Fast stilling som rådgivar
Om stillinga
Kultur- og likestillingsdepartementet (KUD) søkjer ein engasjert og utviklingsorientert rådgivar til dokumentasjonseininga i forvaltingsseksjonen i administrasjonsavdelinga. Forvaltingsseksjonen har ansvar for sikkerheit og beredskap, informasjonsforvalting og utvikling og drift av departementet si arkiv- og dokumentforvalting. I tillegg koordinerer seksjonen departementet sitt arbeid med digitalisering og teknologiutvikling.
Vi søkjer ein medarbeidar som vil bidra til at departementet sin informasjon blir forvalta sikkert, effektivt og i tråd med gjeldande regelverk. Stillinga kombinerer oppgåver innanfor informasjons- og dokumentasjonsforvalting med systemforvalting, rådgiving og utviklingsarbeid. Du vil få ei viktig rolle i arbeidet med å vidareutvikle digitale arbeidsprosessar og bidra til å ta i bruk nye teknologiske løysingar på ein trygg og hensiktsmessig måte.
Departementsfellesskapet står framfor større organisatoriske endringar. Frå våren 2027 skal fagområdet informasjonsforvalting overførast til Digitaliseringsorganisasjonen til departementa (DIO) frå KUD. Stillinga er knytt til oppgåver som skal overførast, og den som blir tilsett, må derfor pårekne overgang til DIO.
Arbeidsoppgåver
Du vil mellom anna
- forvalte og vidareutvikle departementet sitt saks- og arkivsystem ACOS WebSak
- administrere roller, rettar og tilgangsstyring i tråd med verksemda sine behov og gjeldande krav
- bidra til systemforvalting som systemoppsett, integrasjonar og test- og kvalitetsarbeid
- delta i utviklings- og forbetringsarbeid innanfor informasjons- og dokumentasjonsforvalting
- samarbeide med andre departement, DIO og eksterne leverandørar
- bidra til at regelverket blir etterlevd i samband med arkiv-, informasjons- og dokumentasjonsforvaltinga
- utføre saksbehandling og rettleiing innanfor fagområdet
- gi brukarstøtte, rettleiing og opplæring
Andre oppgåver kan bli overførte til rolla.
Kvalifikasjonar
Du må ha:
- relevant høgare utdanning frå universitet eller høgskule, minimum bachelorgrad. Relevant erfaring kan kompensere for delar av utdanningskravet.
- minimum 2 års relevant arbeidserfaring
- god forståing for informasjons- og dokumentasjonsforvalting og relevant lov- og regelverk
- erfaring med tilgangsstyring og rolleforvalting
- god digital kompetanse og interesse for teknologiutvikling
- god munnleg og skriftleg framstillingsevne på norsk
Det er ein fordel om du har
- erfaring med ACOS WebSak eller andre Noark-baserte løysingar
- erfaring med SharePoint, Teams og andre løysingar i Microsoft 365-plattforma
- erfaring med administrasjon av brukaridentitetar, roller og tilgangar i større organisasjonar
- forståing for samanhengen mellom identitetsforvalting, tilgangsstyring, informasjonssikkerheit og dokumentasjonsforvalting
- erfaring med systemforvalting, integrasjonar og digital utvikling
Vi søkjer deg som
- samarbeider godt og bygger gode relasjonar
- arbeider strukturert og målretta
- tek initiativ og gjennomfører oppgåver sjølvstendig
- har evne til å handtere fleire oppgåver samtidig
- er utviklingsorientert og ser moglegheiter for forbetring og effektivisering
- bidreg positivt til arbeidsmiljøet
Vi vil leggje stor vekt på om du er personleg eigna
Last opp attestar og vitnemål når du søkjer. Om du har fullført høgare utdanning utanfor Noreg, må utdanninga vere godkjend av Direktoratet for høgare utdanning og kompetanse (tidlegare NOKUT), og du må dokumentere godkjenninga.
Vi bruker bakgrunnssjekk frå Semac i rekrutteringsprosessane våre, og godkjend bakgrunnssjekk er ein føresetnad for tilsetjinga.
Den som blir tilsett i stillinga, må kunne autoriserast for tilgang til informasjon som er gradert som BEGRENSET etter sikkerhetsloven.
Vi tilbyr
- innplassering som 1436 rådgivar med ei brutto årslønn på 620 000 til 730 000 kroner
- medlemskap i Statens pensjonskasse (SPK) med gode vilkår for pensjon, bustadlån og forsikring
Inkluderande arbeidsliv og mangfald
Vi meiner at mangfald er ein styrke. Vi ønskjer medarbeidarar med ulik kompetanse og livserfaring og ulike fagkombinasjonar og perspektiv slik at vi kan løyse oppgåvene våre endå betre.
Kultur- og likestillingsdepartementet har som mål å tilsetje fleire personar frå underrepresenterte grupper. Les meir om krava for positiv særbehandling på Arbeidsgiverportalen.
Vi vil leggje til rette for medarbeidarar som har særskilde behov. Aktuelle tiltak kan til dømes vere å skaffe tekniske hjelpemiddel, tilpasse møblar eller endre rutinar, arbeidsoppgåver og arbeidstid.
Offentleg søkarliste og kontakt
Dei som søker, må vere merksame på at opplysningar om dei kan bli offentleggjorde sjølv om søkarane ber om ikkje å bli oppførte på den offentlege søkarlista. Departementet vil svare på krav om unntak frå den offentlege søkarlista før ho blir offentleggjord.
Vil du vite meir om stillinga, kan du ta kontakt med kontorsjef Ida Tobro på e-pos: ida.tobro@kud.dep.no