Personleg trenar Ørsta

Vil du jobbe med det du brenn for, med Sunnmørsalpane som næraste nabo? Vi søkjer engasjerte personlege trenarar til MOVA Ørsta, både i heil- og deltidsstillingar. Du kan vere nyutdanna eller erfaren, og du kan ønskje full PT-karriere eller kombinere jobben med studium, idrett eller anna arbeid. Uansett vil vi gjerne høyre frå deg.

Som PT i MOVA blir du ikkje overlaten til deg sjølv. Du får tett oppfølging frå erfarne coachar, ei grundig onboarding og eit system som er prøvd ut over tid. Det gir deg eit godt grunnlag for å byggje ein kundeportefølje du kan leve av.

Vi tilset også PT-ar som er under utdanning, i traineestilling. Her kan du utvikle deg og jobbe som PT medan du tek utdanninga di.

Vi har to senter midt i Ørsta sentrum, begge med ope frå kl. 05 til 23 alle dagar, 365 dagar i året:

• MOVA Ørsta Strandgata er det bemanna flaggskipet vårt, med gruppetimar, instruktørar og bemanna resepsjon måndag til fredag. Det er her du som PT får hovudbasen din.

• MOVA Ørsta Holmegata er eit sjølvbetent senter på 800 m² med moderne utstyr for styrke- og kondisjonstrening og gratis parkering, berre nokre steg unna Strandgata.

Alle nye medlemmer får ein gratis introtime med PT. Det betyr at du møter nye potensielle kundar frå første dag.

Ørsta ligg omgitt av Sunnmørsalpane og har eit sterkt idretts- og friluftsmiljø, og med Høgskulen i Volda like ved er det også mange studentar i området. Hos oss trenar alt frå idrettsutøvarar og toppturentusiastar til studentar og folk som er heilt nye på treningssenter. Det gir deg eit variert kundegrunnlag og mange spennande oppdrag.

MOVA har som mål å inspirere til ein sunnare og meir aktiv livsstil. Vi vil senke terskelen for trening og leggje til rette for meistring uansett alder, bakgrunn eller nivå. Sentera våre skal vere sosiale møteplassar der medlemmene kjenner at dei høyrer til, ikkje berre stader å trene. MOVA har i dag over 90 trenings- og behandlingssenter og er i stadig vekst. Det gir deg gode moglegheiter til å utvikle deg vidare i selskapet.

• Gjennomføre introtimar og oppstartssamtalar, og kartleggje behova og måla til kunden

• Lage individuelle treningsprogram

• Planleggje og gjennomføre PT-timar

• Byggje og utvikle din eigen kundeportefølje

• Selje PT-timar, tenester og produkt

• Gi kosthaldsrettleiing

• Bidra positivt i teamet og jobbe mot felles mål

• Minimum eitt års relevant utdanning (tilsvarande 60 studiepoeng) innan trening, helse eller idrett.

• Gode kommunikasjonsevner og evne til å motivere andre

• Du snakkar og skriv godt norsk

• Du er strukturert, sjølvstendig og målretta

• Du er utadvend og trivst med sal og relasjonsbygging

• Du brenn for trening og for å hjelpe andre å nå måla sine

• Du er ein lagspelar som bidreg til eit godt arbeidsmiljø

• Heil- eller deltidsstilling etter ønske og behov

• Konkurransedyktige vilkår

• Tett oppfølging, onboarding og fagleg utvikling gjennom kompetansesystemet til MOVA

• Eit lite og sterkt team i eit inkluderande miljø

• Gode moglegheiter for personleg og profesjonell vekst i ei kjede i vekst

• Fri trening på MOVA-sentera

Send søknad og CV så snart som mogleg. Vi behandlar søknadene fortløpande. Har du spørsmål om stillinga, kan du kontakte Preben Ekeli, PT-leiar, e-post: preben.ekeli@mova.no eller Guro Osborg Kvammen, senterleiar, på guro.kvammen@mova.no