Sjukepleiar

Ønskjer du ein variert arbeidskvardag? Medisinsk avdeling har ledig ei fast 100 % kombinert stilling ved Medisinsk poliklinikk og Medisinsk sengepost 1. Stillinga er for tida fordelt med 40 % ved Lungepoliklinikken og 60 % ved Medisinsk sengepost 1 (lunge- og hjartepasientar).

Intern omrokkering kan gje andre ledige stillingar.

Å jobbe ved medisinsk avdeling ved Ålesund sjukehus gir deg høve til å utvikle deg fagleg i eit miljø med høg kompetanse og stort engasjement. Medisinsk sengepost 1 har 24 senger fordelt på 3 team, og du blir del av eit arbeidsfellesskap som har pasienten i sentrum og eit sterkt fokus på tryggleik og kvalitet. Her møter du eit variert og spennande sjukdomsbilete, med akutte og kroniske tilstandar. Du får bruke og utvikle din kliniske vurderingsevne, og samarbeide tett med dyktige kollegaer og tverrfaglege team. Arbeidskvardagen er prega av høgt tempo, faglege utfordringar og gode rutinar – og du får bidra til å gi pasientar trygg og omsorgsfull behandling i ei kritisk fase av livet.

Du er velkomen som søkjar til ein meningsfylt arbeidsdag!

Arbeidsoppgåver

Ved medisinsk sengepost 1:

• Du møter eit variert og utfordrande sjukdomsbilete innan hjarte- og lungemedisin
• Klinisk observasjon og vurdering av pasientar med akutte og kroniske tilstandar
• Behandling og oppfølging, inkludert legemiddelhandtering og respirasjonsstøtte
• Tverrfagleg samarbeid med legar, fysioterapeutar og andre faggrupper
• Nær pasientkontakt og omsorg i sårbare livssituasjonar
• Dokumentasjon og koordinering av vidare behandling
• Fagleg utvikling i eit miljø med høg kompetanse og godt kollegafellesskap

Ved Lungepoliklinikken:

• Lungefunksjonstesting (i.e Spirometri, gangtest, blodgassmålingar, PEF)
• Sjukepleiarkonsultasjonar: C-PAP/BI-PAP og oksygen bestilling, utlevering, tilpassing, opplæring og oppfølging. Inneliggende og polikliniske pasientar
• Utlevering og avlesing oksygen- og søvnregistreingsutstyr. Dokumentasjon
• Førebu pasientar, klargjering av utstyr og assistere lungelege ved bronkoskopi og EBUS. Prøvetaking. Vask av utstyr og skop etter gjeldande retningslinjer
• Assistere ved pleuratapping, dren og biopsiar. Klargjering av pasient og utstyr. Reingjering
• Opplæring i div inhalasjonsutstyr
• Indusert sputum prosedyre. Handtering av ulike ekspektoratprøver
• Førefallande oppgåver. Reingjering av fleirgongsutsyr. Kalibrering. Lagerføring. Opptelling
• Nokre av sjukepleiarane er også involvert i AirView, fjernmonitorering av C-PAP pasientar
• Råd og rettleiing til pasientar, pårørande og kommunehelsetenesta

Kvalifikasjonar

• Norsk autorisasjon som sjukepleiar
• Kompetanse og erfaring frå arbeid med lungepasientar i sengepost
• Gode norskkunnskapar, både munnleg og skriftleg
  
• Trygg i akutte situasjonar og med kliniske vurderingar
• For stillinga ved lungepoliklinikken må du ha arbeidd klinisk i somatikken siste 2 åra

Det er ønskjeleg at søknaden inneheld informasjon om korleis du ønsker å utvikle deg innan lungefaget og litt om korleis du kan bidra til utvikling av avdelinga
Last opp vitnemål og anna relevant utdanning/kurs/sertifikat som vedlegg til søknaden

Personlege eigenskapar

• Empatisk og omsorgsfull
• Fagleg nysgjerrig og lærevillig
• Evne til å arbeide strukturert og sjølvstendig
• Gode samarbeidsevner
• Kommuniserer klart og tydeleg
• Trygg i akutte situasjonar
• Interesse for medisinsk teknisk utstyr

Personleg eignaheit vert vektlagt ved tilsetting

Vi tilbyr

• Eit godt og positivt arbeidsmiljø
• Dyktige og engasjerte medarbeidarar som gir deg god opplæring 
• Spennande og varierte arbeidsoppgåver i poliklinikk og på sengepost
• Sengeposten har faglunsj kvar 14.dag og eigen fagdag for nytilsette
• Undervisning ved lungepoliklinikken der sjukepleier deltek digitalt
• Eit solid fagmiljø som vil medverke til di faglige utvikling
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg. Les meir her!

Kontaktinformasjon

Ann-Helen Tryggestad Arthur, Seksjonsleiar, Medisinsk poliklinikk, +47 70105742, Ann-Helen.Tryggestad.Arthur@helse-mr.no
Inger Kristin Reiten, Seksjonsleiar, Medisinsk sengepost 1, 70105642, inger.k.reiten@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5192336147
Stillingsprosent: 100%
Fast
Startdato: 16.11.2026
Søknadsfrist: 18.11.2026