ul><li>trivast med å skape framdrift i omgjevnader prega av høgt tempo og mange parallelle utviklingsløp</li><li>kommunisere tydeleg og byggje tillit på tvers av organisatoriske nivå</li><li>ta initiativ og drive prosessar framover</li><li>vere analytisk og sjå samanhengar på tvers av organisasjonen og i eit økosystem av kundar og samarbeidspartnarar</li><li>arbeide strukturert og ha sterk gjennomføringsevne</li><li>samarbeide godt med ulikeinteressentarog skape oppslutning om endring</li><li>vere trygg i eiga rolle, stå støtt og bidra konstruktivt i krevjande utviklings- og endringsprosessar</li></ul>Personleg eignaheit vil bli tillagd stor vekt. <h2>Gode grunnar til å velje DIO</h2><ul><li>Tett på avgjerdene: I DIO arbeider vi med tenester og løysingar som er viktige for at regjeringsapparatet skal fungere.</li><li>Fleksibilitet og balanse: Trening i arbeidstida og eit variert fagleg og sosialt tilbod. Fleksibel arbeidstid og sommartid.</li><li>Ein jobb med meining: Tenestene våre blir brukte av tusenvis av tilsette i departementa og ved utanriksstasjonane.</li><li>Mogleheiter for utvikling: Du får ei nøkkelrolle i utviklinga av ei nyetablert verksemd med store ambisjonar.</li><li>Eit sterkt fagmiljø: DIO består av dyktige fagfolk innan digitalisering, teknologi, tryggleik og forvaltning.</li><li>Sentral plassering: DIOs hovudkontor ligg i tilknyting til Oslo sentralstasjon.</li></ul>Les meir om kven vi er og korleis vi arbeider på <a href="https://www.dio.dep.no/" rel="nofollow">dio.dep.no.</a> <h2>VIKTIG informasjon</h2>Stillinga blir lønt som seniorrådgjevar eller spesialrådgjevar innanfor følgjande lønsspenn:<ul><li>(Stillingskode 1364/1220): kr 850 000 til kr 1 100 000, avhengig av kvalifikasjonar og erfaring.</li></ul>For særleg godt kvalifiserte søkjarar kan noko høgare løn vurderast.DIO er underlagt tryggingslova.Tilsetjing krev at søkjaren blir autorisert for nivå BEGRENSET etter tryggingslova innan tiltreding.For meir informasjon om autorisasjon, sjå nettsidene til NSM: https://nsm.no/fagomrader/personellsikkerhet/sikkerhetsklarering/autorisasjon/I samsvar medoffentleglova§ 25 kan opplysningar om deg som søkjar bli gjordeoffentlege, sjølv om du ber om unntak frå søkjarlista. <h2>Mangfald og inkludering</h2>Som ein ansvarleg og raus pådrivar for positiv endring ønskjer DIO medarbeidarar med ulik bakgrunn, kompetanse og erfaring. Vi meiner at mangfald styrkjer kvaliteten på tenestene vi leverer, og måten vi arbeider på.Dersom det finst kvalifiserte søkjarar med funksjonsnedsetjing, hol i CV-en eller innvandrarbakgrunn, vil vi kalle inn minst éin søkjar frå kvar av desse gruppene til intervju.

Seniorrådgiver/spesialrådgiver HR organisasjonsutvikling