Høgskulen I Volda

Volda

<h2>Om stillinga</h2><p><strong>Om stillinga</strong></p><p>Høgskulen i Volda lyser ut stilling som stipendiat i helse- og sosialfagleg arbeid. Stillinga er ved Institutt for sosialfag, Avdeling for samfunnsfag og historie, og er kopla til doktorgradsprogrammet i helse- og sosialfag.  Innretninga på doktorgradsprosjektet skal vere relevant for den faglege profilen ved instituttet (jf. innretninga på studietilbodet ved instituttet: <a href="https://www.hivolda.no/studietilbod" rel="nofollow">https://www.hivolda.no/studietilbod</a>).</p><p> Relevante tema kan for eksempel vere: </p><ul><li>arbeid med familiar og nettverk</li><li>rus</li><li>psykisk helsevern</li><li>fleirkulturelt arbeid</li><li>tverrprofesjonelt / tverretatleg samarbeid med relevans for sosialt arbeid</li><li>Etiske eller juridiske problemstillingar med relevans for sosialt arbeid</li><li>habilitering og rehabilitering</li><li>folkehelse</li><li>oppfølging av personar med kronisk sjukdom</li><li>sosialt arbeid i skulen</li></ul><p>Vi inviterer søkarar til eit digitalt seminar fredag 2. oktober kl. 10-11.  Der vil vi orientere om utlysinga, gi tips til utarbeiding av gode prosjektskisser og orientere om kva som blir vektlagt i vurderinga av søknader. Det blir høve til å stille spørsmål. Du kan melde deg på til søkarseminaret her: <a href="https://nettskjema.no/a/647143" rel="nofollow">https://nettskjema.no/a/647143</a> </p><p>Stipendiatstillingane er utdanningsstillingar som først og fremst skal gi lovande forskarar høve til fagleg utvikling. Stillingane har forskarutdanning fram til doktorgrad som mål. Stipendiatstillingane er viktige rekrutteringsstillingar til vitskapelege stillingar ved universitet og høgskular. </p><p>Stipendiatane vert normalt tilsette for ein periode på tre år med rein forskarutdanning, eventuelt fire år med forskarutdanning og 25 prosent karrierefremjande arbeid. Arbeidet kan bestå av undervisning, rettleiing og liknande. Ordninga med fire år forskarutdanning må avtalast særskilt med avdelingsleiinga ved tilsetting. Oppstart i stipendstillinga er i 2027. Endeleg tidpunkt for tilsetjing blir avklara i tilsetjingsprosessen.</p><p>Arbeidsstad er Høgskulen i Volda. Som tilsett ved høgskulen får stipendiatar tenlege kontor og utstyr, og får tildelt årlege driftsmidlar etter gjeldande satsar.</p><p>Eit vilkår for å starte i stillinga er opptak i doktorgradsprogrammet i helse og sosialfag ved Høgskulen i Volda/Høgskolen i Molde. Dokumentasjonen på opptak i doktorgradsprogrammet må ligge føre innan seks månader etter at ein har fått tilbod om stipendiatstilling. Ein vil då inngå endeleg avtale om å starte i stillinga. Vilkår for opptak til doktorgradsprogrammet går fram i Utfyllende retningslinjer for ph.d.-studium i helse- og sosialfag som du finn <a href="https://www.himolde.no/studier/om/studiekvalitet/kvalitetssystem/ph.d/ph.d.-i-helse--og-sosialfag/index.html/" rel="nofollow">HER</a>.</p><p><strong>Om ph.d.- programmet i helse- og sosialfag: Profesjonsutøving; vilkår og utvikling</strong></p><p>Høgskulen i Volda og Høgskolen i Molde tilbyr i fellesskap doktorgradsutdanninga Helse- og sosialfag: Profesjonsutøving – vilkår og utvikling. Programmet er tverrprofesjonelt og tverrfagleg. Utdanninga rettar seg mot alle profesjonar i helse- og sosialsektoren, og inkluderer bidrag frå fleire vitskapsdisiplinar. Programmet har eit breitt fagleg fellesskap av kandidatar og rettleiarar. Hausten 2026 er det 42 kandidatar  i programmet. Doktorgradprosjekta i utdanninga nyttar både kvantitative og kvalitative metodar og ‘mixed methods’. Doktorgradsprogrammet er eit tilbod til kandidatar som har relevant fagbakgrunn og master / hovudfag. Les meir om ph.d.-programmet <a href="https://www.hivolda.no/studietilbod/phd-studium-helse-og-sosialfag-profesjonsutoving-vilkar-og-utvikling/haust" rel="nofollow">HER</a>.</p><br /><h2>Kvalifikasjonar</h2><p>Søkjarar må ha fullført mastergradutdanning som er relevant for utlysinga  innanfor sosialfag, helsefag, samfunnsvitskaplege fag eller rettsvitskap, eller tilsvarande, og normalt med karakteren B eller betre på masteroppgåva. Dersom du har tilsvarande utdanning til mastergrad, eller utdanning frå utlandet, må du legge ved godkjenning frå NOKUT.</p><p>Vitskaplege kvalifikasjonar utover mastergrad, som er relevante for fagområda til stillinga, vil også bli vektlagde. Det same gjeld relevant arbeidserfaring frå undervisning.</p><p>Ved vurdering av søkjarane vil det bli lagt stor vekt på prosjektideen og prosjektskissa som ligg ved søknaden. Prosjektskissa skal vere på maksimalt 10 sider. Det skal kome fram kva du ønskjer å forske på, kvifor dette er relevant og i samsvar med utlysinga, og kva som er forskingsstatus på feltet. Skissa skal gjere greie for dei teoretiske og metodiske utgangspunkta for prosjektet og for kva empiri/datagrunnlag ein tek sikte på å bruke.</p><p>Det vil bli gjennomført intervju og referansesjekk av aktuelle kandidatar for å vurdere personlege føresetnadar for å gjennomføre forskarutdanninga. Motivasjon og potensial for forsking innanfor fagfeltet er viktige føresetnader. Du må ha stor arbeidskapasitet, vere strukturert og ha forståing for at eit doktorgradsløp er ein krevjande læringsprosess. Du må kunne arbeide sjølvstendig, vere nytenkande og kreativ. </p><p>Du må ha gode norsk- og engelskkunnskapar, både skriftleg og munnleg. Undervisings- og administrasjonsspråket ved høgskulen er norsk.</p><br /><h2>Vi tilbyr</h2><p>HVO tilbyr varierte arbeidsoppgåver i ei spanande og viktig verksemd.</p><p>Avdeling for samfunnsfag og historie har eit inkluderande og godt fagleg arbeidsfellesskap, der det er høve til fagleg og personleg utvikling. Høgskulen i Volda har gode vilkår for forsking, og det finst fleire aktive forskargrupper på ulike fagfelt.</p><p>Pensjonsordningane ved høgskulen er gode. Stipendiatstillinga er løna i statens lønsregulativ, og ved HVO er stipendiatar, stillingskode 1017, si startløn kr. 550.800,- med inntil 4 år med 3 % årleg stigning. Startlønna vil bli justert opp i løpet av september 2026.</p><br /><h2>Generell informasjon</h2><p>Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.</p><p>Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på <a href="https://arbeidsgiver.difi.no/strategisk-hr-og-ledelse/inkluderingsdugnaden/hvordan-bli-en-mer-inkluderende-virksomhet" rel="nofollow">arbeidsgiverportalen</a>.</p> <p>Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.</p><p>Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.</p><br /><h2>Om søknaden</h2><p>Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga</p><p>Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.</p> <p>Følgjande dokument/filer skal leggjast ved den elektroniske søknaden:</p><ul><li>vitnemål og attestar</li><li>CV</li><li>masteroppgåve</li><li>eventuelle andre vitskaplege arbeid</li><li>prosjektskisse, sjå informasjon lenger oppe i teksten</li></ul><p>Vedlegga skal ha namn som samsvarar med innhaldet i fila.</p><p>Søkjarane blir vurderte av eit sakkunnig utval. Alle innkomne søknader blir først vurderte av avdelinga. Søknader frå klart ikkje-kvalifiserte søkjarar blir ikkje sende vidare til vurdering i sakkunnig utval.</p><br /><h2>Kontakt</h2><p>Nærare opplysningar om stillinga får du ved å vende deg til:</p><ul><li>Kjartan Leer-Salvesen, e-post: <a href="mailto:Kjartan.Leer-Salvesen&#64;hivolda.no" rel="nofollow">Kjartan.Leer-Salvesen&#64;hivolda.no m</a>obil: 416 59 805, programansvarleg for doktorgradsprogrammet</li><li>Finn Ove Båtevik e-post: <a href="mailto:batevik&#64;hivolda.no" rel="nofollow">batevik&#64;hivolda.no</a>, tlf. 70 07 52 13, instituttleiar ved ISF</li><li>Randi Bergem, e-post: <a href="mailto:randi.bergem&#64;hivolda.no" rel="nofollow">randi.bergem&#64;hivolda.no</a>, tlf. 48 15 72 71, dekan ved ASH</li></ul><br /><h2>Om instituttet</h2><p>Institutt for sosialfag er eit institutt ved Avdeling for samfunnsfag og historie. Institutt for sosialfag har  19 tilsette i faste vitskaplege stillingar og per i dag ni stipendiatar. Ved instituttet er det omlag 450 studentar. Instituttet har ansvar for to bachelorprogram i sosialt arbeid: barnevernspedagog og sosionom, med meir enn 300 studentar fordelte på tre studieår.</p><p>Instituttet tilbyr mastergradutdanning i helse- og sosialfag og mastergradutdanning i barnevernsarbeid. Innhaldet i dei to mastergradane er omtalt i <a href="https://www.hivolda.no/studietilbod/helse-og-sosialfag/haust-0#acc-study-plan-id" rel="nofollow">studieplan for Master i helse- og sosialfag</a> og i <a href="https://www.hivolda.no/studietilbod/barnevernsarbeid/haust-0" rel="nofollow"> studieplan for Master i barnevernsarbeid</a>. Alle emna i masterprogrammet og vidareutdanningstilboda er samlingsbaserte. </p><br /><h2>Om avdelinga</h2><p>Avdeling for samfunnsfag og historie har undervisningsansvar for omlag 1350 studentar, fordelte på tre institutt: Institutt for planlegging, administrasjon og skuleretta samfunnsfag (IPAS), Institutt for sosialfag (ISF) og Historisk institutt (HI).</p><br /><h2>Studiebygda Volda</h2><p>Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.</p><p>Les meir på<a href="http://www.hivolda.no" rel="nofollow"> www.hivolda.no</a></p>Video: <a href="https://www.youtube.com/watch?v&#61;wSlL1WkuUXc" rel="nofollow">https://www.youtube.com/watch?v&#61;wSlL1WkuUXc</a>

Stipendiatstilling i helse- og sosialfag