Høgskulen I Volda

Volda

<h2>Om stillinga</h2><p>Studieadministrasjonen ved Høgskulen i Volda har ledig eit vikariat i 100 % stilling som seniorkonsulent i team for studium og læringsmiljø. Stillinga er eit årsvikariat med oppstart 1. juli 2026.</p><p>Arbeidet i Studieadministrasjonen er organisert i ulike team.</p><p>Team for studium og læringsmiljø har ansvar for sakshandsaming, forvaltning og rådgiving knytt til studentane sine rettar og plikter gjennom heile studieløpet. Arbeidet omfattar eit breitt spekter av studieadministrative oppgåver, mellom anna handsaming av søknader om tilrettelegging, permisjonar, endringar i utdanningsplan og andre forhold som påverkar studentane sin studiesituasjon.</p><p>Teamet forvaltar relevant regelverk, interne rutinar og prosedyrar knytt til studentrettar og læringsmiljø, og har ei sentral rolle i å sikre at praksis ved høgskulen er i tråd med gjeldande lover og forskrifter. I tillegg gir teamet rettleiing til studentar, fagmiljø og andre interessentar i spørsmål som gjeld studietilbod, opptak, kompetansevurderingar, studierett og liknande.</p><p>I tillegg til team studium og læringsmiljø (studentsørvis) består Studieadministrasjonen av team for utdanningskvalitet, team for eksamen, team for opptak, internasjonalt kontor, og andre stabsoppgåver.</p><br /><h2>Kvalifikasjonar</h2><p>For stillinga krevst det høgare utdanning på minimum bachelornivå og relevant erfaring frå offentleg sakshandsaming og rådgjeving. Det er ønskeleg med utdanning som er fagleg relevant for arbeidsoppgåvene. Det er ein fordel om du har kjennskap til UH-sektoren og saksbehandlingssystem som til dømes FS og P360.</p><p>Vi vil i tillegg legge vekt på at du har/er:</p><ul><li>ein systematisk arbeidsmetodikk, og set deg raskt inn i regelverk og nye digitale system.</li><li>presis og nøyaktig i rutinearbeid</li><li>gode kommunikasjonsevner både skriftleg og munnleg, og kunne formidle saker på ein strukturert og oversiktleg måte</li><li>høg arbeidskapasitet</li><li>ein pådrivar med gode samarbeids- og omstillingsevner</li><li>løysingsorientert og serviceinnstilt</li></ul><p>Du bør kunne skrive godt på begge målformer og ha gode engelskkunnskapar, både skriftleg og munnleg. Administrasjonsspråket ved høgskulen er norsk. Personlege eigenskapar vert vektlagt.</p><br /><h2>Arbeidsoppgåver</h2><p>Arbeidsoppgåvene i team studium og læringsmiljø omfattar blant anna:</p><ul><li>Oppfølging av semesterregistrering kvart semester</li><li>Handsame ulike forvaltningssaker og søknader frå studentar<ul><li>Permisjon, godkjenning, tilrettelegging av studiekvardagen, overgangar mellom ulike studium, og saker knytt til studierett</li></ul></li><li>Kontakt med fagmiljøa for avklaringar om søknader og saker knytt til ansvarsområda</li><li>Sakshandsaming innan opptak</li><li>Rettleiing av studentar </li><li>Lage vitnemål og kvalifikasjonar til studentar som fullfører studieprogram</li></ul><p>Du vil jobbe tett med resten av teamet, studiedirektør og andre medarbeidarar i Studieadministrasjonen. Du vil også ha god dialog med dei ulike fagavdelingane ved høgskulen. Stillinga rapporterer til studiedirektør.</p><p> </p><p>Oppgåvene kan bli endra.</p><p> </p><br /><h2>Vi tilbyr</h2><p>HVO tilbyr varierte arbeidsoppgåver i ei stor, spanande og samfunnsviktig verksemd.  </p><p>Som vår nye kollega vil du få:</p><ul><li>eit inkluderande miljø med engasjerte kollegaer </li><li>god pensjonsordning i <a href="http://www.spk.no/" rel="nofollow">Statens pensjonskasse</a>. </li><li>fleksibel arbeidstid</li><li>moglegheiter for trening i arbeidstida </li></ul><p>Stillinga er løna etter kompetanse og kvalifikasjonar i statens lønsregulativ. <br />Ved Høgskulen i Volda er normal årsløn i stillingskoda 1363 seniorkonsulent kr. 600 000,- – kr. 658 800.</p><br /><h2>Generell informasjon</h2><p>Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.</p><p>Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på <a href="https://arbeidsgiver.difi.no/strategisk-hr-og-ledelse/inkluderingsdugnaden/hvordan-bli-en-mer-inkluderende-virksomhet" rel="nofollow">arbeidsgiverportalen</a>.</p><p>Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.</p><p>Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.</p><br /><h2>Om søknaden</h2><p>Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga</p><p>Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.</p><br /><h2>Kontakt</h2><p>Nærare opplysningar om stillinga får du ved å kontakte studiedirektør Jan Terje Eidset <a href="mailto:jan.terje.eidset&#64;hivolda.no" rel="nofollow">jan.terje.eidset&#64;hivolda.no</a>  tlf.70075110.</p><br /><h2>Studiebygda Volda</h2><p>Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.</p><p>Les meir på <a href="https://www.hivolda.no/" rel="nofollow">www.hivolda.no</a></p><p> </p>Video: <a href="https://www.youtube.com/watch?v&#61;wSlL1WkuUXc" rel="nofollow">https://www.youtube.com/watch?v&#61;wSlL1WkuUXc</a>

St. nr. 5/2026 Vikariat ledig i studieadministrasjonen ved Høgskulen i Volda