NAV Stord (regionkontor Sunnhordaland)

Stord

Helga Strømme

Avdelingsleiar

Kenneth Magnussen

Metoderettleiar

<p>Blir du motivert av å jobbe med menneske? Har du tru på at alle kan få ordinært arbeid og ønsker du å bidra slik at fleire kan lukkast med arbeid eller utdanning?<br /><br />Nav Stord har ledig stilling som jobbspesialist i tiltaket Arbeid med støtte i region Sunnhordland. Vi ser etter ein initiativrik og fleksibel lagspelar som byggjer gode relasjonar og deler kompetanse. Du arbeider sjølvstendig og strukturert, prioriterer godt og finn kreative løysingar som gir god framdrift og gjennomføring.<br /><br />Som jobbspesialist arbeider du etter Supported Employment (SE), ei metodisk tilnærming tilpassa personar med omfattande og samansette støttebehov, der målet er å hjelpe deltakarane i tiltaket med å få- og behalde arbeid i ei ordinær verksemd. Å vere jobbspesialist betyr at du gir tett og individuelt tilpassa oppfølging av arbeidssøkarar, og skapar moglegheiter for den enkelte saman med arbeidsgivarar, utdanningsinstitusjonar og andre samarbeidspartar.</p><p>Teamet i dag består av fem teammedlemmar, derav fire er jobbspesialistar og ein er metoderettleiar. Ein sentral del av kvardagen til AMS-teamet i region Sunnhordland er å arbeide saman om problemløysing, saksdrøfting og øvrig samhandling knytt til det å løyse enkeltsaker og å få folk i arbeid. Denne tette samhandlinga fører til at det er svært viktig at nye medlem av teamet innehar ferdigheiter innan samskaping, det å vere ein lagspelar og ein som bidreg til høg takhøgde og at andre i teamet lukkast med sin jobb. </p><p>Du vil ha oppfølging av deltakarar frå heile regionen, noko som omfattar kommunane; Stord, Bømlo, Fitjar, Tysnes, Kvinnherad og Sveio. Stillinga er ledig frå 01.09.26 og arbeidstaden er Nav Stord. <br /><br />I søknadsteksten ber vi deg seie noko om kva som motiverer deg til å søke på stillinga. </p><br />
<h3>Kva går jobben ut på?</h3><ul><li>individuelt tilpassa oppfølging av arbeidssøkarar med mål om ordinært arbeid eller utdanning</li><li>identifisere arbeidssøkar sine interesser, sterke sider og ferdigheiter, og korleis desse kan koplast til aktuelle jobbar</li><li>saman med arbeidssøkar legge ein plan for jobb eller studiar etter deltakar sine mål og ønsker</li><li>oppsøke bedrifter, skape dialog med arbeidsgjevarar og bygge nettverk i regionalt og lokalt næringsliv</li><li>engasjere og motivere både jobbsøkarar og arbeidsgivarar</li><li>dokumentere arbeidet i Nav sine fagsystem</li></ul><h3>Kva kompetanse er viktig i denne rolla?</h3><p><strong>Du må ha</strong></p><ul><li>fullført utdanning på minimum bachelornivå frå høgskule eller universitet. Relevant erfaring og/eller utdanning kan kompensere for utdanningskravet.</li><li>god munnleg og skriftleg framstillingsevne på norsk</li><li>erfaring med relasjonsarbeid eller rettleiing</li><li>førarkort klasse B</li></ul><p><strong>Det er ein fordel om du har</strong></p><ul><li>god kunnskap om arbeidsmarknaden i Sunnhordland</li><li>erfaring frå det å gjennomføre oppsøkande kundekontakt og nettverksbygging på ein god måte</li></ul><h3>Kva ser vi etter hos deg?</h3><ul><li>du er initiativrik, fleksibel og byggjer tillit og gode relasjonar til andre menneske</li><li>du arbeider sjølvstendig, strukturert og med evne til å prioritere</li><li>du er kreativ og løysingsorientert med fokus på framdrift og gjennomføring</li><li>du er ein lagspelar som deler kompetanse og er oppteken av å lukkast i fellesskap</li></ul><h3>Vi tilbyr</h3><ul><li>ein spennande jobb i eit godt arbeidsmiljø, prega av høg kompetanse og engasjerte medarbeidarar</li><li>store moglegheiter for fagleg- og personleg utvikling</li><li>opplæring i mellom anna Supported Employment og prinsippa for inkluderingskompetanse</li><li>statleg tilsetting i stillingskode 1434 rådgivar med lønsspenn frå kr. 639 000 til kr. 660 000 pr. år. For særleg kvalifiserte søkarar kan noko høgare løn vurderast.</li><li>velferdsgode som fleksibel arbeidstid, og moglegheit for trening i arbeidstida</li><li>god pensjonsordning, låneordning og forsikringar gjennom Statens pensjonskasse</li></ul><p><a href="https://www.nav.no/sok-jobb-i-nav#ansattgoder" rel="nofollow">https://www.nav.no/sok-jobb-i-nav#ansattgoder</a><br /></p><h3>Kontaktinformasjon</h3>Kenneth Magnussen, Metoderettleiar, 975 11 362<br />
Helga Strømme, Avdelingsleiar, 402 07 709<br />
<h3>Arbeidsstad</h3>Bandadalsplassen 5<br />
5417 Stord<br />
<h3>Nøkkelinformasjon:</h3>Arbeidsgivar: Nav<br />
<br />
Referansenr.: 5144107447<br />
Stillingsprosent: 100%<br />
Fast<br />
Startdato: 01.09.2026<br />
Søknadsfrist: 10.08.2026<br />
<br />


Jobbspesialist