Klima- Og Miljødepartementet

Oslo

<h4 class="aksel-heading aksel-heading--xsmall aksel-typo--spacing">Kva gjer vi i seksjon for grønn omstilling?</h4>
<p>Seksjonen har tre hovudfelt: energiomstilling, berekraftig næringsliv og berekraftig finans.</p>
<p>Samanhengen mellom økonomisk utvikling og grøn omstilling er ramma for arbeidet i seksjonen. Seksjonen har ansvar for viktige verkemiddel som skal bidra til å leggje til rette for grøn omstilling i industrien og i næringslivet. Seksjonen forvaltar statens eigarskap til Enova. Seksjonen har òg ansvaret for CBAM-forordninga (EUs mekanisme for karbonprisjustering på import til EU/EØS), noko som inneber innlemming av forordninga i EØS-avtalen og gjennomføring i norsk rett. Seksjonen har òg ansvaret for CO2-kompensasjonsordninga.</p>
<p>Videre følgjer seksjonen opp departementet sitt arbeid med berekraftig næringsliv og energiomstillinga. Seksjonen har òg ansvar for departementet sitt arbeid med berekraftig finans. Seksjonen jobber òg med rettferdig omstilling, mellom anna Rådet for rettferdig omstilling og vurdering av EUs sosiale klimafond. Seksjonen koordinerer òg departementet sitt arbeid med skatt og avgift og har det overordna ansvaret for arbeidet med samfunnsøkonomiske analysar i departementet.</p>
<h4 class="aksel-heading aksel-heading--xsmall aksel-typo--spacing">Dine arbeidsoppgåver inneber:</h4>
<ul><li>juridisk rådgiving og utgreiingsarbeid innanfor heile ansvarsområdet til seksjonen</li><li>lov- og forskriftsarbeid, særleg knytt til gjennomføring av CBAM og endringar i CO2-kompensasjonsordninga</li><li>arbeid knytt til innlemming av CBAM i EØS-avtalen, mellom anna forhandlingar med EØS/EFTA-statane og Europakommisjonen om underliggjande rettsakter og revisjon av ordninga</li><li>generelle koordineringsoppgåver knytt til CBAM, inkludert intern saksførebuing og oppfølging av medieførespurnadar og arrangement</li><li>oppfølging av anna EU-regelverk innanfor ansvarsområda til seksjonen</li><li>arbeid knytt til oppgåver som skal leggjast til ansvarleg styresmakt, samt løpande oppfølging av denne</li><li>oppgåver knytte til dei øvrige ansvarsområda til seksjonen</li></ul>
<h4 class="aksel-heading aksel-heading--xsmall aksel-typo--spacing">Vi søkjer deg som har følgjande bakgrunn:</h4>
<strong>For å være kvalifisert til stillinga må du ha:</strong>
<ul><li>fullført juridisk embetseksamen eller master i rettsvitskap med gode karakterar</li><li>minst to års relevant arbeidserfaring for å bli vurdert som rådgjevar og minst fem års relevant arbeidserfaring for å bli vurdert som seniorrådgjevar
<ul><li>nyutdanna og kandidatar med kortare relevant arbeidserfaring er også velkomne til å søkje og vil bli vurderte for tilsetjing som førstekonsulent</li></ul>
</li><li>god samfunnsforståing og politisk innsikt</li><li>god formuleringsevne på norsk og engelsk, både skriftleg og munnleg</li></ul>
<strong>Det er en fordel om du har:</strong>
<ul><li>god kompetanse i forvaltningsrett og EØS-rett</li><li>interesse for og erfaring frå EU/EØS-arbeid</li><li>erfaring frå offentleg sektor</li></ul>
<p>Stillinga krev at du må kunne autoriserast for tilgang til informasjon gradert BEGRENSET etter sikkerheitsloven. Se nsm.no</p>
<h4 class="aksel-heading aksel-heading--xsmall aksel-typo--spacing">For å lukkast trur vi at du:</h4>
<ul><li>har ein analytisk tilnærming og evne til raskt å setje seg inn i nye fagområde og problemstillingar</li><li>er strukturert og effektiv, samtidig som du kan handtere uforutsigbarheit og arbeider godt under press</li><li>har gode samarbeidsevner og bidrar positivt i team og arbeidsmiljø</li><li>arbeider sjølvstendig og tar ansvar for eigne oppgåver</li><li>har god rolleforståing</li><li>er fleksibel og serviceinnstilt</li></ul>
<p>Det vil bli lagt stor vekt på personlige eigenskapar.</p>
<h4 class="aksel-heading aksel-heading--xsmall aksel-typo--spacing">Kvifor skal du jobbe hos oss?</h4>
<p>Departementsarbeid gir stor systemforståing og innsikt i arbeidet til regjeringa. Det gir òg høve til å arbeide med både høgaktuelle saker og viktig langsiktig arbeid, ofte i tverrfagleg samarbeid med økonomar og samfunnsvitarar. Vi ønskjer deg velkomen inn i eit arbeidsfellesskap med dyktige og engasjerte kollegaer som er stolte av jobben sin. Hos oss får du gode moglegheiter for læring og utvikling. Du vil bidra til samfunnsmålet om eit grønt skifte og få eit unikt høve til å gi faglege råd til politisk leiing. Klima- og miljødepartementet gir gode moglegheiter for fagleg utvikling, og vi er opptekne av at alle skal ha eit godt arbeidsmiljø. Vi har fleksibel arbeidstid, betalt overtid og en god pensjonsordning.</p>
<p>Vi tilbyr eit breitt spekter av sosiale, kulturelle og sportslege aktivitetar, mellom anna 1,5 time trening i arbeidstida kvar veke. Møt våre medarbeidere - regjeringen.no (https://www.regjeringen.no/no/dep/kld/stillinger/Jobbe-i-Klima--og-miljodepartementet/innsiktsartikler-jobbe-i-kld/mot-vare-medarbeidere/id2005908/)</p>
<p>Klima- og miljødepartementet har nyleg flytta inn i det nye regjeringskvartalet, med aktivitetsbasert kontorplasskonsept i den nye, moderne A blokka. Når flytter departementene inn og når er nytt regjeringskvartal ferdig? - regjeringen.no (https://www.regjeringen.no/no/tema/plan-bygg-og-eiendom/regjeringskvartalet/nar-flytter-departementene-inn-og-nar-er-nytt-regjeringskvartal-ferdig/id3032581/)</p>
<h4 class="aksel-heading aksel-heading--xsmall aksel-typo--spacing">Vi er opptekne av:</h4>
<p>Vi vil rekruttere den best kvalifiserte kandidaten til stillinga og treng derfor eit breitt rekrutteringsgrunnlag. I Klima- og miljødepartementet har vi eit personalpolitisk mål om å vere ein arbeidsgjevar som speglar mangfaldet i samfunnet, og som tek i bruk potensialet i den samla kompetansen i befolkninga. Vi arbeider for å inkludere personar med nedsett funksjonsevne og/eller som av ulike årsaker ikkje kan dokumentere ein samanhengande yrkeskarriere.</p>
<p>Vi har gode tilretteleggingsmoglegheiter, og fleksibel arbeidstid tilpassa ulike fasar i livet.</p>
<h4 class="aksel-heading aksel-heading--xsmall aksel-typo--spacing">Tilleggsinformasjon</h4>
<p>**Lønn:**Førstekonsulent: kr 580 000,- til 660 000,-, rådgjevar: kr 650 000,- til 770 000,-, seniorrådgjevar: kr 690 000,- til 910 000,-. Du vil bli tilsett som førstekonsulent, rådgjevar eller seniorrådgjevar, avhengig av erfaringa di. For særleg kvalifiserte søkjarar kan høgare løn vurderast.</p>
<p><strong>Arbeidsstad:</strong> Einar Gerhardsens plass 1 0179 Oslo (Oslo Kommune)</p>
<h4 class="aksel-heading aksel-heading--xsmall aksel-typo--spacing">Er dette stillinga for deg? Les dette:</h4>
<ul><li>Vi ber om at du lastar opp vitnemål/karakterutskrifter (som kan hentast direkte frå Vitnemålsportalen) og relevante attestar.</li><li>Utanlandske vitnemål må vere godkjent, sjå meir på hkdir.no.</li><li>Vi tek vare på personopplysningane dine i samsvar med GDPR.</li><li>Ver merksam på at opplysningar om deg kan bli offentleggjort sjølv om du har bede om å bli unnateken frå søkjarlista. Du blir i så fall orientert om dette på førehand.</li><li>Kvalifiserte kandidater med ulik arbeids- og livserfaring blir oppmoda til å søkje.</li></ul>

Ynskjer du å bidra i arbeidet med grøn omstilling?