AV-ingeniør
Høgskulen på Vestlandet, Avdeling for informasjonsteknologi og -tenester har ledig fast stilling i 100 % som AV-ingeniør
Brukarretta tenester (ITBT) sørger for at teknisk utstyr fungerer trygt og effektivt der det trengst – i undervisingsrom, auditorium, møterom, på reise og på kontoret. Eininga tilbyr støtte, rettleiing og praktisk tilrettelegging, og bidreg til gode brukaropplevingar i
heile organisasjonen. Hos oss får du ei sentral rolle i møte med brukarar, kollegaer og samarbeidspartnarar, og du blir del av eit fagmiljø som arbeider praktisk, løysingsorientert og tett på kjerneverksemda ved HVL.
Arbeidsstaden er campus Bergen.
Ansvars- og arbeidsoppgåver:
- Utvikling og vidareutvikling av audiovisuelle løysingar (AV) ved HVL.
- Drifte, programmere, vedlikehalde og følgje opp AV-utstyr i undervisningsrom og møterom.
- Feilsøkje og rette feil i AV-utstyr og tilhøyrande styringssystem.
- Utvikle og tilpasse styringsløysingar, særleg baserte på Crestron, med vekt på brukarvenlege og driftssikre tenester.
- Planleggje og gjennomføre installasjonar, utskiftingar og oppgraderingar av AV-utstyr.
- Ha dialog med eksterne leverandørar og samarbeidspartnarar, og koordinere leveransar og aktivitetar mellom desse og interne fagmiljø.
- Delta i prosjekt knytte til IT- og AV-tenester, og leie eller koordinere interne prosjekt i eininga ved behov.
- Utarbeide og halde ved like teknisk dokumentasjon og bidra til kompetansedeling i eininga.
Stillinga kan og bli tillagd andre arbeidsoppgåver innanfor ansvarsområdet til eininga.
Kvalifikasjonskrav:
Formell utdanning og kompetanse:
- For tilsetting som overingeniør:
- Krav om utdanning på minimum bachelornivå. Realkompetanse med relevans for dei konkrete oppgåvene tillagt stillinga kan erstatte bachelorkravet.
- Omfattande og relevant arbeidserfaring, både direkte fagkompetanse og eventuelt leiarerfaring, i tråd med hovudarbeidsfeltet til stillinga.
- For tilsetting som senioringeniør:
- Krav om utdanning på minst masternivå.
- Gode leiareigenskaper og omfattande relevant fagadministrativ erfaring og spesialkompetanse på særleg høgt nivå tilpassa
funksjonane i stillinga. Slik realkompetanse, saman med bachelorgrad, kan kompensere for masterkravet.
- For alle søkjarar er det krav om:
- God teknisk forståing og evne til å setje seg inn i nye system, verktøy og arbeidsprosessar
- God serviceforståing og evne til å møte studentar og tilsette på ein trygg og profesjonell måte
- God munnleg og skriftleg framstillingevne på norsk og engelsk
Personlege eigenskapar:
- Serviceinnstilt og oppteken av å finne gode løysingar for studentar og tilsette
- Sjølvstendig, strukturert og trygg i handtering av lokale driftsoppgåver
- Gode samarbeidsevner og evne til å arbeide godt i team på tvers av campus og fagmiljø
- Evne til å prioritere mellom løpande brukarstøtte, feilretting, utviklingsarbeid og prosjekt
- Grundig og kvalitetsbevisst, med evne til å sjå samanhengar og heilskap
- Personlege eigenskapar som gjer søkjaren skikka til stillinga, vil bli vektlagde
Bakgrunnssjekk
For aktuelle stillingar gjennomfører HVL bakgrunnssjekk av søkjarar i samarbeid med ekstern leverandør for å verifisere opplysningar som går fram av tilgjengelege dokument. Bakgrunnssjekk skjer alltid med samtykke frå kandidaten, og tilsetjing i desse stillingane føreset gjennomført bakgrunnssjekk. Aktuelle søkjarar vil få nærare informasjon om dette.
Vi tilbyr:
- Gode pensjons-, forsikrings-, og låneordningar i Statens pensjonskasse
- Spennande fagmiljø med moglegheit for kompetanseheving og utvikling
- Høve for trening i arbeidstida
Stillinga er løna etter Statens lønsregulativ, i stillingskode 1087 overingeniør eller i stillingskode 1181 senioringeniør
Frå løna vil det bli trekt 2 % innskot til Statens pensjonskasse.
Korleis søke på stillinga?
Send søknad og CV ved å klikke på knappen merka ”Søk stilling” på denne sida.
Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.
Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning.
HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.
Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.
Søknadar kan ikkje sendast på e-post til enkeltpersonar ved høgskulen.
Generell informasjon:
Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.
Arbeids- og opphaldsløyve i Norge er ein føresetnad for å tiltre stillinga.
Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.
Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.
Inkludere, utfordre og samhandle
