Vil du leie ei av dei største kirurgiske verksemdene i norsk spesialisthelseteneste?

Stilling
Klinikkdirektør – Kirurgisk klinikk
Lokasjon
Bergen
Antall posisjoner
1
Sektor
Offentlig
Type ansettelse
Fulltid, Fast
Publisert
I dag
Søknadsfrist
02. des.
Få påminnelse
14 dager igjen
Ved å be om påminnelse vil du motta en beskjed før søknadsfristen og annen viktig informasjon om stillingen.
Ditt navn
E-post
Kirurgisk klinikk ved Haukeland universitetssjukehus søker ein ambisiøs og framtidsretta leiar som vil bidra til å utvikle kirurgisk behandling, forsking, utdanning og beredskap ved regionsjukehuset på Vestlandet. Klinikken har både fagleg breidde og sterke, spissa fagmiljø, regionalt traumesenter og nasjonal behandlingsteneste for brannskadar, og spelar ei sentral rolle i spesialisthelsetenesta på Vestlandet og nasjonalt.
Som klinikkdirektør får du ansvar for ein av sjukehuset sine største og mest komplekse klinikkar. Vi søker ein leiar som evnar å kombinere strategisk utvikling med god drift, og som motiverast av å skape resultat gjennom sterke fagmiljø, forsking, utdanning, samarbeid og kontinuerleg forbetring.
 
Om Kirurgisk klinikk
Kirurgisk klinikk har ansvar for diagnostikk og behandling innan fleire kirurgiske fagområde og omfattar gastrokirurgi, urologi, karkirurgi, bryst- og endokrinkirurgi, plastikkirurgi og brannskadebehandling. Klinikken omfattar òg regionalt traumesenter og nasjonal behandlingsteneste for brannskadar.
Klinikken er viktig for mange av sjukehuset sine behandlingstilbod og beredskapsfunksjonar, og samarbeider tett med andre klinikkar og fagmiljø i sjukehuset, og med dei andre sjukehusa i Helse Vest. Arbeid med kvalitet, pasienttryggleik, forsking, utdanning og kontinuerleg forbetring er sentrale delar av verksemda. Klinikken er heimstad for sterke fag- og forskingsmiljø og bidreg aktivt til utviklinga av framtidas kirurgiske behandling.
 
Haukeland universitetssjukehus er i kontinuerleg utvikling. Organisering, ansvarsområde og arbeidsoppgåver kan derfor bli justerte i takt med framtidige behov og prioriteringar.

Arbeidsoppgåver

  • Delta aktivt i den samla leiinga av Haukeland universitetssjukehus og bidra til utvikling av sjukehuset som heilskap
  • Bidra til at sjukehuset når sine strategiske mål gjennom leiing og vidareutvikling av klinikken, og i samarbeid med andre einingar i sjukehuset og Helse Vest
  • Ha overordna ansvar for fag, kvalitet og pasienttryggleik, forsking, utdanning, medarbeidarar og økonomi
  • Sikre fagleg og økonomisk berekraftig drift og god ressursutnytting i ein stor og kompleks organisasjon
  • Leggje til rette for forsking, innovasjon, utdanning og kompetanseutvikling
  • Vidareutvikle samarbeid på tvers av klinikkar, profesjonar og nivå i helsetenesta
  • Leie gode omstillings- og utviklingsprosessar gjennom forbetringsarbeid, involvering og medverknad
  • Sitte som fast representant i sjukehuset sitt kreftstyre, og jobbe for at sjukehuset opprettheld si akkreditering som eit Comprehensive Cancer Center

Kven ser vi etter?
Vi søker ein leiar som:

  • Evnar å sjå heilskap og samanhengar i ein kompleks organisasjon
  • Er trygg i strategiske val og prioriteringar
  • Har stor gjennomføringsevne og skaper resultat gjennom andre
  • Byggjer tillit og gode relasjonar internt og eksternt
  • Kommuniserer tydeleg og samlande
  • Motiverer, støttar og utviklar leiarar og medarbeidarar
  • Er utviklingsorientert og framtidsretta
  • Kombinerer høge ambisjonar med god rolleforståing og samarbeidsevne
     

Kvalifikasjonar

  • Relevant høgare utdanning på minimum masternivå
  • Dokumentert leiarerfaring frå større og komplekse kunnskapsorganisasjonar
  • Erfaring med strategisk leiing, organisasjonsutvikling og endringsprosessar
  • Dokumenterte resultat innan leiing, drift og utviklingsarbeid
  • God forståing for verksemds- og økonomistyring
  • God skriftleg og munnleg framstillingsevne
  • Formell leiarutdanning og erfaring frå leiing i spesialisthelsetenesta, samt dokumentert forskingskompetanse og erfaring frå leiing av forskingsaktivitet, vil vere ein fordel.

Vi legg særleg vekt på at du

  • Er ein synleg, trygg og samlande leiar
  • Har høg integritet og gode samarbeidsevner
  • Handterer komplekse problemstillingar på ein konstruktiv måte
  • Evnar å balansere langsiktig utvikling med krav til dagleg drift
  • Skaper engasjement, retning og felles målforståing
  • Er robust og kan ta avgjerder i krevjande situasjonar 

Vi tilbyr deg

  • Ei moglegheit til å vere med å utvikle helsetenesta på Vestlandet gjennom deltaking i toppleiinga ved Haukeland universitetssjukehus
  • Ei av dei mest spennande leiarstillingane i norsk spesialisthelseteneste
  • Ei sentral leiarrolle med ansvar for å forme framtidas kirurgi ved regionsjukehuset på Vestlandet
  • Ansvar for sterke fag- og forskingsmiljø med høg kompetanse og stort engasjement
  • Ei rolle som pådrivar i utvikling av behandling, forsking, utdanning og beredskap
  • Eit arbeidsmiljø prega av samarbeid, kvalitet og utvikling
  • Konkurransedyktige løns- og arbeidsvilkår

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.


Vi ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Lasse Hatletvedt, Direktør, 90851059
Clara Gram Gjesdal, Viseadministrerende direktør, +47 95297662

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5212235184
Stillingsprosent: 100%
Fast
Søknadsfrist: 02.12.2026

Kontaktpersoner
Clara Gram Gjesdal
Viseadministrerende direktør
Lasse Hatletvedt
Direktør
Drømmejobben din venter. Vi vet hvor den er.
Lag en profil og få personlige jobbforslag.
Relaterte bedrifter