Elektro, automasjon, VVS eller mekanikk? Her får du brukt heile verktøykassa.

Hardanger Seafood er eitt av Vestlandets mest moderne og automatiserte lakseslakteri. No skal me utvide det tekniske laget vårt. Teknisk avdeling består av ein stabil, kompetent og løysingsorientert gjeng som spelar ei avgjerande rolle for drifta vår. Ved å styrke laget vil me få endå større kapasitet til å arbeide strukturert og langsiktig med førebyggande vedlikehald, kontinuerlege forbetringar og vidare utvikling av produksjonsanlegget.

Er du ein person som likar å skape forbetringar og å sjå resultat av arbeidet ditt, er dette ein spennande sjanse til å vere med på neste steg i utviklinga av Hardanger Seafood.

• Utføre regelmessig vedlikehald og inspeksjonar av maskinar og utstyr for å sikre optimal drift

• Gjennomføre periodisk service

• Diagnostisere og reparere tekniske feil for å minimere nedetid

• Kalibrere og justere maskinar for å sikre nøyaktig og effektiv prosessering av fisken

• Føre logg over vedlikehalds- og reparasjonsarbeid

• Rapportere om maskinstatus og vedlikehaldsbehov til vedlikehaldsleiar

• Samarbeide med andre avdelingar for å sikre optimal produksjon og drift, samt delta i forbetringsgrupper

• Stillinga vil inngå i arbeidstid- og vaktordning på teknisk avdeling.

• Fagbrev innan elektro, automasjon, VVS, industrimekanikarfaget eller anna relevant teknisk fagområde

• Erfaring med vedlikehald, feilsøking og reparasjon av industrielt utstyr er ein fordel

• Gode tekniske ferdigheiter og interesse for mekaniske og tekniske system

• Erfaring med førebyggande vedlikehald og systematisk oppfølging av utstyr

• Praktisk anlagt og løysingsorientert med evne til å handtere varierte utfordringar i kvardagen

• Gode datakunnskapar og evne til å nytte digitale vedlikehalds- og oppfølgingssystem

• Gode kommunikasjonsevner på norsk og engelsk, både munnleg og skriftleg

• Nysgjerrig og interessert i å utvikle eigen kompetanse og halde deg oppdatert

• Evne til å arbeide sjølvstendig, samt å bidra positivt i eit lag med høg fagleg kompetanse

Dersom dette er deg, ønsker me at du sender inn en søknad. Kanskje er du vår neste kollega?

Som teknikar hos Hardanger Seafood vil du få arbeide med avansert teknologi og moderne utstyr i ein bransje som stadig utviklar seg. Dine tekniske ferdigheiter og problemløysningsevner vil vere viktige for å forbetre og vidareutvikle vår produksjon, og du vil spele ei nøkkelrolle i å sikre høg kvalitet på våre sluttprodukt.

Du vil få:

• jobbe med spennande og varierte arbeidsoppgåver i eit nytt prosessanlegg med topp moderne teknisk utstyr

• vere del av ein fremtidsretta kultur med fokus på bærekraft, miljø og fiskevelferd

• jobbe med moderne teknologi og innovative løysningar

• gode sjansar for personleg og faglag utvikling

• konkurransedyktige vilkår