Norsk Polarinstitutt

Ny-Ålesund

Vidar Arnesen

seksjonsleder

Einar Eliassen Berntsen

logistikkleiar, NP Longyearbyen

<h2>Om stillinga</h2><p>Vi har ledig ei 100 % åremålsstilling som logistikkleiar ved Norsk Polarinstitutt si forskingsstasjon i Ny-Ålesund for ein periode på tre år. </p><p>Stillinga høyrer til seksjonen i Ny-Ålesund under Avdeling for operasjon og logistikk. Avdelinga har ansvar for å planleggje, koordinere og gjennomføre Norsk Polarinstitutt sine operasjonar i Arktis og Antarktis, og for å sikre trygg og effektiv logistikk til støtte for forsking og miljøovervaking. Seksjonen har det operative ansvaret for drift og utvikling av instituttet si verksemd i Ny-Ålesund, og samarbeider tett med forskarar, teknisk personell og partnarar i forskingssamfunnet.</p> <p>Norsk Polarinstitutt er Noregs sentrale institusjon for forsking, miljøovervaking og kartlegging i polarområda, og har eit særleg ansvar for å leggje til rette for forsking i Arktis. I Ny-Ålesund driv instituttet forskingsstasjon og felles infrastruktur som gjer det mogleg for norske og internasjonale forskarar å gjennomføre feltarbeid under krevjande arktiske forhold.</p><p>Som logistikkleiar vil du vere ein nøkkelperson i dette arbeidet. Du bidreg til at forskinga går føre seg trygt og effektivt gjennom god planlegging, koordinering og samarbeid med tekniske ressursar og støttefunksjonar. Kvardagen i Ny-Ålesund vekslar mellom det eventyrlege og det krevjande – og du spelar ei sentral rolle i å sikre at instituttet kan utføre sitt samfunnsoppdrag i nordområda.</p><br /><h2>Arbeidsoppgåver</h2><p>Som logistikkleiar vil du bidra til å gje forskarane best mogleg praktisk støtte. Du vil delta i det praktiske arbeidet med å førebu og gjennomføre Norsk Polarinstitutt si feltverksemd i og rundt Ny-Ålesund, samt ta del i den daglege drifta.</p><p>Arbeidsoppgåvene vil i hovudsak vere:</p><ul><li>planlegge og leia logistikkarbeide</li><li>klargjering, utlevering og opplæring i bruk av feltmateriell</li><li>lagerkontroll og vedlikehald av alle typar feltutstyr</li><li>innkjøp av materiell for drifts- og logistikkformål for seksjonen</li><li>budsjettansvar og ansvar for administrative oppgåver i DFØ</li><li>fakturering av logistikktjenster</li><li>saksbehandling for felt og tokt, bl.a. dispensasjonssøknader til Sjøfartsdirektoratet</li><li>inngå som beredskapsvakt når vi har forskarar i felt</li><li>båtførar for stor Polarcirkel </li><li>støtte til forskingsprosjekt før åtkomst Ny-Ålesund og ifm. feltarbeid</li></ul><p>Stillinga inneber feltarbeid og noko reiseverksemd.</p><br /><h2>Kvalifikasjonar</h2><p>For stillinga krevst:</p><ul><li>ingeniørutdanning på minimum bachelornivå. Teknisk fagskole og omfattande arbeidserfaring frå det aktuelle fagområdet kan i spesielle tilfelle vega opp for utdanningskravet.</li><li>relevant erfaring frå feltarbeid </li><li>gyldig førarkort for bil </li><li>gyldig sertifisering for føring av båt etter 12-pax forskrifta i europeisk farvatn: D5LA sertifikat og  ROC-radio sertifikat </li><li>gode dataferdigheitar for bruk av vanlege merkantile system i staten</li><li>godkjent sjømannsattest</li><li>gode skriftlege og munnlege språkkunnskapar både på norsk/annet skandinavisk språk og på engelsk.</li></ul><p>Det er ein fordel om du har: </p><ul><li>D6 sertifikat</li><li>gyldig truckførarbevis</li><li>gyldig sertifisering: STCW Grunnleggande sikkerheitsopplæring og STCW Passasjer- og krisehandtering,  </li><li>erfaring frå feltarbeid og bruk av snøscooter, med god kompetanse på feltsikkerheit og våpenhandtering, særleg frå arbeid på Svalbard</li><li>gjennomført breredningskurs og praktisk erfaring frå redningsoperasjonar på bre</li><li>kunnskap om vurdering av skredfare i tråd med gjeldande standardar</li><li>erfaring med ferdsel i bratt terreng og deltaking i redningsarbeid etter snøskred</li><li>kunnskap om nordområda og norske interesser</li></ul><p>Ny-Ålesund er eit lite og tett samfunn med mange ulike menneske. Når vi skal velje vår neste kollega, legg vi stor vekt på personlege eigenskapar. Du må vere sjølvstendig, effektiv og ansvarsfull, med gode samarbeidsevner og høgt fokus på tryggleik. Arbeidet krev at du er løysingsorientert, fleksibel, allsidig og kreativ, og at du arbeider ryddig og strukturert – også når noko uventa skjer. Vi legg vekt på nøyaktigheit, initiativ og ei positiv og tenestevillig haldning. Du må trivast i eit lite samfunn med tett samarbeid, og bidra til eit godt og inkluderande arbeidsmiljø.</p><p>Arbeidsforholda i Arktis kan vere krevjande, og stillinga føreset god fysisk form og helse. Du må difor bestå helsesjekk etter Norsk Polarinstitutt sine retningsliner.</p><p>Den som ansettes kunne autoriseres til BEGRENSET. For mer informasjon, for mer informasjon se S<a href="https://sivilklareringsmyndighet.no/for-virksomheter/autorisasjon/" rel="nofollow">ivil klareringsmyndighet</a> </p><br /><h2>Vi tilbyr</h2><ul><li>åremålsstilling i eit unikt samfunn.</li><li>interessante og spanande arbeidsoppgåver i eit internasjonalt miljø.</li><li>polartillegg, p.t. kr 5.58,00 per månad.</li><li>svalbardskatt, p.t. 15,6%.</li><li>dekt losji og kost med mat i messe (fordelsskatting).</li><li>dekning av reiser til/frå det norske fastlandet i samband med tiltreding, samt to feriereiser i året, i tråd med gjeldande vilkår (fordelsskatting).</li><li>gode pensjons- og forsikringsordningar gjennom Statens pensjonskasse (SPK.no)</li></ul><p>Stillinga blir lønna etter statens regulativ i kode 1085 avdelingsingeniør. For særleg godt kvalifiserte søkjarar kan løn i kode 1087 overingeniør vurderast. Frå bruttoløna blir det trekt 2 % pliktig innskot til Statens pensjonskasse. </p><p>Mangfald er viktig for oss. Om du er kvalifisert for stillinga, er du velkommen som søkar uansett kjønn, alder, kulturell bakgrunn, nedsett funksjonsevne eller hol i CV-en. Vi oppfordrar kvinner til å søke.</p><p>Det er spesielle helsekrav til denne stillinga, blant anna fordi jobben skal utførast under litt unormale forhold. Det gjer at moglegheitene våre for tilrettelegging av arbeidsplassen kan vera vanskeleg, men vi vurderer det alltid. </p><p>Ver merksam på at det er ikkje er høve til å ha familie busett i Ny-Ålesund.</p><br /><h2>Søknaden</h2><p>Søknad med relevante kvalifikasjonar og erfaring, CV, kopi av sertifikat, vitnemål og attestar, namn på minst tre referansar og vedlegg må registrerast i Jobbnorge.</p><p>For å sikre ein god rekrutteringsprosess samarbeider vi med Semac (www.semac.no) om elektronisk referansesjekk og bakgrunnssjekk. Det er med på å sikra at vi rekrutterer rett kompetanse og bidrar til ei rettvis evaluering av søkarane. Bakgrunnssjekken består ofte av verifisering av oppgitte opplysningar i søknad, CV, vitnemål, osv.</p><p>All informasjon blir behandla konfidensielt fram til søknadsfristen går ut. Instituttet utarbeider så ei offentleg søkarliste. Søkarar som ikkje ønskjer å stå på lista, må grunngje dette særskilt i søknaden. Etter offentleglova kan opplysningar om søkaren gjerast offentlege sjølv om søkaren har bedt om å ikkje bli ført opp på søkarlista, jf. offentleglova § 25, andre leddet.</p><p><strong>Vi ønskjer ikkje kontakt med annonseseljarar.</strong></p><br />

Logistikkleiar