Høgskulen På Vestlandet

Bergen

Øystein Bue Røynesdal

Assisterende instituttleiar

<h2>Ved Høgskulen på Vestlandet (HVL) er det ledig ei mellombels stilling i 100 % som høgskulelektor i mat og helse ved Fakultet for lærarutdanning, kultur og idrett.</h2><p>Stillinga inngår i Institutt for idrett, kosthald og naturfag, campus Bergen, og er ledig i tida 01.08.2026 – 31.07.2027.</p><p>Stillinga er i hovudsak knytt til undervisning i mat og helse i grunnskulelærarutdanningane (GLU). Fagmiljøet er dynamisk med eit rikt og mangfaldig forskarmiljø med pågåande prosjekt nasjonalt og internasjonalt, og med brei og høg kompetanse innanfor mat og helse. I tillegg til å bidra i dei nemnte lærarutdanningane, deltar fagmiljøet i etter- og vidareutdanningstilbod. Fagmiljøet er og aktivt deltakande i doktorgradsprogrammet «Danning og didaktiske praksisar».</p><p>Arbeidsstaden er Bergen.</p><br /><h2>Ansvars- og arbeidsoppgåver:</h2><p>Stillinga har følgjande ansvars- og arbeidsoppgåver:</p><ul><li>Undervise, rettleie og utvikle studentaktive læringsformer i tråd med krav i universitets- og høgskuleforskrifta, knytt til grunnskulelærarutdanningane (GLU1-7 og GLU 5-10) i mat og helse. </li><li>Det kan bli aktuelt å undervise i andre studieprogram ved instituttet, som i natur, helse og rørsle i barnehagelærarutdanninga, samt etter- og vidareutdanning</li><li>Institusjonsbyggjande arbeid irekna: fagadministrative oppgåver, internasjonalisering og samhandling med eksterne partnarar</li><li>Aktivt bruke digitale verktøy i arbeidskvardagen</li><li>Det kan bli aktuelt med noko reising og undervisning på andre campus i stillinga.</li></ul><br /><h2>Kvalifikasjonskrav:</h2><p><strong>Formell utdanning og kompetanse:</strong></p><p>Kriteria for tilsetting i undervisnings- og forskarstilling går fram av <a href="https://lovdata.no/dokument/SF/forskrift/2024-06-28-1392/KAPITTEL_3#KAPITTEL_3" rel="nofollow">Forskrift til universitets- og høyskoleloven</a>. </p><p>For tilsetting som høgskulelektor må søkjar ha hovudfag/mastergrad innan relevant fagområde med gode resultat, normalt A eller B på masteroppgåva, samt relevant yrkes- og undervisningserfaring.  </p><p><strong>Personlege eigenskaper:</strong></p><ul><li>Den som vert tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel.</li><li>Høgt etisk medvit i møte med studentar, tilsette og samarbeidspartar er påkravd. </li><li>Den som vert tilsett må vere personleg eigna for stillinga </li></ul><p><strong>Følgjande tel positivt i vurderinga:</strong></p><ul><li>Pedagogisk og fagdidaktisk kompetanse og erfaring frå grunnskule, barnehage og/eller høgare utdanning</li><li>Erfaring med praktisk kjøkkenundervisning</li><li>Personleg forståing for undervisninga sin karakter og fokus i lærarutdanning og/eller praksisfeltet</li><li>Erfaring frå relevante forskings- og utviklingsprosjekt med relevans for stillinga</li><li>Internasjonal erfaring</li></ul><p><strong>Språkkrav:</strong><br />Undervisningsspråket er norsk og søkjarar må meistre norsk og/eller eit anna skandinavisk språk flytande.</p><p>Aktuelle kandidatar vert kalla inn til intervju.</p><br /><h2>Korleis søkje på stillinga?</h2><p>Send søknad og CV ved å klikke på knappen merka ”Søk stillinga” på denne sida.</p><p>Vi gjer merksam på at søknadar vert vurdert ut frå den informasjonen som er lagt inn i <a href="http://www.jobbnorge.no" rel="nofollow">www.jobbnorge.no</a> ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen,  irekna:</p><ul><li>Vitskaplege arbeid (inntil 5 stk.) </li><li>Fullstendig publikasjonsliste </li><li>Attestar og vitnemål</li></ul><p>Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.</p><p>Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d" rel="nofollow">Sjå www.hkdir.no for meir informasjon om vurdering av høgare utdanning. </a></p><p>HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ" rel="nofollow">Du kan lese meir om ordninga med automatisk godkjenning her.</a></p><p>Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. </p><p>Søkjarar kan ikkje sende søknadar på e-post til enkeltpersonar ved høgskulen. </p><br /><h2>Vi tilbyr:</h2><ul><li>Gode pensjons- og forsikringsordningar i Statens pensjonskasse</li><li>Spanande fagmiljø med moglegheit for kompetanseheving - og utvikling</li><li>Høve for trening i arbeidstida</li></ul> <p>Stillinga er lønna etter Statens lønsregulativ, i stillingskode 1008 - høgskulelektor.</p><p>Frå løna vert det trekt 2 % innskot til Statens pensjonskasse.</p><br /><h2>Generell informasjon:</h2><p>Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.</p><p>Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.</p><p>Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.</p><br /><h2>Inkludere, utfordre og samhandle</h2><p><a href="http://www.hvl.no" rel="nofollow">Les meir på våre heimesider.</a></p><br />

Høgskulelektor i mat og helse