Møre Og Romsdal Fylkeskommune

Kristiansund N

Anna Myrstad Strand

Teamleiar plan og trafikk

John Hauger

Seksjonsleiar plan og trafikk 

Møre og Romsdal har 3200 kilometer fylkesveg – like langt som ein køyretur frå fylket vårt og heilt til Roma. Langs desse vegane arbeider vi kvar dag med drift, vedlikehald og utvikling, og dei neste fire åra skal vi investere over 2 milliardar kroner i ny infrastruktur. Grunnlaget for å planleggje, drifte og ta vare på vegane er ein oppdatert Nasjonal vegdatabank. Den Nasjonale vegdatabanken, NVDB, inneheld digitalisert informasjon om alle våre objekt på og langs veg. Å oppdatere NVDB er eit kontinuerleg arbeid, fordi alt som blir bygd, endra eller fjerna, skal registrerast i NVDB.<br />Som geodataforvaltar har du som oppgåve å registrere og ajourhalde NVDB, samt oppdatere data i Felles kartdatabase (FKB). Dette inneber kvalitetskontroll av dataleveransar frå entreprenørar på våre driftskontraktar, fagkontraktar, investeringsprosjekt og gjennomføringsavtalar. Stillinga omfattar også tilrettelegging og forvaltning av kart- og fagdata til plan- og utbyggingsprosjekt, samt forvaltning av kartdata gjennom samarbeidet i Norge digitalt og Geovekst.<br />Samferdsel har kontorstad i Ålesund, Molde og Kristiansund. Denne stillinga er lagt til Kristiansund, med kontorstad Campus Kristiansund. I løpet av året må det reknast med noko reiseverksemd til dei andre lokasjonane i samband med møte og samarbeid, både internt og eksternt.<br />
<h3>Arbeidsoppgåver</h3>· Utarbeide objektlister, ta imot og bearbeide dataleveransar til Nasjonal vegdatabank (NVDB) og Felles kartdatabase (FKB).<br />· Forvalte og oppdatere informasjon av data som ligg i NVDB og FKB. Andre databasar kan også vere aktuelle, til dømes EKOM-registeret.<br />· Kommunisere og gi rettleiing til entreprenørar og byggeleiarar for å sikre korrekt levering til NVDB og FKB.<br />· Forvalte geodata internt i fylkeskommunen og gjennom samarbeid i Norge digitalt og Geovekst.<br />· Vere fagressurs innan geodata i tverrfaglege prosjektgrupper for plan-, drifts- og byggjeprosjekt.<br />· For rett vedkomande vil det vere aktuelt å utvikle og forvalte produksjonsløype mellom programvare for tilstandsregistrering ute i felt og NVDB ved bruk av FME.<br />· For rett vedkomande kan noko kartproduksjon inngå som ein del av arbeidsoppgåvene (ArcGIS).<h3>Kvalifikasjonar</h3>· Relevant høgare utdanning innan geodata/GIS frå høgskule eller universitet. Fagutdanning med relevant erfaring kan kompensere for utdanningskravet.<br />· Gode munnlege kommunikasjonsevner på norsk.<br />· Førarkort klasse B.<h3>Personlege eigenskapar</h3>For å lukkast i stillinga er det viktig med ansvarskjensle og forståing for kor viktig oppdaterte data i NVDB og FKB er. I ein travel kvardag kan leveranse til geodata bli nedprioritert, og ein geodataforvaltar blir derfor forventa å bidra til framdrift, utvikling og kontinuerleg styrking av fagområdet – både for seg sjølv og for oss.<br />Som geodataforvaltar er det mykje konsentrasjonsarbeid, noko som krev at du er tolmodig, nøyaktig og arbeider systematisk. Samstundes er det behov for samhandling, og du må ha evne til å etterspørje dataleveransar frå andre, med rett kvalitet. Det er difor viktig at du svarar når nokon tek kontakt, eller sjølv tek initiativ til dialog med entreprenørar, kontrollingeniørar, byggjeleiarar eller andre, slik at rett data blir levert.<h3>Vi tilbyr</h3>· Kontorstad i flotte lokale ved Campus Kristiansund.<br />· Ei utfordrande stilling i eit godt arbeidsmiljø, kjenneteikna av høg profesjonalitet og sterke fagmiljø.<br />· God tilgang til faglege nettverk og moglegheiter for fagleg utvikling.<br />· Offentleg pensjonsordning, gruppelivs- og ulykkesforsikring.<br />· Løn etter avtale.<h3>Kontaktinformasjon</h3>John Hauger, Seksjonsleiar plan og trafikk , 41298652, john.hauger&#64;mrfylke.no<br />
Anna Myrstad Strand, Teamleiar plan og trafikk, 92808150, anna.myrstad.strand&#64;mrfylke.no<br />
<h3>Arbeidsstad</h3>Fosnagata 12<br />
6509 Kristiansund<br />
<h3>Nøkkelinformasjon:</h3>Arbeidsgivar: Møre og Romsdal fylkeskommune<br />
<br />
Referansenr.: 5125143651<br />
Stillingsprosent: 100%<br />
Fast<br />
Søknadsfrist: 27.05.2026<br />
<br />


Geodataforvaltar