Lom Kommune

Elin Jeanette Ulen

Kvalitets- og utviklingsrådgjevar

I samband med pågåande omorganisering ønskjer vi å styrkje den administrative støtta i tenesteområdet pleie og omsorg (PO). Søknadsfrist 01.07.2026.
Vi søkjer ein strukturert og utviklingsorientert medarbeidar som vil få ei sentral rolle i å koordinere og vidareutvikle administrative prosessar i pleie- og omsorgstenestene. Stillinga kombinerer dagleg drift med moglegheit til å påverke arbeidsprosessar, ressursstyring og digitale løysingar på tvers av tenestene.
Merkantil konsulent 80% fast stilling. Stillinga er organisert under tenesteleiar for pleie og omsorg.
<h2>Arbeidsoppgåver</h2>
<ul><li>
Koordinere vaktbok og innleige ved fråvær
</li><li>
Bidra til god bemanningsplanlegging og turnusarbeid
</li><li>
Følgje opp og kvalitetssikre grunnlag for løn
</li><li>
Administrere og koordinere ordninga med støttekontaktar
</li><li>
Utarbeide arbeidsavtalar og følgje opp administrative delar av tilsettingsprosessar knytt til vikarar og mellombels tilsette
</li><li>
Vere helsetenestene sin kontaktperson mot Abakus, som bistår kommunen med offentlege anskaffingar og innkjøpsprosessar
</li><li>
Bidra til utvikling og forbetring av administrative rutinar og arbeidsprosessar
</li><li>
Andre administrative oppgåver innan tenesteområdet
</li></ul>
<h2>Kvalifikasjonar og eigenskapar</h2>
<ul><li>
Evne til å handtere eit høgt arbeidstempo og varierte oppgåver
</li><li>
Gode samarbeidsevner og evne til å sjå tenestene i samanheng
</li><li>
Evne til å løfte blikket og bidra til heilskapleg utvikling
</li><li>
Digital kompetanse og interesse for digitale løysingar
</li><li>
Personleg eignaheit vil bli vektlagt
</li></ul>
<h2>Vi tilbyr</h2>
<ul><li>
Ei spennande og utviklingsorientert stilling i eit tenesteområde i endring
</li><li>
Moglegheit til å påverke og utvikle arbeidsprosessar på tvers av tenester
</li><li>
Eit samarbeidsorientert arbeidsmiljø
</li></ul>
<h3>Lom kommune er i utvikling</h3>
Vi arbeider kontinuerleg med å utvikle tenestene våre, ta i bruk nye digitale løysingar og finne smartare måtar å arbeide på. Målet er å skape gode tenester for innbyggjarane, samtidig som vi nyttar ressursane våre best mogleg. Derfor ser vi etter medarbeidarar som er opne for endring, nysgjerrige på nye arbeidsformer og som ynskjer å bidra til utvikling og forbetring.

Vil du vere ein viktig støttespelar for pleie- og omsorgstenestene?