Klima- Og Miljødepartementet

Oslo

Are Lindegaard

Avdelingsdirektør

<h2>Om stillinga</h2><p>Vil du bruke kompetansen din i eit viktig klima- og miljøfagleg arbeid? Trivst du med stor variasjon i arbeidsoppgåver der både detaljar og heilskap er viktige?<br />Klima- og miljødepartementet søkjer ein medarbeidar til Seksjon for karbonlagring og bioressursar.</p><p>Seksjonen for karbonlagring og bioressursar har ansvar for klimarammeverket innan skog- og arealbruksregelverket, samt ulike former for bioressursar med tilhøyrande krav til berekraft og utsleppsreduksjonar. Seksjonen har òg ansvar for klimatiltak i byggsektoren og følgjer opp forbodet mot oljefyr som blei innført i 2020. I tillegg samarbeider seksjonen tett med Landbruks- og matdepartementet om klimatiltak i jordbruket, og med Energidepartementet om fornybardirektivet og arbeidet med karbonfangst og -lagring. Seksjonen koordinerer òg arbeidet med klimakunnskap i KLD.</p><p>Arbeidet omfattar tinging og bruk av utgreiingar i politikkutforming, arbeid med regelverk og samarbeid med andre departement, direktorat, næringsaktørar og interesseorganisasjonar. I denne stillinga vil du få god innsikt i politiske avgjerdsprosessar og jobbe i samspelet mellom politikk, næringsliv og fag.</p><br /><h2>Arbeidsoppgåver:</h2><p>Arbeidsoppgåvene er knytte til fagområdet bioressursar, som omfattar alt organisk materiale som kan haustast, foredlast og brukast til produksjon av mat, fôr, energi, materialar og kjemikaliar. I denne stillinga vil du mellom anna bidra til å vidareutvikle biodrivstoffpolitikken og til å gjennomføre sentrale delar av EU sitt regelverk på dette området saman med to andre medarbeidarar i seksjonen. Seksjonen forvaltar omsetningskrava for biodrivstoff og sørgjer for eit forsvarleg kunnskapsgrunnlag i tråd med utgreiingsinstruksen. Dette omfattar offentlege høyringar, foreleggingar og avklaringar i regjeringa. Ein sentral del av arbeidet er innlemming og gjennomføring av EU‑regelverk. Seksjonen samarbeider mellom anna med Energidepartementet i oppfølginga av fornybardirektivet, og tett med Samferdselsdepartementet om innlemminga av RefuelEU Aviation. Arbeidsoppgåver kan endrast over tid, og du kan bli involvert i andre fagområde i seksjonen etter behov og ønskje.</p><p>Saman med gode kollegaer vil du mellom anna:</p><ul><li>følgje opp og utvikle biodrivstoffpolitikken</li><li>bidra i arbeidet med å innlemme og gjennomføre sentrale EU-regelverk i norsk rett</li><li>bidra i utarbeidinga av regjeringas klimastatus og -plan, herunder å vurdere tiltak og verkemiddel for å redusere utsleppa i tråd med måla for 2030 og 2050</li><li>utarbeide svar på spørsmål frå Stortinget og følgje opp anmodningsvedtak</li><li>skrive talepunkt og medieinnspel for politisk leiing</li><li>bidra inn i arbeidet med statsbudsjettet</li><li>ivareta brei og løpande dialog med biodrivstoffbransjen, miljøorganisasjonar, Miljødirektoratet, fleire departement og EU-kommisjonen</li><li>byggje kompetanse om tekniske, juridiske og økonomiske forhold knytte til biodrivstoff</li></ul><br /><h2>Vi søkjer deg som har følgjande bakgrunn</h2><p><strong>For å kvalifisere til stillinga må du ha:</strong></p><ul><li>fullført mastergrad innan relevante fagområde, med svært gode karakterar. Relevant erfaring kan i enkelte tilfelle kompensere for karakterkravet.</li><li>minimum 2 års relevant arbeidserfaring</li><li>svært god skriftleg og munnleg framstillingsevne på norsk og engelsk</li></ul><p> </p><p><strong>Det er ønskjeleg at du har:</strong></p><ul><li>erfaring innan klima- og miljøfeltet</li><li>erfaring frå offentleg sektor, fortrinnsvis departement, direktorat eller annan underliggjande verksemd</li><li>kjennskap til EU-regelverk innan klima, miljø og energi</li></ul><p> </p><p>Stillinga krev at du kan bli autorisert etter tryggingslova på nivå BEGRENSET. For meir informasjon sjå nsm.no.</p><br /><h2>For å lukkast i stillinga må du ha:</h2><p><strong>For å lukkast i stillinga må du:</strong></p><ul><li>ha god rolleforståing</li><li>arbeide sjølvstendig og ta ansvar for eigne oppgåver</li><li>ha gode samarbeidsevner og bidra positivt i team og arbeidsmiljø</li><li>ha solid fagleg styrkje og tryggleik i eigne vurderingar</li><li>ha analytisk tilnærming og evne til å setje deg raskt inn i nye fagområder og problemstillingar</li><li>vere strukturert og effektiv i arbeidet som sørgjer for at du kan levere under tidspress</li></ul><p>Personleg eignaheit vil bli tillagd vekt.</p><br /><h2>Kvifor skal du jobbe hos oss?</h2><p> </p><ul><li>I Klima- og miljødepartementet får du bidra til løysingar på nokre av vår tid sine viktigaste utfordringar.</li><li>Arbeidet ditt kan gi konkrete utslag i korleis Noreg når klimamål, vernar natur og regulerer miljøpåverknad.</li><li>Du får god innsikt i politikkutforming og tett dialog med politisk leiing</li><li>Du får varierte og meiningsfulle oppgåver.</li><li>Du blir del av ei seksjon som har eit godt sosialt miljø og engasjerte, kunnskapsrike og hyggelege kollegaer.</li><li>Klima- og miljødepartementet tilbyr gode faglege og personlege utviklingsmoglegheiter. For å nemne noko vil du som nytilsett delta i vårt introduksjonsprogram, får kurs i regi av Departementsakademiet og får vokse i takt med nye oppgåver.</li><li>Fleksible arbeidstidsordningar og betalt overtid.</li><li>Medlemskap i Statens pensjonskasse med gode vilkår for lån, forsikring og pensjon som sikrar deg og dine næraste</li></ul><p> </p><p>Vi er opptekne av å ha eit berekraftig arbeidsmiljø med vekt på trivsel og eit lærande fellesskap. Vi har eit breitt tilbod av sosiale, kulturelle og sportslege aktivitetar, inkludert 1½ time trening i arbeidstida i veka. Vi har eige kor, ei revygruppe, bedriftsidrettslag og trimrom. Lokala våre ligg sentralt i Oslo med kort veg til kollektivtransport, og vi har subsidiert kantine og kaffebar.</p><br /><h2>Betingelsar:</h2><p>Årsløn for rådgjevar: frå kr 650 000 – 770 000.<br />Årsløn for seniorrådgjevar: frå kr 690 000 – 910 000.</p><p>For særleg godt kvalifiserte søkjarar kan høgare løn vurderast.</p><p>Stilling og lønsinnplassering avheng av erfaring og kvalifikasjonar. Som hovudregel krevst det to års relevant erfaring for å bli rådgivar og fem år for å bli seniorrådgivar.</p><p>Frå lønna vert det trekt 2 % til Statens pensjonskasse. Medlemskap gir fleire gode ordningar, inkludert livsvarig alderspensjon, AFP, økonomisk tryggleik ved sjukdom eller uførheit, støtte til etterlatne, forsikringsordningar og gunstige bustadlånsvilkår.</p><br /><h2>Vi er opptekne av mangfald og inkludering:</h2><p>Vi ønskjer å rekruttere den best kvalifiserte kandidaten og treng difor eit breitt rekrutteringsgrunnlag. Klima- og miljødepartementet har som mål å vere ein arbeidsgjevar som speglar mangfaldet i samfunnet og tek i bruk det samla potensialet i befolkninga Sine samla kompetansar Det betyr at vi ønskjer velkommen søkjarar med ulik arbeids- og livserfaring som av ulike grunnar ikkje kan dokumentere ein samanhengande yrkjeskarriere. Vi er ei IA-verksemd og har gode tilretteleggingsmoglegheiter. Kvalifiserte kandidatar vert oppmoda til å søkje.</p><br /><h2>Er dette stillinga for deg? Les dette før du søkjer:</h2><p> </p><ul><li>Søknad sendast elektronisk via lenka på denne sida.</li><li>Du svarar på nokre faglege spørsmål som del av søknadsprosessen, som erstattar søknadstekst.</li><li>CV-felta i portalen må fyllast ut sjølv om du legg ved eigen CV.</li><li>Last opp vitnemål/karakterutskriftar (kan hentast frå Vitnemålsportalen) og relevante attestar.</li><li>Utanlandske vitnemål må vere godkjende (sjå hkdir.no).</li><li>Personopplysningar vert behandla i tråd med GDPR.</li><li>Opplysningar om søkjarar kan bli offentleggjorde sjølv om du ber om unntak.</li></ul><br />

Rådgjevar/seniorrådgjevar – seksjon for karbonlagring og bioressursar