Lege i spesialisering i ortopedisk kirurgi. Vikariat

Stilling

Lege i spesialisering i ortopedisk kirurgi - vikariat

Lokasjon

Hagavik

Antall posisjoner

Sektor

Offentlig

Type ansettelse

Fulltid, Vikariat

Publisert

I dag

Søknadsfrist

22. nov.

Søk nå

Få påminnelse

13 dager igjen

Ved å be om påminnelse vil du motta en beskjed før søknadsfristen og annen viktig informasjon om stillingen.

Ditt navn

E-post

Ved Kysthospitalet i Hagevik er det ledig eit vikariat for lege i spesialisering innan ortopedisk kirurgi (LIS2/3), med tilsetting frå snarast. Varigheit av vikariatet er 6 månadar med moglegheit for forlenging. Vikariatet kan telje som del av spesialistutdanninga.

Helse Bergen HF, Ortopedisk klinikk inkluderer Ortopedisk avdeling ved Haukeland universitetssjukehus samt Kysthospitalet i Hagevik. Kysthospitalet er eit spesialsjukehus for ortopedisk kirurgi. Dei store pasientgruppene treng ryggkirurgi eller protesekirurgi, i tillegg er det mindre pasientgrupper for annan elektiv ortopedi. For å dekke læringsmåla innan traumatologi er det avtale om rotasjon til ortopedisk avdeling på Haukeland universitetssjukehus.

Vi har ein sengepost med 22 senger, 4 operasjonsstover og ein oppvakningsavdeling. Sjukehuset har 6-døgnsdrift, det vil si at sjukehuset stenger laurdag kl. 16.00, og opnar måndag morgon kl. 7.00. Dei fleste heilagdagar er sjukehuset stengt, slik at ein har fri påske og jul/nyttår.

Avdelingane er knytt til Det Medisinske Fakultet, Klinisk institutt 1 ved UiB og har ansvar for undervisninga av medisinstudentar. Legane må derfor delta i undervisning etter nærare avtale.

Arbeidsoppgåver

Arbeidstid og vaktplan etter ein godkjend tenesteplan

Kvalifikasjonar

Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS 2/3 stilling i ortopedisk kirurgi
Må meistre norsk skriftleg og munnleg
Må ha grunnleggande IKT-kompetanse (Windows operativsystem og Office)
Må ha kunnskap om EPJ og andre fagsystem

Personlege eigenskapar

Pasientorientert
Ansvarsbevisst
Beslutningsdyktig
Fleksibel
Engasjert
Bidra til eit godt arbeidsmiljø
Må trivast i eit aktivt og travelt miljø

Vi tilbyr

Lønn i samsvar med gjeldande overeinskomst
Medlemskap i pensjonsordning, 2% pensjonstrekk, yrkesskadeforsikring, gruppelivsforsikring og tenestereiseforsikring
Triveleg arbeidsmiljø
Høgt fagleg nivå
Vi er ei IA-bedrift, dvs. ein arbeidsplass som er ei inkluderande arbeidsliv-bedrift.
LIS legane har 6-delt vaktordning, med fri kvar søndag.
Vi har 6-døgnsdrift, dvs. sjukehuset stenger laurdag kl 16:00
I tillegg til fri kvar søndag, stenger vi dei fleste helge- og høgtidsdagar. Vi har også stengt i påskeveka, og mellom jul- og nyttår

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.