Birasbargibálvalusas - bissovaš dikšoveahki vahkkoloahppavirgi

Leatgo vuorrobargo-olmmoš, ja liikot máŋggabealat bargobeivviide ja lotnolas beaive- ja eahketbargguide, ja dus lea stuorra beroštupmi dearvvasvuhtii ja háliidat ođđa hástalusaid?

Háliidatgo ođđa hástalusaid ja leat mielde ovdánahttimin bálvalusa? Dalle lea mis dutnje virgi, maid sávat - ozat! 

Birasbargibálvalusas mis lea rabas 3x 26% dikšoveahki vahkkoloahppavirgi.
 
Ovttadagas lea 2-juogus vuorrobargu, ja jahketurnusis lea bargu juohke njealját vahkkoloahpa.
 
Álgin farggamusat.     

Barggut

• Bargat birasbarggu, beaivválaš fuolahusa ja divššu biddjon bargoplánaid mielde
• Ráhkadit dikšunplánaid
• Bargu njuolga geavaheddjiiguin
• Fuolahit ahte dárbbašlaš prosedyrat/rutiinnat čađahuvvojit
• Bargat gieldda njuolggadusaid ja etihkalaš njuolggadusaid mielde
• Dokumenteret gieldda dokumenterenvuogádagas Gericas
• Veahkehit geavaheddjiid nákcet beaivválaš eallimis
• Mielbargiid/ohppiid/fidnoohppiid bagadeapmi, mas deattuhit resurssaid, nákcema ja ulbmiliid mearrediđolaš birasbarggu vuođđojurdagiid mielde
• Ovttasbargu oapmahaččaiguin ja eará geavaheddjiide guoskevaš instánssaiguin    
  

Gelbbolašvuohta

• Buorre jos leat bargan dearvašvuođa suorggis ovdal
• Hálddašit IKT bargoreaidun iešguđege fágavuogádagaid bokte
• Buorre njálmmálaš ja čálalaš ovdanbuktinnákca
• Ovttasbargonákca ja heivehanmunálašvuohta
• Persovnnalaš heivvolašvuohta ja beroštupmi suorgái deattuhuvvo.
• Politiijaduođaštus gáibiduvvo virgádeami oktavuođas
• Deattuhuvvo heivehanmunálašvuohta, fágalaš beroštupmi, buorre ovttasbargonákca, hutkáivuohta ja miehtemielalašvuohta ođđa hástalusaide.
  

Čálalaš ja njálmmálaš sámegiel- ja dárogielmáhttu. Sámegielmáhttu deattuhuvvo muđui ovtta gelbbolaš ohcciid gaskka.

Persovnnalaš iešvuođat

• Nákca bargat hui iehčanasat.
• Dáidu hukset buriid gaskavuođaid ja jotkkolašvuohta bargamis.
• Buorre gulahallan- ja ovttasbargodáidu.
• Stabiila ja dorvvolaš, dáidu addit fuolahusa ja bidjat rájáid.
• Árvvoštallannákca fágalaš dárkuma vuođul.
• Oskkáldas doaimmaide ja doalaha buori fágalaš dási.  
  

Persovnnalaš heivvolašvuohta deattuhuvvo

Mii fállát

• Buori bargobirrasa ja áŋgiris bargoguimmiid
• Máŋggabealat ja gelddolaš bargguid
• Bálkká šiehtadusa vuođul, bargoeavttuid bargoeaktošiehtadusa ja eará šiehtadusaid vuođul ja molssatiibmoortnegiid Buori penšuvdnaortnega KLP bokte (SKP oahpahusbargiide), https://www.klp.no/pensjonsguiden?kommune=Karasjok+kommune&oftp=1&produkter=1234#/0   

Bargit virgáduvvojit gildii áiggis áigái gustovaš láhka-, njuolggadus- ja tariffašiehtaduseavttuid olis.

Kárášjoga gielda gullá dan nu gohčoduvvon Finnmárkku ja Davvi-Tromssa doaibmaavádahkii, gos oažžu earret eará vuolit vearu dábálaš bálkkás, vearrogessosa (Finnmárkku vearrogeasus), luvvema el-divada golahusas, nuvttá mánáidgárdesajiid ja sihkkojuvvot oahppaloana eanemustá 60 000 kr. jahkásaččat (lassin 20 000 kr. oahpaheddjiide). Doaibmaavádaga birra eanet dieđut gávdnojit dás: https://www.ffk.no/om-oss/innsatssonen 

Eará

Mii dohkkehat dušše elektronalaš ohcamiid WebCruiteris. Mii bivdit almmuhit uhcimusat guokte referánssa. Bargo- ja oahppaduođaštusat fertejit leat ohcamis mielde. Mii bivdit virggi ozadettiin viežžat duođaštusaid Vitnemålsportálas. Olgoriikalaš dokumentašuvdna ferte leat duođaštuvvon ja ovdanbiddjot dáro-/sámegillii, eŋgelasgillii, dahje ovtta skandinávalaš gillii. Olgoriikalaš oahppa ferte leat dohkkehuvvon HK-dir.

Virgádeami oktavuođas doaimmahuvvo politiijaduođaštus ja dearvvasvuođaduođaštus tuberkulosa ja MRSA hárrái, vrd. gielddalaš dearvvasvuođa- ja fuolahusbálvaluslága § 5-4 ja Tuberkulosaláhkaásahusa.
 

Buot gulaskuddamat meannuduvvojit luhtolaččat gitta ohcanáigemeari lohppii. Dasto ráhkaduvvo almmolaš ohcciidlista. Ohccit, geat háliidit iežas ohcama čuldojuvvot almmolašvuođas, fertejit dan erenomážit vuođuštit ohcamis. Almmolašvuođalága vuođul sáhttet dieđut ohcci birra almmuhuvvot, vaikke ohcci lešge ávžžuhan iežas dieđuid leat almmutkeahttá ohcciidlisttas.

Kontaktinformasjon

Katrine Bjørnes Utsi, Avdelingsleder miljøarbeidertjenesten/Birasbargibálvalusa ossodatjođiheaddji, 45863206, katrine.utsi@karasjok.kommune.no
Berit Regine Laiti, Enhetsleder helse og omsorg/ Dearvašvuođa ja fuolahus ovttadatjođiheaddji, +47 45260448

Arbeidssted

Ráddeviessogeaidnu 4
9730 KARASJOK

Nøkkelinformasjon:

Arbeidsgiver: Karasjok kommune

Referansenr.: 5201810261
Stillingsprosent: 26%
Fast
Søknadsfrist: 29.11.2026