Fast stilling som provisorfarmasøyt ved Radiologisk avdeling, Senter for nukleærmedisin og PET

Stilling

Fast stilling som farmasøyt ved Radiologisk avdeling, Senter for nukleærmedisin og PET

Lokasjon

Bergen

Antall posisjoner

Sektor

Offentlig

Type ansettelse

Fulltid, Fast

Publisert

I dag

Søknadsfrist

03. des.

Søk nå

Få påminnelse

23 dager igjen

Ved å be om påminnelse vil du motta en beskjed før søknadsfristen og annen viktig informasjon om stillingen.

Ditt navn

E-post

Fast stilling som farmasøyt ved Radiologisk avdeling, Senter for nukleærmedisin, PET.

Helse Bergen, Haukeland universitetssjukehus, har ledig ei fast stilling (100%) som farmasøyt ved Senter for nukleærmedisin/PET ved Radiologisk avdeling. Faget nukleærmedisin omfattar både bildediagnostikk og terapi, og kombinerer fagområda anatomi, fysiologi, biokjemi, farmasi, kjemi, patologi, strålefysikk og bildedanning.

Senter for nukleærmedisin/PET er eit av dei største nukleærmedisinske sentera i landet med om lag 45 medarbeidarar fordelt på ulike yrkesgrupper. Vi utfører all PET- og nukleærmedisinsk diagnostikk og behandling i Vestland fylke, og har i tillegg enkelte regionale og landsdekkande funksjonar.

Senteret har ein eigen legemiddelproduksjon for radiofarmaka med syklotron og radiokjemi. Her produserer vi ei rekkje radiofarmaka til bruk innan nukleærmedisinsk diagnostikk og forsking, mellom anna [18F]FDG, [18F]PSMA-1007, [18F]FLT, [18F]FDOPA, [18F]FMISO og [13N]Ammoniakk. Senteret har to PET/CT-maskiner (Biograph Vision og Quadra), ein PET/MR (Biograph One), to SPECT/CT (Symbia Intevo Bold) og ein ultralyd-lab (Canon).

Vi søkjer no ein engasjert farmasøyt som ønskjer å arbeide med kvalitetssikring og regulatorisk oppfølging av radiofarmakaproduksjon. Stillinga vil vere tilknytt legemiddelverksemda ved senteret og innebere tett samarbeid med farmasøyt, kjemikarar, fysikarar og anna personell involvert i produksjon og kvalitetskontroll av radiofarmaka. Det er også tett samarbeid mellom personar tilknytt legemiddelproduksjon og klinisk personell på senteret.

Den som blir tilsett vil få ei sentral rolle i vidareutvikling av kvalitetssystemet ved verksemda. Det er eit mål at kandidaten på sikt skal kvalifiserast for oppgåver knytt til rolla som Qualified Person (QP).

Det er primært dagarbeid ved senteret, men det kan i periodar vere aktuelt med tidlegvakter knytt til legemiddelproduksjon.

Arbeidsoppgåver

Som ein del av legemiddelgruppa vil du arbeide i skjeringspunktet mellom legemiddelproduksjon, kvalitetssystem og pasientbehandling.

Dine hovudoppgåver vil vere:

Kvalitetssikring (QA): Bidra til drift, vedlikehald og kontinuerleg forbetring av det farmasøytiske kvalitetssystemet i samsvar med GMP-krav
Dokumentasjon og kvalitetsoppfølging: Handtere avvik, endringskontrollar, risikovurderingar, CAPA og anna GMP-relatert dokumentasjon
Produksjon og kontroll: Delta i oppfølging av produksjon og kvalitetskontroll av radiofarmaka etter gjeldande GMP-standard
Inspeksjonar og myndigheitskontakt: Delta i førebuing og oppfølging av inspeksjonar frå Direktoratet for medisinske produkt (DMP) og andre relevante myndigheiter
Validering og kvalifisering: Delta i kvalifisering av utstyr, validering av prosessar og implementering av nye produkt og metodar
Opplæring, undervisning og fagutvikling: Bidra til GMP-opplæring og fagleg støtte til medarbeidarar ved senteret
QP-utvikling: Bygge kompetanse innan regulatoriske krav og frigiving av legemiddel med sikte på framtidig funksjon som Qualified Person (QP)

For kandidatar med interesse for det kan stillinga òg omfatte oppgåver innan GDP (Good Distribution Practice), eller bidrag til forsking og utviklingsprosjekt ved senteret.

Kvalifikasjonar

Vi ser etter deg som trivst med kvalitetsarbeid, regelverk og tverrfagleg samarbeid i eit høgteknologisk miljø.

Utdanning: Mastergrad i farmasi (provisorfarmasøyt) med norsk autorisasjon
Erfaring: Erfaring frå legemiddelproduksjon, kvalitetssikring (QA), kvalitetskontroll (QC) eller anna GMP-regulert verksemd er ønskjeleg
Regelverk: Kjennskap til GMP er ein fordel. Erfaring med GDP, GVP eller farmasøytisk kvalitetssystem vil bli vektlagt
QP-kompetanse: Kvalifikasjonar for eller interesse for å utviklast mot rolle som Qualified Person (QP) er ønskjeleg
Språk: Gode kommunikasjonsevner på norsk og engelsk, både skriftleg og munnleg. Søkjarar må kunne dokumentere norskkunnskapar tilsvarande Bergenstesten (C1)

Personlege eigenskapar

Du er strukturert, nøyaktig og kvalitetsbevisst
Du har høg fagleg integritet og god vurderingsevne
Du trivst med ansvar og arbeider sjølvstendig
Du har gode samarbeidsevne og kommuniserer tydeleg med ulike faggrupper, og forstår di rolle i senterets drift og utvikling
Du er løysingsorientert og motiverast av kontinuerleg forbetringsarbeid
Du ønskjer å utvikle deg innan farmasøytisk kvalitetssikring og regulatoriske oppgåver

Vi tilbyr

Ei sentral rolle i eit av Noregs leiande fagmiljø innan radiofarmasi og nukleærmedisin
Spesialisert opplæring innan GMP, radiofarmasi og legemiddelproduksjon
Moglegheit til å utvikle kompetanse mot framtidig rolle som Qualified Person (QP)
Deltaking i utvikling av nye radiofarmaka for klinisk bruk og forsking
Moglegheit for deltaking i forskingsprosjekt, nasjonalt og internasjonalt
Deltaking på relevante kurs og konferansar
Eit sterkt tverrfagleg fagmiljø med høg kompetanse innan radiofarmasi, radiokjemi, medisinsk fysikk og nukleærmedisin
Moderne lokale og toppmoderne instrumentpark
Gode pensjons- og forsikringsordningar etter gjeldande avtaleverk

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.